الحقيقة ان مثل هذا الوضع الوظيفي الموضح في الخبر ، هو الوضع اللي يتخيله أي أجنبي عن الوضع في السعودية بشكل عام ، واذا قابلت أجنبي خارج السعودية وقام يتكلم عن وضع السعوديين جميعاً تراه يصف وضعهم بمثل هذا الوصف بسبب ثراء البلد وارتفاع اسعار البترول وغيره ، ولو حاولت توضح له ان السعودية زي بعض البلدان الأخرى ،، فيها فقر وفيها بطالة وفيها ضرائب قاصمة على شكل رسوم خدمات وغيره ، تجده يبتسم ابتسامه صفراء يعلوها الخبث وعدم التصديق نهائياً.

ولا ينلامون الناس خارج السعودية بمثل هذا التفكير ، فكل ما يلزم لأي شخص للخروج بهذا الاستنتاج هو معرفة سطحية باستخدام الآلة الحاسبة البسيطة بدون استخدم لا أس تربيعي ولا تكعيبي . فقط معرفة بكيفية ادخال الأرقام واستخدام علامة القسمة ، اللي هي هذي ( / ) او الشخطة اللي فوقها نقطة وتحتها نقطه ، وياهل الله ياللي فوق ، ما تبصوا على اللي تحت .

اذا تحسنت ارباح سابك، فلا يستفيد مساهميها ، ولا يستفيد المواطن رغم ان الدولة تملك الحصة العظمى بالشركة . لأني اخبر انهم يوم أسسوا هذا الشركة العملاقة ، كان المفترض انها تنهض بالمواطن السعودي على السواء .