الان باسكن روبنز بــــــ1 ريال

**مواطن بلا هويه** · 23-09-2010, 04:08 PM

ماصدقت عيني اول ماشفتها الصدمه مو من رخصها لكن من غلا اسعارها في بعض المحلات ما اطول عليكم :
رحت قبل ايام الى سوبر ماركت متاجر السعوديه في مكه ولقيت عنده ايسكريم من كل الشركات العالميه باسكن روبنز وموفنبيك وكواليتي وغيرها بس اللي صدمني هو سعرها تخيلووووووووو كم ؟
كلنا نعرف سعر الايسكريم عند باسكن روبنز الكوره ب7 ريال واكثرنا مايعرف ان محلات ايسكريم باسكن روبنز صاحبها مو واحد يعني كل محل وله صاحبه يعني ماخذ وكاله بالاسم وهم يوردون له البضاعه يعني مافي شي اسمه طازه في الايسكريم يعني اللي لقيته في السوبر ماركت نفس طعم اللي ينباع في محلات الباسكن يعني خذ المصيبه
جالون 1 لتر بــــــــ13 ريال وعلى ماشفت انه يكفي لعمل اكثر من 12 كوره يعني 12*7 =84 ريال يعني انت وفرت 71 ريال لا احد يدور في راسه شي ويقول مستحيل روح وجرب واوزن الايسكريم اذا اشتريته من الباسكن روبنز واوزن جالون الايسكريم وشوف الفرق مو هذي وبس لا خذ المصيبه لقيت قوالب مثلجه لعصيرات طازجه يعني جايه من الخارج ياخذونها اصحاب الكافتريات ويقلك طازجه وهو يشتريها ويحطها في مويه وكانها طازجه
واللي استنتجته ان اغلب الاشياء المبرده والمثلجه في السوبر ماركت تباع برا بنسبه700% من قيمتها لو اشتريتها مثل البطاطا او الناقيت او البرجر وقريبا ابي انزل تقرير مفصل عن هذي الاشياء من اولها الى اخرها

**جمرة غضا** · 23-09-2010, 04:40 PM

سعر الجالون بالمتاجر اقل كلامك صحيح

وأزيدك المتاجر تعمل تخفيضات إضافيه أو يرفقون مع الجالون هدية مجانية "جالون صغير"!
___________
المحلات ="عماله ,ديكور ,ايجار ,كهرب ,مصاريف ,ارباح ووو البحث عن ارباح زياااااده " وكلها تدفع من جيب المستهلك !

**pass2love** · 23-09-2010, 07:09 PM

انا من زمان اعرفه لاكن الكاسه بريال شئ جيد

عيب الشركات عندنا ماتجيب قليل دسم

**عجولي** · 24-09-2010, 01:41 PM

لكن التوفي غير متوفر الا بالمحلات الخاصة بباسكن روبنز

**azhar** · 29-09-2010, 12:13 PM

روووووووووعه ومجهود تشكر عليه

abuhisham · 29-09-2010, 12:59 PM

خبر حلو و طريقة للتوفير ممتازة .. و ترى هناك خبايا للأمور كثيرة و أغلبها تتعلق بمنتجات الشركات المشابهة.

تجد المواد الخام ماتكلف شيء و سعر البيع النهائي أضعاف مضاعفة .. على سبيل المثال .. إحدى شركات و سلاسل القهوة المشهورة .. سعر كأس الشيكولاته المثلجة وصل أو تجاوز 8 ريال .. المكون الأساسي لهذه الشكولاته عبوات حليب المراعي أبو شكولاته (أبوريال) .. يعني الكاسة ما تتجاوز تكلفتها 3 ريال بحساب كل شيء بما في ذلك إيجار المحل و راتب العامل .. و المكسب 5 ريال و قس على ذلك باقي المنتجات.

**نجم سهيل11** · 02-10-2010, 10:38 AM

وين هالمحلات اللي تبيع هالجوالين بالرخيص
دلونا عليها وبارك الله فيكم

**جمرة غضا** · 03-10-2010, 08:04 AM

اقتباس:

لكن التوفي غير متوفر الا بالمحلات الخاصة بباسكن روبنز

مهنا مشكله يا اخوي
التوفي تشتريه جاهز او تعمله بالبيت ,,, وجوز البلقان تلقاه باغلب المحلات
تعد التوفي +البلقان وتخلطهم مع علبه الايس كريم او تصبها ع ايس كريم قبل الاكل ..

اقتباس:

المشاركة الأصلية كتبت بواسطة نجم سهيل11