صراحه شدني في موضوع الشابوا كل اللي في البقالات مقلده ووووجميع الاشياء التكمليه مثل مزيل العرق و الكريمات والدهون وماشبهها وانتبهوا احد يشتريها الا من الصدليات (تصدقوا اني قد شريت من الصيدليه مزيل عرق مقلد) بس أغلبهم يجيب أصلي ووو السبر ماركه الكبيره لانهم ما يتعاملون الا من الوكيل المعتمد .

استطاعت العمالة الأجنبية في فترة وجيزة احتلال المنادي وطرد الحضارم واليمنيين منها فأرجو طرح اساليبهم في الغش لمن له تجربه وشكرا

مريت لسوق الخضار لشراء كيس بصل فقال العامل البنغالي بخمسة وعشرين ريال نهائي قلت ليش قبل فتره بسيطه وهو بأقل من كذا بمعدل خمسة ريالات قال الجواب المتفق عليه ((كل شي غالي) فتركت محله ولم أذهب للمحل المجاور بل خذت لفه من بعيد ورحت لواحد جنبه الجدار بالجدار وقلت له بكم البصل قال ب 22 ريال قلت بعشرين وشديت وجهي فيه واخذ العشرين ولاكلمه فقلت في نفسي إذا كان هذا باع لي بعشرين وأكيد معاه مكسب لن يقل عن 3ريالات فمعناته ان العامل الأول كسبان اقل شي 8 ريال في الكيس يعني ثلث راس المال يعني لوباع في الأسبوع بثلاثة آلاف مكسبه ألف وفي نهاية الشهر اربعة آلاف !!!!ول ول ول ول

ذهبت لشراء حليب بودرة وادي فاطمه الحجم اللي قبل الجامبو وانا عارف ان سعره من 47 الى 48 من بقاله اتعامل معاها فقال الحليب اليوم بخمسين قلت ليش العلب اللي في الرف موجوده من ثلاثة اسابيع وشريت منها من عندك بثمانية وأربعين فتلعثم وتلخبط البنغالي وتركته ورحت شريت من بقالة ثانية بثمان وأربعين ،،،،،واللي ابغى اقوله هنا يامستهلكين تغير الأسعار لايتم بين ليلة وضحاها وهاذى البقايل ماهي مشتركة في البورصة عشان التغيير يتم بهاذي السرعة اركدوا بارك الله فيكم وياحنا ياهم

ياشباب بعد التفكير العميق وجدت ان سبب تلاعب العمالة هو التستر التجاري فالبقالة لهم والسوبر لهم ويدفعون لكفيلهم مبلغ محترم ويسيبهم يبيعون ويشترون في مخاليق الله كيفما شاؤا فلن تموت الحية ان لم يقطع رأسها

عامــــة الاجانب على هذه الارض ليس لهم الحق في العيش عليهااااا احنا شباب وبنات هم اللي يبون يعيشون فوق ارضهم وتحت سمائهم يعني الجوازات لو كثفت الحملات راح تخرج الالاف من الاجانب خريجي السجون والعابثين بامن واستقرار البلد ما نبيهم شبابنا اولا بوطننا وهم اللي راح يحمونه لو نتذكر ايام حرب الكويت نوقف لحظه من وقف ايام الاحتلال وقاوم وانقتل على ارضه هم شباب الكويت وين الاجانب اللي هم عايشين فيهاااا هربو منهااااا يعني لو قدر الله وصار هالشي لنا لا سمح الله ما راح يوقف ولا راح يثبت الاشباب وبنات هذا الوطن ما نبي اجنبي رسالتي راح تتوجه للملك عبدالله خلاص نعيش عاطلين بس ابعدوا عنا االجانب عامه خلو الشركات الخاصه تخسر وتنحرق في طريق جنهم بس شباب وبنات هالشعب اولا من الغريب فيه

اشكر الاخوة القائمين على هذا المنتدى الرئع
انا مقتنع من شي واحد انه اذا غش بالسعر هو يغش نفسه لان حقي اباخذة اللحين او يوم لا ينفع فيه المال يوم الحساب

في طريقة في محطات البنزين خصوصا اذ كانت الة البنزين مكسورة الزجاج يقوم بتصفير العداد مع الضغط على ارقام السعر لكي لا تتغير ويبداء يعبي لك البنزين الي طلبت ويهمك انه عباء الكمية المطلوبة لاكن في الغالب لايكون السعر الاول اكثر من خمسة ريالات علشان ماتنكشف المسالة

السلام عليكم
كنت جالس عند الحلاق انتظر دوري واشاهد الشارع بكل وضوح واذ بسيارة فان مكتوب عليها مخابز........... تقف ونزل منها عامل هندي اوبنقالي وانزل معه رف فاضي ودخل التموينات المجاورة وبعد دقيقة عاد لسيارة ومعه فائض خبز امس اربع اكياس ثم وضعها في هذاء الرف ووضع فوقها الخبز الجديد وعاد الى التموينات وسلمها .
في نظر العامل المستهلك سهل غشه ولكن الطمع انساه ان الله يراه

كلام سليم حصل مره معي حيث أشتريت من سوبر ماركت بعض الأغراض و عندما أتيت أدفع الحساب تفأجات أنه زاد على خمس ريالات و عندما أكتشفت الزيادة أخذ يتأسف 0
وأنا عندي عادة ما أخذ شيء حتى أسجل سعره و أحسبه قبل أن أصل إلى المحاسب 0
وأنصحكم بذلك0