موضوع للنقاش >> سلامة التوصيلات الكهربائية والصابون والشامبو والمنتجات الأخرى في محلات أبوريالين.

**أهدافي تتحقق** · 02-01-2013, 05:42 PM

السلام عليكم بعد تنفس الصعداء من عناء الإختبارات الجامعية

بالنسبة لما كانت تسمّى بمحلات أبو ريالين فهي زيها زي المحلات الأخرى..

فيها الجيد و الرديء.. من أبسط الأشياء إلى أغلاها..

و مثل ما قال الأخ سعودي (أعلاه) ، إن اللي ممكن يبيّن لك الجودة عندهم في الأجهزة : الأسعار،

تلقاها نفس اللي بالمحلات الثانية..

بس الملاحظ بزيادة عند محلات التخفيض هذي هو تنوع السلع أكثر من غيرهم..

يعني تلقى أشكال وألوان من الجيد و الرديء ..

و هم بنفسهم إذا سألتهم يخبرونك إن هذا تشاينا وهذا "تشاينا كويس" >> يعني نخب أول

و هذا سعودي و هذا أمريكي و هذا إيطالي ..

طبعاً أنا ما أصدق كلامهم لين أشوف بنفسي.. و أدقق بعد

و مثل ما قلت في البداية : الأسعار هي اللي ممكن تساعدك في التفريق بين الصناعات..

بأقول لكم تجاربي مع بعض الأشياء اللي سبق إني أخذتها من هالمحلات..

الأجهزة الكهربائية زي التوصيلات و كذا.. أخذت كثير توصيلات من عندهم.. و من سنين طويلة و هي شغالة بدون أي مشاكل..

يمكن توصيلة وحدة بس اللي خربت عليّ.. ما أدري بسببي أو بسبب صناعتها >> للأسف ما اتذكر صناعتها أيش..

و الكريمات و الشامبو و اللوشن أغلب اللي شريت من عندهم كويسة جدا !

و سعرها نفس سعر السوق أو أقل شوي..

لكن بنفس الوقت تلاقي عندهم منتجات رديئة أو مشبوهة.. و نادراً إن تعليماتها تكون باللغة العربية..

تلقى الكتابات عليها شرق آسيوية أو إنجليزية بخطوط رديئة..

المنتجات المشبوهة هذي قليل إنك تلاقيها في المحلات الجيدة أو اللي تثق فيها..

و بس هذا اللي عندي و لو أتذكر شيء مفيد بهالخصوص راح أضيفه هنا..

و المعذرة على القرقر