اخواني كلنا نتفق بما يحيط بنا وبأطفالنا وعوائلنا من كوارث بسبب وجود الكم الكبير والمتعدد الاعراق والاديان من السائقين والخدم فأصبح البعض يشعر ان حياته لن تستقيم الا بوجود سائق في منزله حتي يشيل السائق عنه عناء المسئوليه للاسف والنتيجه ظهر عندنا جيل جديد لايغار من وجود رجل اجنبي لايعلم من اين جاء داخل منزله ... اليوم كنت عند مدرسة زوجتي وهي مدرسه داخل حي وصغيره ولفت نظري في احدى زوايا منزل محيط في المدرسه بكم كبير من السائقين مختلفي الجنسيات ولاحظوا انني قلت في احدى الزوايا فهناك زوايا اخرى فيها تجمعات وهناك من هم داخل السيارات... هؤلاء ماذا لو قرروا العبث في امن البلد او عمل فوضى كيف ستتم السيطره عليهم ما اقول الا الله لايوفق من فتح باب الاستقدام على مصراعيه حتى اصبحنا ونحن اهل البلد اقليه للاسف واليكم رابط المقطع http://up.dwltna.com/files/dx7kmejvssyza51yry2i.mp4 ملاحظه الآيات الوارده ليس لها علاقه بماهو في المقطع انما كانت بمسجل السياره وبعدين لا احد يقول ايه هين يالسمين عشان مكروف ومقهور من مشاوير الرياض تكتب ضد السواقين اقولكم والله وتالله اني اكره ما اشوف هالعماله اللي عندنا بس انشالله يجي يوم ويذلفون عن وجيهنا

والله يالسمين مشاكلهم ماتنعد ويبعد عنا بلاهم

انت الله مسهل امرك تطلع من الدوام وتجيب زوجتك
غيرك ما يقدر وغيرك ماعندهم احد يسوق ولا نبي الحريم يسوقن وش الحل
للمعلوميه السواق والشغاله كلهم ضروريات الزمن
ون مارضيت يالسمين ترا الطباخات ماسكات الطريق يأخذن مكانهن في البيوت

السلام عليكم ورحمة الله وبركاته

بالنسبة للسواقين والله صارت مشكله ، الى حد درجة ( الله يستر ) ان الغيره تكاد ان تمحى .

قبل تقريبا 4 او 5 ايام قابلت جار لي وسالني هل تعرف سائق ؟
قلت : لماذا ؟ رد علي قائلا : لكي يوصل زوجتي المدرسة.
قلت : انت فاضي ماعندك شغله ( هو صاحب محلات .. الله يرزقنا واياه والمسلمين الرزق الحلال )
قال : يابن الحلال هي بتروح المدرسه ساعه 6 ونص ، وانا اروح اخلص شغل الحسابات في الصبح .
قلت : طيب ودها على طريقك . قال : انا ي طريق الملك عبداله وهي في النسيم ( كلنا في حي الخليج ساكنين ) يعني ماهنا بعد .
قلت له : طيب خلها تروح مع جارنا الثاني لانها في نفس الحي اللي فيه المدرسه او جارنا الاخر . فرد قائلا : لا حبيبي فلوسك تخدمك .

( وانا غلطت لاني ماذكرته عن الغيره او بالاصح الخلوه ، وبالاصح ان العامل ليس على كفالته ( يعني بكره الله يستر لو اخذها وبدال مايتوجه للنسيم طقها للثمامه " الله يستر على نساء المسلمات" ).

لكن اعرف ان الشخص اكبر عبيط بيسوي اللي ناوي عليها.

وقبل امس خرجت من البيت ، وصادفت جاري عند الباب ومعه سائق هندي مدري منين جايبه .

لكن لو تشوفه تخاف انت كرجل تركب معاه ( اول شي له فتره في السعوديه ، وثاني شي جسم ) يعني على قولهم يعرف الكفت ، عارف الرياض شبر شبر ... وانا ما اقول الا الله يستر

لو تروح الحرمه مع مجموعة حريم افضل بكثير اقل شي يهاب ابو هنود.

سبحان الله وبحمده ، سبحان الله العظيم..

أصبحت هذه الأمور شر لابد منه.

بس مشكلة من يفضل إستخدام سائق و هو متفرغ أو صاحب عمله الخاص بصراحة قوييية.

يعني عشان مايتعب شويتين يعرض نفسه لإحتمالية أن يصبح ممن يطلق عليهم "ديوث".

الحاجه ........