والله ماتحملت اشوف بعض الردود في المنتدى من غير ما ارد عليها
فتاة سعوديه <= هاه خير وش جايك
اشوفك متحمسه وتتكلمين من طرف لسانك بالقوه
عسى بس ماجاكي شد عضلي من كثر الردود
بسوي اقتباسات لبعض الكلام اللي فقع مرارتي وانا اقراه وحسيت ان اللي يكتبه عمره خمس سنين
<= بدينا هواش
طلعت البنت مهي سعوديه
وابشرك حتى في اليوتيوب مالقينا الفلم ( وجه واحد يدور ورى الافلام
) وكلامك بداية شحن نفسي للشباب المراهقين الطيبين
وش دخل العرب والمسلمين في السعوديين
اصلا المنتدى كله يقول السعوديين مالنا صلاح في الدول العربيه ولا الاسلاميه الشقيقه
وايش دخل الشرف في الموضوع طيب
اللعن هو الطرد من رحمة الله ( مين نكون حتى نلعن احد
) استغفر الله
الحرام والحلال ( هذا من عند الله ومالنا حق نحرم ونحلل على كيفنا )
حلو كلمة سعودي يعني انتهينا من عرب ومسلمين الحين
ماعنده احساس ( طيب اللي يجيب اندنوسي صار عنده احساس والا لان الاندنوسي شعره حلو وناعم صار مقبول اجتماعيا
)
يعني لو ركبتي مع اندنوسي والا يمني والا سعودي فاتح البلوتوث مافي مشكله
طيب يقبلوا الاهل يوظفوا سواق سعودي ( ويقبل السواق يستلم راتب 1200 ريال بالشهر رغم ان البنغالي والاندنوسي يستلم 700 بس )
طيب تضمنيني لي ان السعودي مابيناظر في الحرمه اللي وراه ولا بيفكر يرقمها وبيكون امين عليها اكثر من محارمها
طيب وش رايك بظاهره الشباب اللي يسوقون ليموزين ودايم تلقيهم واقفين عند الاسواق يدوروا ضعيفات النفوس من البنوتات الحلوات
( في كثير سواقين نعتز فيهم والله يجزاهم خير بس انا اتكلم هنا عن شي منتشر )
طيب ابدأي انتي وروحي مع سعودي واضمنلك لو نجحت الفكره بيتقبلوها البقيه
بس وين السعودي الرخيص اللي قدروا عليه الاسر ذات الدخل المتوسط
هذي اكبر همومك يروحون مع بنغالي والا مع سعودي
طيب تعرفي ان معظم البنات الشريفات المحترمات يرفضون الركوب مع سائق سعودي والسبب التصرفات الشائنه اللي تطلع من السواقين انفسهم
طيب كيف يجي سواق ولابس شماغ وعقال وجوال اخر موديل وترزز ومضبط المرايه حتى يشوف اللي جالسه ورى وطول الوقت بصبصه والكثير من الاحيان توصل الى الغزل الصريح والتحرشات الجنسيه وهذا الشي اللي خلى الكثير من الاسر تتحاشى السائق السعودي
.
ومضه
من اجمل ماقرأت وشكرا لك هيفون
طيب وش حكايتك مع السواقين السعوديين اشوفك مصممه عليهم
طيب بنوصل مشاعرك المرهفه للوزير واعتقد انه بينجلط وبيقول صح كفاية الجنسيه اللي اعطوني هيا ( توهـ اخذها ترى )
عالم غريبه
صدق الوزير معظم السعوديين مهم مؤهلين للقيام بالوظائف اللي يقوم بها الزبالين والكناسين وحقين محلات الجزاره والحلاقين والجزامين ووووو من الوظائف اللي مايتقبل العمل فيها الشاب السعودي اما بالنسبه لوظيفة السواق الخاص فالرواتب مابيقبل بها السعودي وسائق الليموزين ماتقبل به المرأه السعوديه في الغالب
مو ملائكه احلى كلمه قلتيها وايش تستفيدي من اسم الواحد واسم عائلته تمسكيه اذا فات الفوت ووقع المحظور
[QUOTE]أسرة (أم وبناتها) تعرضوا للإعتداء بالضرب من قبل بنغالية في أحد الأسواق. ولما راحوا للشرطة، حطوا الحق عليهم مش على البنغالية.[/QUOTE]
طيب انا صدقتك لا من جد الشرطه عندنا تحب الاجانب ولايضربونهم ويعاملونهم ارقى معامله ويبوسون رجولهم بعد بعض الناس من زود الحماس يكذب كذبه هبله تحسسك انه صغير في السن ( طفل تحت العاشره ) حتى 11 سنه كبير عليه
تراني جلست ادور على المرفق ومالقيته نفسي اشوف بعض الوجيه كيف صارت بعد الاثبات هذا
جاي يكحلها عماها طيب وش دخل النخوه الحين والا مجرد عبارات حماسيه
تصدقي بديت احس انك تناسبي العمل في الانتخابات
مقطع برجس والا مقطع بنت القطيف والا باقي مقاطع الرقص اللي مصورينها الشباب السعودي والا المطوع السكران في سوريا والا السكران المفتي والا والا والا ..... ( معظم مقاطع البلوتوث نازله على شباب سعودي يسوي جرائم واغتصابات ولواط وضحك وفنادق سوريا والبحرين واليمن والمغرب ومصر تشهد بذلك
) .
حتى في سواق اندنوسي وفي غيره ( مانبي نقول ليه البنات السعوديات في الاشرطه هذي قبلوا يتصوروا مع سواقينهم وبكيفهم مو غصب ومن الاساس ليه تمارس الحرام سواء مع سعودي والا اجنبي وبكيفها الا لو كانت بنت مش شريفه
)
وهو البنغالي يعرض عذاري
( طيب زوج البنت مايعرف رقم البنغالي ) شطحت ياعالم ارحموني من بعض البشر وربي شكلي برتكب جنايه في بعض الاعضاء هنا
مرة ثانيه نتكلم عن الشرطه واحترامهم لكل ماهو بنغالي في مقابل سحقهم لكل ماهوسعودي
مصيبه احنا عايشين ونشوف باعيننا كيف المعاملة الوسخه للاجانب من قبل رجال الشرطه بالذات وكل يوم نشوف المنظر هذا مليون مره وفوق كذا نكذب بهذا الاسلوب الفاضح
رجعنا للكلام الحماسي حق الانتخابات
فله يابشر
لانهم ماسمعوا كلامك يعني
اللي مايهمه شرفه اكيد مابيهمه بنات بلده
كلاب <= اوووف ياذي الاوصاف القويه ( وش رايك نتعاون مع البلديه يشروهم بالبف باف ارضاء لمشاعرك الكريمه )
المختصر المفيد
السواق بشكل عام سواء سعودي او غيره يعتبر خطر يهدد الاسره وبلاش ننظر للسالفه بالجنسيات لازم ننظر لها بشكل ( ذكر وأنثى ) في محل خلوهـ ويوميا يتم هذا الاختلاء والشيطان شاطر فلازم يتنظم الوضع مثلا بالحافلات الخاصه لتوصيل المدرسات والطالبات ويكون السواق فيها جالس مع مرأه من محارمه وان كانت اسعار الشركات هذي غاليه واصبحت الاسر تعتمد على السائقين اللي يملكوا سيارات خاصه ويعملوا لحساب انفسهم ( الغالبيه من الشباب اليمني اللي متربي ومولود في السعوديه ) اسعارهم معقوله ويشيل اكثر من بنت في نفس الوقت ويوصلهم ( في حل السماح للمرأه بالقياده ولو فتحته يبيلنا منتدى خاص نتناقش فيه ) اما سواق يوصل الحرمه للسوق ويجيبها من الافراح وهي بكامل زينتها وكشختها وموجود تحت يدها وقت ماتبيه تتصل عليه وتقله يافلان امشي فهذه الاسر تحكم على نفسها بالدمار والمرأه محلها بيتها ولو تبي تخرج ماتخرج الا بمحرم من محارمها.
سالفة البنات وغيرهم والسواقين السعوديين مانقدر نحكم فيها من شخص او اثنين ( يعني لو جات بنت غير شريفه او سواق غير شريف وهم يدوروا على الحرام ) مابنقدر نمنعهم وهذي شي بينهم وبي ربهم الله يتوب عليهم ويهديهم والتربيه ثم التربيه والرجوع الى الدين الاسلامي والتمسك بتعاليمه هي الحل الوحيد للفساد الاخلاقي اللي صاير في العالم.
العماله البنغاليه لابد من ترحيل الفائض منهم وفي حلول كثيره واولها هو وقف باب الاستقدام وفتحباب نقل الكفاله وكل شخص يضبط اوراق عمالته والفائض منهم يترحل اما نمنع نقل الكفاله ونجبر الشخص يرحل الفائض وفي نفس الوقت نسمح له يستقدم اخرين ( نظام غريب ومعكوس ) وايضا القيام بحملات توعيه للناس بضرورة العمل والرزق الحلال.
فتاة سعوديه ( شوي عقل واشربي حبه ديزبام قبل ماتكتبي شي وترى في وظيفه مدير حمله انتخابيه فاضيه اذا ودك )
<= ياحبه للمهاوش 
17-01-2008, 07:27 PM
العرض الشجري