اختي الكريمة

ما ادري ليش حنا كذا يا السعوديين ( ضعاف ومساكين ) ولا نقدر نطالب بحقوقنا

انا بالنسبة لي ساكن قريب جدا من المستهلك ولي ما يقارب اربع سنوات ووالله يا نزلاتي على المستهلك ( المعفن ) انها تنعد على الاصابع لاني من اول ما دخلته اول مره حسيت ان الدعوة فوضه ولا فيه ترتيب ولا خدمات والارض تلاقيها وسخانه بالاوراق والبضائع خلوها على الله بس . صحيح ان صاحبه ( يماني ) ونحترمه ونقدره والله يرزقنا واياه بس على الاقل يكون شوية ذوق ينظف محله ويهتم فيه . بس بيني وبينكم هو متعود ولا هامه لان كل زباينه من ( النكاسة ) .

اذكر مره كنت في متجر المرسى وهو متجر قريب من المستهلك وانا جالس اقضي سمعت صراخ حرمه واصوات مرتفعه رحت لمصدر الصوت لقيت حرمه جالسه تهزء في العمال لانها شاريه ( كعك ) ولاقيه فيه البلاوي المهم انها سبتهم وهزئتهم ورمت في وجه الهندي قطه والثانية قالت بوديها للبلديه .

هذي المرأة السنعه الي تعجبك .

اتمنى يا اختى انك ما تسكتي عن حقك واذا الدقيق لسى معاك وديه على البلدية واذا ما نفع ارفعي شكوا للامارة وحنا معاك بالي تطلبيه منا .

وبعدين صاحبنا هذا يقول بيروح للادارة وش بتسوي الادارة يعني تبيها تروح تشتكي نفسها للبلديه ولا للامارة اكيد راح يعتذرون منك ويقولو ما راح تتكرر واكيد انها غلطه .

الله يصلح الحال بس