السلام عليكم
امس كنت في زيارة لاحد مصانع المياة في المدينه وشفت الجوالين الصغيره اللي وصلت
واللي اقرتها وزارة التجارة على المصانع
طبعاً زماان كان حجم جالون المويا 6 جالون بسعر 5 ريال
الان اصبح حجمها 5 جالون بسعر 6 طبعاً السعر للأن مختلفين عليه واللي مختلف عليه ترى مو التجار
وزارة التجاره نفسها لان المسؤول في وزارة التجارة جالس يفرض فرض على المصانع انها تزيد السعر وتنقص الكمية والسبب ان فيه مصنعين في المدينه من اكبر المصانع جالسه تضغط على هالمسؤول ولا اعرف هل هو (( ضغط )) ولا الرجل اهبل وحق فلوس ما نتهم احد في دينه
لكن اللي يخلي الواحد يفكر انه تبع رشاوي سببين
السبب الاول :
ان المسؤول حق التجاره مرره متمحس بكل ما اعطاه الله من قوة وكأن الوضع صار حياة او موت وكلمني واحد من اصحاب المصانع يقول لي انه يجبرنا على زيادة السعر وتوحيده رغم ان فيه مصانع تبيع الجالون ب 4 ريال فلو كان في صالح المواطن مارفع السعر وانما خفضه وطلب توحيده
السبب الثاني وهو اكثر وضوحاً في ان الرجل تبع رشاوي او اهبل
انه قال تنقصو كمية المويا لييششش ؟؟ عشان المواطن يتعب يشيل جالون سعة 6 جالون للدور الخامس او السادس
ووافق يزيد السعر بطلب من المصانع الكبرى اللي انا قلت عليها ليش مقابل ان المويا تكون نظيفه ..
طيب نظافة المويا هذي مو مسؤولية وزارة التجاره هذي مسؤولية مصلحة المياة واحنا كل اسبوع نقوم بأخذ عينات من المويا وبأوقات مفاجئة وزيارات ميدانية
وايضاَ
وزارة الصحه والامانة لهم زيارات اسبوعيه وشهريه على المصانع
فليش ياموظف التجاره تفرض اشياء ماهي من اختصاصك ؟؟؟؟؟؟؟؟؟؟؟
ومانقول الا لا حول ولا قوة الا بالله
صورة العبوات الجديدة
01-02-2010, 10:41 AM
وصلت جوالين المويا الصغيره اللي راح يمشونها علينا في المدينه
العرض الشجري