انا شفت بعيني في العنايه المركزه بالمستشفى العسكري قبل ساعه... - الصفحة 2

**ciel** · 22-08-2009, 02:21 AM

لاحول ولاقوة الا بلله

**ابو جنــــــى** · 22-08-2009, 02:32 AM

والله حال يبكي
يعني لو احمد الصبان كانت المتوفية والدته ماكان هذا رده
لكن الناس مايتساوا ( حسب كلامك)
أقول في احكم الحاكمين وأرحم الراحمين يتولاها والله يرحمها برحمته
و حسبنا الله ونعم الوكيل .

**جمرة غضا** · 22-08-2009, 02:38 AM

حسبي الله ونعم الوكيل الله يغفر لها ويرحمها

اقتباس:

اتهام 90 بالمائة من الجهاز التمريضي في السعودية بانهم قمة في الاهمال , هو مجرد هراء

يعني لو حنا عايشين خارج السعودية راح نصدق كلامك
مستشفياتنا ونحن أعلم بحالها

**بنت الرجال** · 22-08-2009, 06:15 AM

هي جت على المستشفيات
حتى التعليم الله العالم بحاله
ما تقهرني غير صيحات السعودة
طيب أهلوا السعوديين وبعدين خلهم يتفلسفون
بصراحة أنا مو ضد السعودة
بس ضد

**بنت الرجال** · 22-08-2009, 06:18 AM

هي جت على المستشفيات
حتى التعليم الله العالم بحاله
ما تقهرني غير صيحات السعودة
طيب أهلوا السعوديين وبعدين خلهم يتفلسفون
بصراحة أنا مو ضد السعودة
بس ضد إني أشيل عربي أو أجنبي متميز ومخلص من أجل سعودي مهمل ويبي وظيفة طاولة وكرسي أو ترزز لا وما يرضى براتب قليل
طبعا أنا ما أعمم
فيه سعوديين ينحطون على الجرح يبرا
لكن اللي أشوفه من بعضهم لسان بس وما هنا شغل
يعني فلسفة على الفاضي
وكله كوم وطولة لسانهم على أساتذتهم كوم ثاني
الله يرحم حال الشباب والشابات
ملعوبن عليهم
وماخذين بنفسهم مقالب

**خالد 1** · 22-08-2009, 08:19 AM

اقتباس:

المشاركة الأصلية كتبت بواسطة ahmad alsabban

وللاسف وجود هذه القلة من الذين يخالفون انظمة الدولة من ناحية اللبس والسلوك في العمل هي ظاهرة موجودة بمستشفيات المدن الكبرى , الرياض جدة والشرقية

لا لا تجامل
ياأبو الشباب ... اي قله واي عمل واي خدمه صحيه
انت متأكد من كلامك او تجامل الناس .
ياخي الممرضه السعوديه لايهمها المريض قدر مايهمها تكحيل العين وحط اللثمه ورسم الحواجب
ولبس البنطلون الجنز وتوضيحه من تحت البالطو للناس .
وماسكه الجوال طوال الوقت في يدها والخواتم انواع في الاصابع والسلاسل على الصدر والكعب العالي .
والله يمكن لاتلبس أمام زوجها هذا اللبس .. ولكن امام الناس وفي المستشفى عادي عندها !!!

وفي الكلام .. لو تتكلم معها ترد عليك ببروده وكأنها نايمه على السرير وانت مزعجها من النوم .

المريض انسان يشوف الموت ويمكن يموت ..
والممرضه السعوديه تقول: انت اسمك ايه ومن ايه تشتكي ومن متى // لحظه لان جواله رن رن من صديقها في المستشفى وترجع للمريض وتسألة نفس الأسئلة وباسلوب دلع ومساخه .

اسلوب بارد وكانها بنت دلع ونعمة وهاي هاي ...اذا كانت بنت نعمة اتركي العمل لغيرك
وخافي الله في المرضى .
لأن المريض خرج من بيته الى المستشفى بعد الله .. يطلب المساعدة والعلاج
والممرضة تتمخطر امامه وكأنه طالب الزواج ويلقي عليها النظره الشرعية .

يااستاذ احمد الصبان ... مع احترامي لك //
هل تعلم ان الموظفات الاجنبيات الان يقلدون الموظفات السعوديات في اللبس داخل المستشفى وحركات الدلع ..
يعني لانستفيد من السعوديات في الخدمة الصحية ولا خلونا نستفيد من الاجنبيات .

بصراحة ..

سعودة قسم التمريض يعتبر بدري علينا ... ولا وصلنا للمستوى المطلوب وخصوصآ النساء

ملاحظه ..

موضوع الفساد الاخلاقي والجنسي في المستشفيات في زيادة
واستفسر بنفسك في مكاتب الهيئة
او استفسر من موظفة تعمل في التمريض وتكون ثقة وتخاف الله في كلامها .
وهذا الفساد كله بعد السعودة

والطامه الكبرى

اذا كنت تعمل ممرض وماتضحك وتسولف مع الممرضات وتنكت معهم
يقولون عليك متخلف وبدوي وخبل ورجعي !!!!

**economy** · 22-08-2009, 11:12 AM

على كل مواطن ان يثبت الاهمال بالدليل الا وهو البلوتوث والتصوير عن طريق كاميرا الجوال التي تكون الاثبات الوحيد مع نشرها على نطاق واسع .
التصويــــــــــــر عن طريق الجوال ارحم دليل ودرس للمتسيب والمتسيبه او وضع كاميرات مراقبه وتحت اشراف
ادارة المراقبه المركزية من اشخاص ذات ضمير ودين
وكل عام وانتم بخير