دخلت مطعم ولقيت سعره غالي فماذا تفعل ؟ - الصفحة 3

**مضارب فطين** · 29-08-2007, 04:25 PM

شلون الواحد يدخل وهو مايدري وش عندهم ذولا ولا أسعارهم ؟

عن نفسي إذا شفت مطعم جديد وحبيت أجربه أمر عليه مرة آخذ معي المنيو وأقراه بالبيت وأعرف وش أكلهم وش أسعارهم وما أروح إلا وأنا عارف طلبي وش أبغى بالضبط وكم يكلفني بالتحديد حتى رسوم الخدمة أحسبها بعد

**ksaryh** · 01-09-2007, 11:19 PM

اما عني انا اعرف وين اروح اذا مطعم غالي اخذ احتياطي
و اذا تورطت بمطعم غالي و شفت المنيو مرتفعة اسعاراها
اسحب علية و امشي و احط المطعم في البلاك لست .

mqataa · 01-09-2007, 11:33 PM

اقتباس:

المشاركة الأصلية كتبت بواسطة مضارب فطين

شلون الواحد يدخل وهو مايدري وش عندهم ذولا ولا أسعارهم ؟

عن نفسي إذا شفت مطعم جديد وحبيت أجربه أمر عليه مرة آخذ معي المنيو وأقراه بالبيت وأعرف وش أكلهم وش أسعارهم وما أروح إلا وأنا عارف طلبي وش أبغى بالضبط وكم يكلفني بالتحديد حتى رسوم الخدمة أحسبها بعد

اقتباس:

المشاركة الأصلية كتبت بواسطة ksaryh

اما عني انا اعرف وين اروح اذا مطعم غالي اخذ احتياطي
و اذا تورطت بمطعم غالي و شفت المنيو مرتفعة اسعاراها
اسحب علية و امشي و احط المطعم في البلاك لست .

طيب في حالة ان المطعم اللي متعود تروح له وعارف سعره فاجأك بانه رفع السعر وش ردة فعلك ؟

**امرأه لا تنحني !!!** · 09-12-2007, 03:37 PM

بكل بساطه اطلع وكنه العيد

ماذبحنا غير المجاملات والحياء اللي مال لأمه داعي:d

**ضمى نجد** · 03-09-2007, 02:05 PM

ستيك هاوس الببسي عندهم بعشر الريال

**اخو العيال** · 29-10-2007, 11:15 AM

والله العظيم لا اطلع ولا همني فيهم ولو معي مال قارون

**ابومشاري** · 05-11-2007, 06:46 PM

لابد ان تكون هناك خلفيه عن الاسعار قبل الدخول لأي مطعم كان

واذا والله رفعوا السعر قلهم سعركم مبالغ فيه وعشان كذا انا مقاطعكم

واطلع حتى لو معي ملكة جمال الصومال

**الهلقم** · 17-11-2007, 02:55 AM

كويس انك تقرا المنيو
بعضهم ما يسال عن الحساب الا بعد ما يغسل يده

**عربيد** · 21-11-2007, 01:50 AM

وين دورة المياهـ؟

.
.
.
عارف إن ردة فعلي هذي غلط ,,
لأن حنا ما ذبحنا إلا خجلنا الزائد !!

وأوافق اللي قال نصارحهم بإن أسعارهم غالية

تحياتي للجميع

**ورد الخزامى** · 28-11-2007, 09:27 AM

ابد نطبق خطه 502

يطلع اخوي اول واحد وشوي شوي الحقه انا واللي معاي