سفاري ... ههههههههاي

**panadol** · 17-01-2009, 03:51 PM

السلام عليكم

فركت من الشغل اليوم حوالي الساعه 10 صباحا

وبالطريق شفت وكاله سفاري وقلت بقلبي خلني اوقف واشوف وش اخبار اسعار السيارات

ووالله اني لن اقول غير ما حصل بدون زياده او نقصان

اول ما دخلت الصاله تجولت بنطري يمين ويسار وما لقيت غيري انا ومدير المبيعات بسسس

رحت لـ سياره سكودا فل كامل ابي اشوفها بدون الذهاب الي مدير المبيعات

فتحت السياره وركبت فيها وما حسيت الا امدير فوق راسي ويقابلني بابتسامه شفت حتى ضرس العقل من كبرها

وقف بجنبي وسلم على وبدا يشرح لي ويعطيني مواصفات السياره

وانا اتعبث بالسياره وهو يشرح المهم عقب ما خلصت تعبث بالسياره

قالي تفضل وش تحب تشرب

قلت له سلامتك

قالي وش عجبك قلت عجبتيني سكودا فل كامل

وبدا يعطيني حساباته وارقامه

سالته قلت له الكاش كم

قالي 100 الف ريال طبعا ضمان 5 سنوات و 300 الف كم

وقلت اقصاد قالي 100 و 17 الف بنفس الضمان

يعني الفايده حوالي 4% على مدى 5 سنوات تقريبا

المهم انا طنشت ورحت للسياره ابي اشوفها وقام الاخ وفتح لي الكبوت وركب البطاريه وفتح ناريه السياره وهات يا مدح

اخذني ثاني مره وقالي عطني جوالك

انا بييني وبينك كنت بصرفه بس ما قدرت

وعطاني رقمه واتصلت عليه مجبر اخاكم لا بطل

ما لكم بالطويله وصلني للباب حق الوكاله باحلا كلمات الوداع ههههههههههه

وهذا يعني شي واحد

انهم يكشون ذبان وخلوها تصدي

**MoHaMeD1** · 17-01-2009, 04:20 PM

والله ذكرتني باول يوم لما فتح بنك البلاد
خدمات فايف ستار
عصيرات وشواهي وموظف معاك ويسويلك اوراقك وانت جالس وويصلك للباب
وجيتلهم بعد اسبوع ولا الدعوه طرد وفتح حسابات متوقفه وحاله

مشكور اخوي وخليها تصدي وان شاء الله بتاخذها بنصف السعر

**nas700** · 17-01-2009, 05:22 PM

الصبر مفتاح الفرج
والجاي احلى باذن الله

**جمرة غضا** · 17-01-2009, 05:25 PM

نفس سعرها ما أرتفع أو ماحصل تغير في الضمان ونسبة الأقساط
وياليت شكرته وعطيته دعوة لمنتدى المقاطعة :d
شكرًا على الجولة التفقدية في معاقل أصحاب الوكلات

**ابومالك** · 17-01-2009, 09:12 PM

كل مانصبر كل ما تؤتي الحمله أؤكلها وتصبح الاسعار للأفضل.

**af2ux** · 17-01-2009, 10:54 PM

ياليت انك مصور السياره خخخ

خلنا لو نضحك

مشكور وفعلاً انا شفتها لها تأثير جداً واضح عليهم

ماعدا شركة الكبرياء والتعالي الشركه الامريكيه شركة المتحده للسيارات وكيل دوج وكرايسلر وجيب احذر منها ياشباب وياليت يشن هجوم عليها عالي الكثافه لانهم متكابرين ويستهترون بالحمله