ارفع شكواك إلى كل من الجهتين الأم لتويوتا ويوكوهاما
وربك يسهلها ويمرمطهم
والله لو علي كان سحبت بوزارة التجارة بعدما أرفع لهم وإذا ما ردوا علي خلال 3 أيام عمل
أرفعها لولي الأمر
وأقول له شوف الفساد منتشر حتى في وزارتك ببرقية مستعجلة
والله لأخربها عليهم
قال وزارة هذي الوزارة يبغى لها محكمة تحاكمها على إهمالها حقوق المسلمين
والله ما في مخلوق إلا اشتكى منهم

نصيحة ،، خاطب الشركة الأم ،، لا تسكت ارم السيارة عندهم وقوللهم بروح افضحكم ،، ولا وقفها قدام الشركة وحط عليها عبارة ( شوفوا عمايل عبد اللطيف جميل !! ) صدقني بيشفون لك حل.. وربي قهر ,, الله يعوضك خير

اف حاجه تسد النفس وكان الله بعونك
اخاف الله يخسف فينا من هالظلم
تذكرت من زمان كنت بشتري فيديو ويوم حصلته ارخص من المحلات الثانيه قالوا لي لأنه بدون ضمان الوكيل
قلت: خله يخرب ونا اصلحه ولا انقهر من ظلمهم

اخاف لو يصير لي مثلك ادخل عليهم الوكاله بالسياره

والله يا ريت العيوب بس في شركة تويوتا .
والله العيب في كل الشركات تقريباً , لا وكمان لا نويت تشتري سيارة من أي شركة يذبحوك بالشروط التعجيزية بالذات لو كنت عسكري أو راتبك ضعيف على بالهم مدينك سيارة طيبة والمشكلة ان السيارات كلها ورق في ورق . ويا قلب لا تحزن .

معوض خير اخي والله يكون في عونك ومثل ماقالو الاخوان لا تتركهم العن ابو جدفهم وهذا والله من القهر الي فيني وخذ سالفتي يمكن انا اهون منك لكن الله يكون بالعون طبعا انا غرقت في بحر تويوتا
يوم اخذت منهم كامري 2007 بعد نصائح من المغفلين والسالفه ياطويلين العمر بعد الالف كيلوا قالو جبها صيانه اولية قالوا تشيك وتغير زيت طبعا السياره جلست 3 ايام كل ما اتصل فيهم قالولي زحمه ههههههه وكلامه صحيح زحمه بسبة كل سيارات 2007 رايحه وطي المهم يوم فضى الجيب من اجار الموزينات رحت عندهم وقصدي اني اسحب السياره لا ابي صيانه ولا يحزنون ولا امداني داخل الصيانه الا الحمد لله السياره مرفوعه على البستم قال لي المهندس جيت بوقتك دقايق وينزلون السياره وتاخذ سيارتك بس قبل كذا رح ادفع هذي الفاتوره تغير زيت وتغير فلتر الزيت وفلتر التكييف وفلتر الجير قلنا اوكي انا سمعت الشباب يقولون ان الصيانه الاولى يمكن ياخذون منك 90 او 190 ريال تفاجأت بالمبلغ الي هو 600 ريال انلمخت وطقتني كبدي والمعده وووووو دفعت المبلغ وانا لم احرك ساكنا تعرفون ليه لان تو نازل الراتب وقتها وتعرفون السعودي دام فيه فلوس اصرف يلعن ابو الفقر جلسوني في صاله انا ظر سيارتي وهم لسا مانزلوها وبعد ساعه نزلوها وياريتهم مانزلوها البستم ( الرافعه الهوائية ) فيها كانت مشكله كانت تقطع يعني نزلت نزله قوية وعليها تكسرت النسافات الامامية وانتفخ الصدام الامامي طبعا لو اني مو موجود كان رقعوها لكن لاني موجود وانا ظر الحدث رقعوا الصدام تلفيق وقالو لي عندك النسافات يبيلهم تغير ولان الوظع زحمه تعال بعد يوم وهذا كلام المهندس ( فلبيني الجنسية) واعطاني ورقه تثبت الحدث والمشكله المهم اختصر رجعت لهم يوم ثاني قالو ا القطع ( النسافات غير موجوده راح نطلبها من جده انتظر اسبوع ههههههههه انتظرنا اسبوع وهنا الرد القاتل الي كرهني حياتي ولعنت اليوم الي انلخمت في هذي الشركه علما ان ذاك الوقت مقاطعه لكن وش حدك يلمسمار وبختصار الرد هو ان المهندس الي كتب لك الورقه سافر امس يعني انتظر الى ان يجي لان هو الي يتحمل التصليح والقطع طيب يعني وش لون قال انتظر شهر الى ان يجي وجا شهرين ورحت لهم وقالو لي المهندس قدم استفالته طيب ويعني قال يعني يا انك تدفع انت اسعار القطع والتصليح علينا ولا راجع المدير الصيانه قلنا نراجع المدير راجعنا المدير ناظر الفاتوره هز راسه قال راجعنا بعد شهر الا ان تجي طلبيتك نسافات قلت له شكرا لكم ورحت الى شارع سعود بالدمام وشتريت النسافات وانتهت السالفه واسف على الازعاج وهذا هي تويوتا كل يوم 25 من الشهر الساعه ثمان صباحا يدقدقون متى راح تجي تسدد القسط يفطرون عليك لا ولو تتاخر يوم واحد رسلو فاكس لرئيسك المباشر ومديرك العام وابوك وامك واخوانك كلن درى انك ما خذ تأجير ولا الان مسدد حول 90 الف ولا زالو ا منكدين عيشتك النصيحه النصيحه النصيحه تويوتا اكس اكس اكس ولا هنتوا

الله يعوضك خير أخي صاحب الموضوع ... أخي snipr4arb الله يعوضك خير وصح لسان وفعلاً تويوتا أكس كس أكس ولا هنتوا

تم نشر الموضوع على صفحة مقاطعه على الفيس بوك

الله يعوضك خيروالشكوى لغير الله مذلة
الله لا يربحهم على ضحكهم على الناس

وزارة التجارة وش فائدتها اشتك يااخوي والله معاك

أغلب الشركات ضمانها كلام في كلام
الصدق ماعاد فيه صدق