الكفـــــرات(إطارات السيارات)

**المستافي** · 11-09-2007, 08:51 PM

يعرف الجميع انها زادت اسعارها وش رايكم وش احط للكامري ومن وين اشريهن بالرياض..

**اسطبل داود** · 14-09-2007, 08:55 PM

في محلات الغرابي وغيرها توجد أنواع كثيرة من الإطارات الجيدة والرخيصة .
الكوري (هانكوك ، كومهو) الياباني (سوميتومو ، فالكون) .
علماً بأن الكوري لا يقل جودة عن الياباني .

**munomoni** · 15-09-2007, 06:58 AM

موضوع مهم والمشطلة ان البديل لازم يكون ذو كفائة عالية

**الدائرة مستطيلة** · 15-09-2007, 05:41 PM

أنـصحك بخطوات قوم فيها ..

الغرابي لا تشتري منه على طول لأن السوق كله يعتبر غالي .. ومتكتلين مع بعض
وأسعارهم متقاربة من بعضهم فأنصحك تسعّر عند محلات غير الغرابي
وتبحث عند الوكيل أو الموزع في شارع الريل أغلب الوكلاء

حادثة / صارت معي قبل أسابيع سعر الكفر X في الغرابي من عند الوكيل 300 ريال
فرع ثاني للوكيل في صناعية الدائري الجنوبي بـ 260 ريال يعني فرق في الكفر 40 ريال
ويشترون منك الطقم القديم بـ 100 ريال أو أقل شوي تصير كسبان واجد

**الفهلوي** · 15-09-2007, 10:10 PM

الله يعينك يا أخي الكفرات أسعارها طايره في السما ء أردى الأنواع الصيني واصغر مقاس 110 ريال بعد التخفيض .

**إنسان** · 20-09-2007, 05:22 PM

أخوي الله يعطيك العافية
الكوري طيب ويتحمل ما هو مثل الياباني طبعا ، لكن فارق السعر بالكوري يعادل الجودة اليابانية والغرض كفر يمشيك ، وتستأمنه بالسفر وما يخذلك ، وهذي مواصفات موجودة حتى بالصيني .
في شهر 12 الماضي عانيت بتغيير كفرات الاكورد ، الاسعار غالية والانواع متفاوتة ، بس استقريت على نوع من واقع تجربة لمدة 10 شهور انصحك فيه .
طبعا مقاس كفر الاكورد مثل مقاس الكامري 205/65/15 وطراز السرعة V ، الكفر صناعة ماليزية ، يعني مطاط من الدرجة الاولى ، لين وخفيف ولاله صوت ، والحمد لله لا بنشر معي ولا نقص هواه وباقي كأنه جديد رغم اني ماشي عليه فوق الـ 30 الف كم واغلب المشي بسرعة 160 كم لأن عملي يبعد عن البيت 130 كم
نجي للمهم الكفر هو Continental Sime Tyres ASTAR300
وكيله هو شركة باحكم وبشوف ان كانت الفاتورة باقي معي حطيت لك ارقامهم .
عليه ضمان سنة والضامن الله
سعر الكفر الواحد مع التركيب والترصيص وعند الوكيل لأني ما لقيته الا عنده 180 ريال ، والنقشة رياضية حلوة جدا ويمكن عيبها تمسك حصى بسبب التعرجات اللي مثل شكل الاسهم .
جربت قبلها الدانلوب وهي يابانية بس ارتحت لها اكثر من الدانلوب .
وربي يوفقك

**despatcher1734** · 20-09-2007, 11:46 PM

لا أحد يروح لفالكون ردي الاستعمال جدا

**UM 3LI** · 22-09-2007, 05:04 AM

الكفرات الهانكوك كم أسعارها؟

**الدائرة مستطيلة** · 22-09-2007, 10:32 AM

um 3li

الهـانكوك ( كوري ) لكن جودة عالية حسب مانسمع والأسعار تختلف حسب المقاس
لكن مجملاً قريبة من الياباني ..

**ضد الكسر** · 23-09-2007, 03:12 PM

هانكوك ممتاز كوري ورخيص انا مركبه على سيارتي بس انتبه ترى فيه منه نوع صيني انتبه منه لا تركب الا كوري