سؤال حيرني وابي اجابه وافيه ..!!

**الحل الصعب** · 18-05-2009, 03:57 PM

السلام عليكم ..كيف حالكم ان شاء الله تمااام

انا سؤال حيرني من شهور ..الي يقول ان اسعار الوكلاء هنا وارباحهم خياليه والجشع لاعب فيهم ..؟!

ويقول ان السيارات باوروبا وامريكا وحتى دول مجاوره اسعارها اقل بكثيير بعد الازمة العالمية

الي خسرتهم مليارات ..

طيب انا ابيك تدخل موقع تويوتا او نيسان او حتى لكزس امريكا او اوروبا وتشوف الاسعار وتقارنها بالاسعار المحليه ..راح تحصل نفس السعر او اقل بعد ..!!

تقولي السياره شامله التامين والضرايب عندهم نار ..اقولك ترجم الصفحة وراح تشوف شاملة التامين والضرايب ولالا ..!!؟

انا ما ادري حسيت اني قاعد اضحك على نفسي واضحك الناس معي !

اما بالنسبة لخدمات الصيانة بعد البيع او سوء المعامله هذا شي ثاني ..انا اتكلم عن سعر سياره

حتى لو كانت بعض السيارات بعض القطع فيها مقلده تتوقعون انها تنزل سعر السياره لـ 40%

احس انها صعبه ومن المستحيلات بعد .. (ابي جواب وافي تكفون)

الحين يبي يجون ناس مسوين ذيابه ويقولون انا احد اذناب (ابوجميل)

كما هي العاده عند عدم القدرة على الاجابه

بانتظاركم ..

**مقاطع اول** · 18-05-2009, 04:54 PM

طيب ممكن أنت يااخوي تنزل لنا صور من المواقع اللي ذكرتها وصور لترجمتها !!

**SUPER** · 18-05-2009, 05:01 PM

اسمحلي اخوي ارد عليك مع انه اول مره اشارك في المنتدى
بس لان سؤالك استفزني وبعيد عن عملاء جميل وغيره اللي منتشرين في كل مكان
انا اقولك ان الاسعار في جميع دول العام انخفضت انخفاض كبير واعرف ناس يشترون من امريكا ومن دول الخليج ويقولون فرق كبير بالاسعار والمواصفات انا مادري ايش المواقع اللي تدخل عليها
لكن بالعقل انت لما تروح لاي وكاله عندك تشوف الاسعار خياليه واعطيك مثال
انا امس كنت في الجميح الخبر وسالت عن LTZ كابريس يقول 129 الف كاش وبالاقساط 199 الف ايش رايك مع ان الشركه الام على وشك تفليسه ويقولو ماتاثرنا
على مين اللي يشوفهم يقول ان السيارات مصنعه في السعوديه عى شان كذا ماتتاثر
بس على مين خليها تصدي ومديلها يعدي

**الحل الصعب** · 19-05-2009, 12:29 AM

حنا ياخوي SUPER مادهورنا الا كلمة (يقولون)
اجل (يقولون) ان مكاين سنجر الي بـ 50 ريال وصل سعرها 200 الف ريال (يقولون) !!

هذا ياطويل العمر رابط لشركة تايوتا ببريطانيا اللاندكروزر سعره 270 الف ريال ..!!! هنا
وهذا موقع الشركة الام يبدا سعره من 243 الف ..!! هنا
وهذا موقع لوكالة بامريكا وسعر السيارة تبدا من 243 الف ..!! هنا
The (manufacturer's) suggested retail price

(يعني الاسعار المقترحه من قبل المصنع للسيارات)

يعني السعر هذا بدون التامين وبدون الضرايب ..ياخي لا تضحك علي وعلى نفسك بهالخرابيط

وتقولون ان الاسعار هنا مبالغ فيها ودي اصدق واستوعب بس ماقدرت

وكل انواع السيارات والشركات على هالحال ..!!

**nabiel** · 19-05-2009, 02:56 AM

الاخ من اي قسم بتويوتا !!!!!! شامم رائحة سدنة بوذيوتا الصنم القبيح !!!

اقتباس:

المشاركة الأصلية كتبت بواسطة الحل الصعب

حنا ياخوي SUPER مادهورنا الا كلمة (يقولون)
اجل (يقولون) ان مكاين سنجر الي بـ 50 ريال وصل سعرها 200 الف ريال (يقولون) !!

هذا ياطويل العمر رابط لشركة تايوتا ببريطانيا اللاندكروزر سعره 270 الف ريال ..!!! هنا
وهذا موقع الشركة الام يبدا سعره من 243 الف ..!! هنا
وهذا موقع لوكالة بامريكا وسعر السيارة تبدا من 243 الف ..!! هنا
The (manufacturer's) suggested retail price

(يعني الاسعار المقترحه من قبل المصنع للسيارات)

يعني السعر هذا بدون التامين وبدون الضرايب ..ياخي لا تضحك علي وعلى نفسك بهالخرابيط

وتقولون ان الاسعار هنا مبالغ فيها ودي اصدق واستوعب بس ماقدرت

وكل انواع السيارات والشركات على هالحال ..!!

**الحل الصعب** · 19-05-2009, 09:48 AM

هههههههههههه يعني اذا قلنا الحقيقه صرنا اتباع ابو جميل ..!!
اقسم بالله العظيم اني مالي اي علاقه بجميل لكن هذا الحقيقه والواقع الي قاعد اشوفه
صدقت اخوي ولالا هذا شي راجعلك
والاجابه هذي متوقعها من البدايه
لانه ماعندنا اجابه وكل المواضيع على القيل والقال

**dr.mazag** · 19-05-2009, 02:45 PM

أنت شكلك طبيت في المنتدى بدون ما تقرأ أي موضوع المنتدى مليان مواضيع عن زيادة الأسعار والغش وخدمات ما بعد البيع وقطع الغيار...الخ .

المنتدى من زمان وهو يستعرض ويناقش القضايا اللي زي هذي

أبيك تاخذ لك أسبوع واحد للقراءة فقط ، لاتخلي موضوع في المنتدى الا قريته بعدين تعال وانت بترد على نفسك.

واذا أنت ماأقتنعت خلاص حبيبي روووح أشتري لك سيارة وربي يباركلك فيها

وأتمنى من الأعضاء شباب صبايا أنكم أذا بغيتو تردون علية ردو علية بروابط لمواضيع سابقه بدون أي زيادة إختصارا للأجابة وعدم الدخول في أي نقاشات مالها داعي عدناها الف مررررررررره
لأن باين أن اخونا يحب كل شي يجي عنده مايروح يدور

**أبو راشد** · 19-05-2009, 03:35 PM

انا بقول لك كلام بسيط

بأفتراض انك صاحب شركة تويوتا الام وانا الوكيل

المواصفات مثلا الكامري شوف مواصفاتها عندهم و عندنا وتعرف الفرق وسعرها هناك ارخص من هنا يعني غش عيني عينك

طيب لو اني باخذ منك كميييه كبيييره ومواصفاتها زفت وانا لي نسبه 30% من الشركه بكم راح تطلع علي السياره
وبعدين لو اهو لو خفض من قيمة السياره خسر ماكان باع لشركة ذيب للتأجير سيارات بسعار رخيييصه

وبالنسبه للمواصفات عادي يجيبها لجده ويرهمونها

واسف اذا كان الرد ماهو مترابط بس ان شاء الله وصلتك الفكره

والمعذره جهازي زفت ولا قدر اجيب روابط للمواضيع عشان اثبت لك

**الحل الصعب** · 19-05-2009, 03:55 PM

اقتباس:

المشاركة الأصلية كتبت بواسطة dr.mazag

أنت شكلك طبيت في المنتدى بدون ما تقرأ أي موضوع المنتدى مليان مواضيع عن زيادة الأسعار والغش وخدمات ما بعد البيع وقطع الغيار...الخ .

المنتدى من زمان وهو يستعرض ويناقش القضايا اللي زي هذي

أبيك تاخذ لك أسبوع واحد للقراءة فقط ، لاتخلي موضوع في المنتدى الا قريته بعدين تعال وانت بترد على نفسك.

واذا أنت ماأقتنعت خلاص حبيبي روووح أشتري لك سيارة وربي يباركلك فيها

وأتمنى من الأعضاء شباب صبايا أنكم أذا بغيتو تردون علية ردو علية بروابط لمواضيع سابقه بدون أي زيادة إختصارا للأجابة وعدم الدخول في أي نقاشات مالها داعي عدناها الف مررررررررره
لأن باين أن اخونا يحب كل شي يجي عنده مايروح يدور

ياحبيبي انا اتابع المنتدى قبل لاتعرفه انت ..من يوم ماكان العضو الفعال الوحيد

هو(ياحظ يرحم امك ركز) الي هو الحين (زين العابدين عبدالعزيز)

ومتابع بشكل يومي بعد ..المسألة مو مسألة اقتنعت لانه مافيه شي مقنع

انا حاب اعرف شغله وحده ..كيف تقولون انه الاسعار هنا خيالية ومبالغ فيها والسعر موحد بجميع انحاء العالم ..!!(هنا نقطة النقاااااااااش)

**الحل الصعب** · 19-05-2009, 04:06 PM

اقتباس:

المشاركة الأصلية كتبت بواسطة مجووووووود

انا بقول لك كلام بسيط

بأفتراض انك صاحب شركة تويوتا الام وانا الوكيل

المواصفات مثلا الكامري شوف مواصفاتها عندهم و عندنا وتعرف الفرق وسعرها هناك ارخص من هنا يعني غش عيني عينك

هذا وكيل بامريكا هنا
سعر الكامري بامريكا 2010
MSRP: $ 20,145

Based on options

يعني 20.145 × 3.75 = 75543 ريال

الكامري شركات 2009 مثل المعروضه سعرها 65000 ريال عند عبداللطيف جميل...

هل هذا دليل برائه لعبداللطيف جميل والا دليل ادانه ؟؟؟

والفل الكامل se سعرها بامريكا 87 الف تقريبا وهنا 88 الف بالضبط..

=================

طيب لو اني باخذ منك كميييه كبيييره ومواصفاتها زفت وانا لي نسبه 30% من الشركه بكم راح تطلع علي السياره
وبعدين لو اهو لو خفض من قيمة السياره خسر ماكان باع لشركة ذيب للتأجير سيارات بسعار رخيييصه

طيب عندك اثبات ..!!؟ عندك صورة من عقد البيع ..!!؟ والله العظيم كله كلام منتديات

وبالنسبه للمواصفات عادي يجيبها لجده ويرهمونها

واسف اذا كان الرد ماهو مترابط بس ان شاء الله وصلتك الفكره

والمعذره جهازي زفت ولا قدر اجيب روابط للمواضيع عشان اثبت لك

اخوي قبل لاتقول شي تكفى تأكد منه ..