بدائل لكل من ( البيك + ماكدونالدز + افريكانو) - الصفحة 2

mqataa · 08-08-2007, 03:38 PM

جزاكم الله خير ... ماعندي خلفية بأسعار البدائل بصراحه

ياليت اللي يضع بديل يضع سعره لو متأكد ..

الف شكر لكم جميعا

**مواطن مديون** · 09-08-2007, 05:09 AM

وراهم وراهم

**ضد الطمع** · 09-08-2007, 06:58 PM

اصلا انا من خبرت نفسي ما عمري اكلت من ماكدونالدز الا مره وحدة وبالغصب بعد لاني معزومة عليه ..

والبيك ما عندنا في الرياض والا كان قاطعته واتمنى من أهــل الغربية مقاطعته عشان يتأدب ..

وماما نورة من اليوم ورااااايح مقاااااااطعـــة الين يعرفون ان الله حــق ..

بالتوفيييق

معا ضد جشع التجااااااااار

**معانى الوفا** · 09-08-2007, 10:57 PM

مطعم كوكو الي بلجبيل والدمام رفعت سعرها في كل شي
الصحن الكبير لورق العنب كان 10 ريال الحين15 ريال
ليش..

الله يجعلها في بطونهم نار

**مُقاطع** · 11-08-2007, 03:20 PM

شكرا على التوضيح ابو هشام

**اليامي** · 11-08-2007, 09:32 PM

ترى أنا عاشق للبيك و أتعجب على كلامكم...
الواحد يفكر بعقل و ما تكون العاطفة مسيطرة
تقولون كنتاكي!!!! و الله عجب! أكل و الله أعلم....سعره 50% أزود و تنصحون نروح عليه!
تقولون الطازج!!!!! الفروج نص حجم البيك و يبيعه بأزود بعد و تنصحون نروح عليه!
تقولون ما أدري ويش...كتيكت!!!!! أتحدى تجربونه....
لا و الله أشتري البيك ب 15 بعد و بوسة كمان.... و كلكم معازيم عندي

)
أيه يا بيك!

**أيامنا الحلوه** · 11-08-2007, 11:36 PM

كنتاكي عمره مايصير بديل للبيك لا من ناحية الطعم ولا السعر
أصلا الكنتاكي المفروض نقاطعه قبل البيك لانه امريكي
والحل نقاطعهم اثنينهم كنتاكي لأنه امريكي والبيك لانه استغل هذه الظروف ورفع سعره
والبدائل كثيره جدا من المطاعم الوطنيه
حتى لو ما لقينا بديل ما راح نموت من الجوع لو قاطعنا

**اليامي** · 12-08-2007, 05:15 PM

آه على أيامنا الحلوة

استغلال و مقاطعة و جوع و موت.....كلام كبير و ليه! عشان ريال واحد زيادة أسعار....
و إيه البديل يا أيامنا الحلوة؟؟؟؟ صدقيني ما صرت عاشق للبيك إلا بعد تجارب و تجارب مع كل البدائل اللي تتكلمين عنها....أروووووح و أرجع للبيك... طعم الثوم اللزيز و المسحب.. يا سلام..أتحدى مين يعرف يعمل مثله... معاكي حق ...أي زيادة تزعل...لكن زيادة عن زيادة تفرق!
أقول....نعاتب البيك اللي حبينا...لكن العشق للحبيب ما يذوب في ريال!

mqataa · 12-08-2007, 09:00 PM

اقتباس:

المشاركة الأصلية كتبت بواسطة اليامي

آه على أيامنا الحلوة

استغلال و مقاطعة و جوع و موت.....كلام كبير و ليه! عشان ريال واحد زيادة أسعار....
و إيه البديل يا أيامنا الحلوة؟؟؟؟ صدقيني ما صرت عاشق للبيك إلا بعد تجارب و تجارب مع كل البدائل اللي تتكلمين عنها....أروووووح و أرجع للبيك... طعم الثوم اللزيز و المسحب.. يا سلام..أتحدى مين يعرف يعمل مثله... معاكي حق ...أي زيادة تزعل...لكن زيادة عن زيادة تفرق!
أقول....نعاتب البيك اللي حبينا...لكن العشق للحبيب ما يذوب في ريال!

طيب اوكي لو قلنا انك حالة استثنائية انت وماتقدر تستغني عن البيك .. معاك حق

وانا بعد ترى ما اقدر استغني عن البيبسي .. حالة استثنائية .. معاي حق

وفلان ما يقدر يستغني عن عصير المراعي .. حالة استثنائية .. معاه حق

وعلانة ما تقدر تستغني عن الجبن الفلاني .. حالة استثنائية .. معاها حق

بلاش مقاطعة الوضع كذا حلو وش رايك ؟

**ضد الطمع** · 12-08-2007, 06:14 PM

اوكي الزيادة ريال واحد لكن لو سكتنا عن ريال بعد شهر بتصير ريالين وبعد 4 او 5 شهور بتصير خمسة ريال وعليك الحساب ..

بعدين فيه ناس ما تقدر تشتري بريال خبز فما بالك بـ 15 ريال لكل فرد في العائلة ..

والواحد اذا قدر اليوم وبكره وبعد شهر وشهرين يشتريها ما تدري يبدل الله حاله وما يقدر يشتريها ويقول ياليتني قاطعت عشان ما يستغلونا ..

بعدين فلوسي اقدر استفيد منها بشي احسن من اني اروح اعطيها للتجار .. صح والا ؟؟

اختلاف الرأي لا يفسد للود قضية ..