للإدارة .. للأعضاء .. مقال للأهمية ..!!

**ابو شيهانة** · 07-09-2007, 06:13 PM

السلام عليكم ورحمة الله وبركاته ..

أولاً أحيي وأطبع قبله على جبين صاحب فكرة هذا المنتدى .. ومن ثم أحيي الإدارة وجميع الأعضاء

على مابذلوه من جهد لإيصال كلمة المستهلك من ظلم وجشاعة تجارنا ( للأسف )

وعندي إقتراح أو نقول عليها نقطة مهمه لكي نوصل ما يكتب في هذا المنتدى إلى المسؤولين

وحتى إن إستطعنا إلى أنحاء العالم ...

ولكن كل هذا يريد بعض الجهد .. وأعتقد إنكم مستعدين تسوون كل شيء لإنجاح هذا المنتدى .

أولاً : انا كيف عرفت في هذا الموقع ..
قرأت في إحدى الجرائد عن المقاطعة وعن جهود هذا الموقع .. ووضعوا موقع المنتدى .. ( أعتقد إنها في جريدة الشرق الأوسط )
وبعد ماخزنت الموقع دخلت هنا وعرفت وش اللي تسوونه ونبهتوني صراحه عن بعض الأشياء كنت غافل عنها ..

ثانياً : وهو الأهـــم ..
إنه أرباب الأسر الذي لا يعرفون الإنترنت .. ولا هم من قراء الجرائد بكثرة .. كيف يعرفون عن هالمنتجات ..
كيف نوصل هالمنتجات اللي مرتفعة أسعارها إلى كل أرباب الأسر علشان يعرفون وش يسوون تجارنا ( للأسف )

.................

قرأت موضوع للأخ نيشان وهي فكرة إنشاء إستكرات .. وصراحه هذا هو المطلوب ..

حنا هنا مانقدر نسوي مظاهرات ولا نقدر نكتب بالجرايد ولا نتكلم بالتلفزيون ..

لذلك مالنا إلا المنشورات .. مالنا إلا الإستكرات .. وفيه طريقة حلوة .. وهي عند المحلات الكبيرة

نوزع منشورات ونحطهن على السيارات مثل ما يسوون هم بدعايتهم عن المنتجات المرتفعة

وعن المحلات اللي ترفع أسعارها ونطالبهم بالمقاطعة عن هذي المحلات اللي مستغفلين عقول

المستهلكين أصحاب القلوب البيضاء ...

أو نوزع منشورات على البيوت تماماً مثل ما يسوون هم بدعايتهم .. خلونا نوصل كلمة هذا المنتدى

إلى جميع البيوت .. حتى تاصل إلى مرؤوسينا وحكامنا ..

اللي نبي ناصل له إنه مو بس أعضاء المنتدى اللي يقاطعون ... لأن نسبة أعضاء المنتدى من المستهلكين .. يمكن تجي 3% وللتجار رقم عادي يعتبر ..

لكن لو وصلنا كلامنا ووصلنا كلمة المنتدى إلى كل البيوت ,,, راح يكون هناك كلام ثاني ..

أتمنى إن كلامي هذا يحوز على إهتمامكم .. ولا سجلت هنا وكتبت هالمقال إلا لإعجابي في هذا

المنتدى الرائع اللي أتمنى من قلبي أن يستمر في النجاح والتوفيق ..

تحياتي لكم ..