ماذون أنكحة ببريدة يستغل الناس ماديا أدخل وشاهد الموضوع واعطنا رأيك

**ابوفهدالعكيرشي** · 20-05-2009, 02:48 AM

هل من المعقول ان يشترط عليك المأذون دفع 500 ريال مقابل عقد النكاح وهل هذا الاجراء نظامي وهل هي وظيفه رسميه او تجاريه او تبرع لعمل الخير مع العلم ان من يقومون بها هم من اهل الخير نحسبهم والله حسيبهم ولكن البعض منهم يطلب منك المبلغ بأصرار فهل من حقه ان يأخذ المال على هذا العمل التطوعي وانا ممن حصل لي هذا الموقف قبل ايام بعد ان انتهى من عقد النكاح طلب مبلغ من المال ولم يرضا الا ب500ريال ارجو ممن عنده معلومه او يهمه الامر ان يراسلني على الخاص او الايميل اذا اراد اسم المأذون المقصود وتقبلو تحياتي

كيموس القديم · 20-05-2009, 05:09 AM

المفروض اللي اعرفه انه يكتب ببلاش وانت لو بتعطيه شي اعطيه من عندك

شوف المأذون حق الاحياء الراقيه تلاقيه معين خير لان الشرهات اللي تجيه عاليه ومأذون الاحياء الفقيره بالغالب يكون راعي بقاله او فول وتميس كل واحد على الشرهات اللي عنده....

لكن اللي خلى 3 غرف وصاله وحمامين ومطبخ بايجار سنوي 25 الف ماتصعب عليه يطلب 500 ريال لهذا العمل

اخوي... الطاسه ضايعه والله يسلمك ويسلمنا ابتعد عن المشاكل واهتم بنفسك وبس..

**nabiel** · 20-05-2009, 09:30 AM

كيموس انت مقاتل وصاحب قضية دوما ولا يمكن ان يكون مثلك سلبيا نخسر الكثيرررر وقتها 000 هل يسكت الرجل ويهتم بنفسه فقط ؟؟

اقتباس:

المشاركة الأصلية كتبت بواسطة كيموس القديم

المفروض اللي اعرفه انه يكتب ببلاش وانت لو بتعطيه شي اعطيه من عندك

شوف المأذون حق الاحياء الراقيه تلاقيه معين خير لان الشرهات اللي تجيه عاليه ومأذون الاحياء الفقيره بالغالب يكون راعي بقاله او فول وتميس كل واحد على الشرهات اللي عنده....

لكن اللي خلى 3 غرف وصاله وحمامين ومطبخ بايجار سنوي 25 الف ماتصعب عليه يطلب 500 ريال لهذا العمل

اخوي... الطاسه ضايعه والله يسلمك ويسلمنا ابتعد عن المشاكل واهتم بنفسك وبس..

**عشق الورود** · 23-05-2009, 01:17 AM

اقتباس:

المشاركة الأصلية كتبت بواسطة كيموس القديم

المفروض اللي اعرفه انه يكتب ببلاش وانت لو بتعطيه شي اعطيه من عندك

..

طبعا هذا للي اعرفه

**بنــــــــدر ..** · 20-05-2009, 05:36 AM

حصـل معـي وطلب مبلغ 500 ريــال
طبعا الكلام هذا عام 1423هـ وفي مـدينة بـريدهـ ..

لانعلمـ هل هذا حقه ام لا ..؟

كيموس القديم · 20-05-2009, 10:54 AM

اي قضيه يانبيل اي قضيه ؟؟؟

قضيه توعيه ماتفيد الدوله لها اكثر من 100 سنه ومازال في اميين بالبلد..

والحين تبي تسوي توعيه على شيء معين وكلنا نكذب وامورنا تمشي بالواسطه والدف والمجاملات غصب عني وعنك.....

كل الحلول لمشاكلنا وربي نعرفها وسهله جدا يا اخي مشاكلنا ماتحتاج فلسفه كل المشاكل اللي عندنا تحتاج الى شيء واحد بس
ضمير صاحي
انسان يخاف الله

وربي الطاسه ضايعه والواحد فقد الامل الا بالله سبحانه وتعالى

**الجتيمه** · 20-05-2009, 02:21 PM

الأصل أنه محتسب

لكن في الرياض مأذوني أنكحة يأخذون 5000 الآف وبعضهم وصل لـ 80000 ثمانين ألف

هذولا الضعفوف اللي يأخذون 500

**هدد** · 22-05-2009, 03:36 PM

الله المستعان