العودة   منتدى مقاطعة > متابعة الشركات و المحلات و الأسواق والمراكز التجارية > مطاعم و مخابز > قصتي مع مطعم البلد اللبناني بالخبر والإستخفاف بالسعوديين

 
 
أدوات الموضوع إبحث في الموضوع انواع عرض الموضوع
قديم 17-01-2009, 01:51 PM   #1
أجيبها صح
مقاطع جديد

 
رقـم العضويــة: 10362
تاريخ التسجيل: Jan 2009
المشـــاركـات: 11

Thumbs up قصتي مع مطعم البلد اللبناني بالخبر والإستخفاف بالسعوديين

بسم الله الرحمن الرحيم
اشكر إدارة موقع مقاطعة على هذا الصرح التوعوي والذي يفتقده المواطن على كافة الأصعدة ونتمنى ان يصل هذا الموقع الى اكبر شريحة من المواطنين وبدوري سأعمل جاهدا على نشر الموقع بكل الطرق.
أما موضوعي اليوم فهو بخصوص مطعم البلد الواقع بالخبر بجوار قاعة السيف للإحتفالات والذي نصحني به هو أحد الزملاء وقال لي فيه مطعم جديد هو فرع لمطعم في بيروت قلت ما دام انه من بيروت اكيد راح آكل صوابعي وراه المهم رحت المطعم وجلسنا انا والمدام نصف ساعة عند الباب من الداخل ( هذه لزوم البهرجة ويبون يقولون لك انه زحمة ومالك مكان مع انه نسيبي كان سابقني وقال لي في طاولتين فاضيه ) مو مشكلة انتظرت من الساعه 4.30 وحتى 4.55 وجلسنا بحمد الله طبعا ما فيه بارتيشين او ساتر!!! لا... الأخوان قالبينها فلله تبغى والا روح شوف لك مطعم مندي يسترك انت وأهلك . طلبنا المنيو قال لي الشاب -الزلمة المفتله عضلاته واللي حاط 3طن جل على شعره- مافيه طلب الا الساعه 6 اقسم بالله العظيم هذا اللي حصل انا جن جنوني قلت له انت مجنون قال ولو ما في داعي قلت له يابوي بلا داعي بلا خرابيط انا جاي قبل ساعة وبتخليني ساعه وبعدين اطلب وانتظر ساعه واكل ساعه ليه انا ما وراي شغله الا مطعمكم وهنا تدخل القفل حقهم ابو عنتر قال خير ان شاء الله شرحت له الموقف قال ولا يهمك شو بدك بيصير قلت له بدي املي معتي ( معدتي ) وامشي قال هيك بدك قلت هيك بدك ايوه .
جاب لي المنيو وياللهول أسعار خراافيه اقسم بالله شيء لا يصدق اصبعين كباب اللهم لك الحمد مافيهم الطعم ب 38 ريال زوجتي تركت واحد لهم ...
8 حبات شيش طاووق ب 32 ريال
سفن اب ب 7ريال
حمص ب 12 ريال صحن صغير
سلطة فتوش ر 18ريال صغير
اوووووف ليه بس يعني عشاني سعودي تستغفلني والا ايه الحكاية طيب نرجع للشيش طاووق لانه من الدجاج ومستحيل يكون فيه دجاج ملكي ودجاج صومالي لانك اذا حاججتهم باللحم قالو لك هذا نعيمي بلدي وانت ما تدري المهم الدجاج محلي يعني 900 جرام ب 10 ريال وانا صحني فيه 8 قطع صغير ب 32 ريال ليه يعني مكسبك في الدجاجه الواحده على ظهر السعودي تقريبا 190 ريال ياسااااااااتر مبلغ خرافي ( اذا افترضنا انه الدجاجه الواحده ممكن يسوي فيها 5 اطباق من 8قطع)
طيب المشروب 7اب ليه ب 7ريال لييييييييييييييييييييييييييييييييييييييييييييييييي ييه
حسبنا الله ونعم الوكيل.
تعالوا عند الجراسين ( جمع جرسون ) والله الذي لا اله الا هو شهاده سيسألني الله عليها .. انه جاب لي طبق الشيش طاووق ومعاه بطاطا مربعات وجيت آخذ حبه لقيتها ثلج بارده وعلى طول ناديته وقلت له من متى البطاطا ؟ قال هلا عملوها قلت لا ياشيخ البطاطا بارده طبعا ما صدقني ايش سوا الأبله ( لف يده و حط كف يده على صحني يشوف هي بارده والا لا) صج انه قليل أدب !! قلت له شيل يدك وشيل الصحن وروح غيره لي وبعدين كلمت القفل ابو عنتر على الحركه اللي سواها جرسونه ؟؟؟ قال بنعتذر منك وهذي مش أول مره تجينا شكوه عليه !!!؟؟؟ عجبي طيب ليه صابرين عليه !!!!!!
النهايه : الصدمة الكبرى دفعت 18% بدل خدمة يا الهي عاد من زين الخدمة .
المهم يمين بالله ما ادخل هالمطعم مره ثانية لو شو كان ما يكون.
على فكرة نسيت اقول لكم والله العظيم ما فيه اصناف طعام عليها القيمة أقوى شيء عندهم الكباب العادي والشيش طاووق.
وسلامتكم واللي مو مصدق يسوي زيارة ومو بالضرورة يطلب.
ودمتم بإلف صحه ومقاطعة.

أجيبها صح غير متواجد حالياً  
 

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:35 PM.