عجولي وارز المها البنجابي

**عجولي** · 30-03-2010, 01:56 PM

انا اليوم ياشباب بسرد عليكم القصة الي صارت لي

انا طلعت اليوم بشتري ارز بنجابي المها
المهم قلت

خلني امر سوق العثيم حق الجملة
طبعا عندنا الفرع موجود بالديرة
(بريده - شارع الصباخ)
المهم اني دخلته العثيم وجلست ادور رز المها
حصلته وشفت السعر لقيته 10كيلو بـ (66.95)ريال
أنا الصراحه ما تلفت كثير بالسوق على طول دخلت العثيم
مالكم بالطويلة
طبعا اخذت 3 حبات وعلى طول للمحاسب قبل اوصل المحاسب شدني رجل خمسيني يطالع فيني
قالي يالأخو هذا عليه عرض قلت له لا
قال طيب بكم سعره قلت له (66.95) ريال قال

ياوليدي رجعه
والحقني
طبعا انا صفطت العربية وطلعت معه وقال نبغى روح لسوق الجملة قريب منه
ولا كيلو
المهم رحت قال لي ياولدي اسال عن السعر

وبتدعي لي
والله يا جماعة إني حصلت اغلى واحد يبيعه ب (60)ريال

طبعا انا خذيته مع كثر الفرفره ب (58)ريال

يا جماعة والله فرق حوالي 9 ريال للكيس الواحد
66.95*3=200.85ريال
58*3=174ريال
200.85-174=26.85 ريال
والله فرق يا جماعة

نصب يا جماعة نصب

**جمرة غضا** · 30-03-2010, 02:12 PM

حياك عجولي القصيم
لن انسى عودته من مقاطعه الدنمرك
ولن انسى الحملة الوطنية ! ليبع الرز ..
اجل يتربح منكم 6 ريال فوق مربحه !
احسبوا بفروعه كلها كم كيس يصرف في الشهر ثم بالسنة !
وراح تعرفون المبالغ الهائله اللي يكسبها منكم !
هذا فقط في الرز ! وبقية السلع هل نالها مانال المها !