اليوم ومن زود الفضاوة قلت يا نفر ليش ماتستخدم قوقل ايرث اللي عندك بدال منت محمله وما استخدمته
الموووهم شفت بعض الشباب ماقصروا جابو لنا التكدس عند الوكلاء أرضي وتحمست وقلت ليش ما اخليها تجي فضائي واصور التكدس من الفضاء لانه فيه اماكن مالك امل احد يدخلها
يالله خلوكم معي بهالتمشيه الصغنوونه
اول شي الرياض
هذا برحه او حوش مدري و ش اسميها الزبده انه حوش كبير في ارض فضاء قريب من استاد الملك فهد يحط السيد اليمني وكيل ايسزو ومستوبيشي كل سياراته بهالحوش تتشمس طبعا


والصورة اللي تحت حوش مسور بالضبط مدري من هو واللي من هي شركته بس الزبده انه على طريق خريص مقابل مكتب بغلف على ما اضن


والحوش او البرحه اللي تحت برضه على طريق خلف الجميح على ما اضن بس والله ياهو حوش كبير موب صاحي


وهذي كماله للحوش من كبره ضاعت فيه الكاميرا


والصورة اللي بعد كماله للي فوق


طيب والحين بوديكم للدمام نتمشى على البحر
الصورة اللي تحت حول الميناء بالدمام بس والله يافيه سيارات لو توزع على سكان الدمام كان تبقى بعد سيارات زايده


معليش دورت مالقيت بالدمام الا هالصورة
يالله مشينا لجده ام الرخا والشده ونتضيف عند ابو هشااام
بس والله ياديرة ابو هشام يافيها تكدس موب صاحي تعبت وانا اصور ولسه باقي مابعد كملت تصوير
هذي اول صورة وهي حول المينا بعد


والثانيه بعد


والثالثه


والرابعة


والخامسة


والعاشرة اوما العاشره قصدي السادسة


والحين انتهينا من هالتمشية يلا رجعنا لمنتدى مقاطعه

قال ايش قالوا والله الموديل خلص اصبر شهر نطلب لك وامسك سرا

كل هالموضوع اهداء لأعضاء منتدى مقاطعه واعتذر عن رداءه الصور لأن التصوير فضائي والسيد قوقل ايرث يقول تبي تشوف اقرب من كذا لازم تدفع


طبعا اي واحد يفكر مجرد تفكير انه ينقل الموضوع لمكان ثاني اتمنى انه يحفظ حقوق منتدى مقاطعه ويذكر المصدر او رابط الموضوع بمنتدى
والا بتفاهم معه واسوي عليه مقاطعه واخليه يصدي