إسمحوا لي إخوتي الكرام أتكلم بكل شفافية ووضوح تاااااااااااام
والله اللوم علينا حنا الغلابه وعلى الفاهين وياكثرهم في شعبنا إلي يخم ويلم وعلى الكاشير ثمن خذ واشرب
المفروض إن حنا نفرض إحترامنا بالتحقق من اي سلعة مشتراه وليس ذلك فقط بل حتى بالسعر ومتابعتنا لحلالنا
وعند وجود اي ملاحظه الإتصال على طول بـ940والتبليغ حالاً ولاتسوي فيها ديموقراطي متفاهم وتدخل في مهاترات وشوي إلا إنت نشبت فيهم ، المفروض يأخوان تتصل على طول بجهة رسمية ولو حتى بالشرطة وتثبت الحالة وخلهم هم يتفاهمون معهم وأطلع من السالفه وشل الأمانه من رقبتك لرقابهم رجال الدولة عسكر وإلا مدنين
لأن كل الشركات وكل التجار في الوقت الراهن مستهينيين بنا وبالأنظمة ولا حل هنا إلا بفرض النظام وتطبيقة أولا منا ثمن من الأجهزة المسؤولة ولو كانت الأجهزة أصلاً في سبات عميق ولكن كثرة الطق تفل الحديد وتأدية الأمانة ، والمصيبة الكبرى لما يجيك واحد فاااااااااهي يلقى مخالفة منهم ثمن يطنش ويقول خلها على غيري أنا مالي دخل يعكس ما حثنا علية رسول الله صلى الله علية وسلم وأخيراً وين هيئة الأمر بالمعروف وإلا ماهمهم إلا مطاردة الحريم والشباب بالأسواق والترزز بالجموس أخر موديل وتخريع وترهيب الشعب؟دورهم في محاربة الجشع وإستغفال المسلمين والنصب علينا ومحاربة ذلك هو دورهم إلي فعلاً يشهد له ، وهو أصلاً من صميم عملهم مو هتك أستار الناس والتجسس عليهم ووالله ليت هذي الرسالة تصل لعقولهم وفهمهم قبل عواطفهم ويحطون هذي من واجباتهم ويوزعون لنا رقم عمليات لهم وجزاهم الله ألف خير
الخوف الحين لا يجوني ماشين مليون يشيلوني بكراعيني لأقرب مركز والله الحمد والمنه عمري مادخلتها ولا أدلها ويلفقون لي تهمة إني عميل وإلا جاسوس إسرائيلي
لاحول ولاقوة إلا بالله
والله وضعنا صار يخوف مابين جهات رسمية وشركات وتجار ومحلات وعمالة كلهم علينا وليسوا لنا
لكن حسبنا الله ونعم الوكيل
20-09-2011, 02:14 PM
العرض الشجري