طوّر سيارتك !!!!! وخلهم يصدون ..

**كاتب عدل** · 16-02-2009, 12:54 PM

لنفترض أنك تملك حاسوب ....( كمبيوتر)

لنفرض ان جهازك قديم قبل وجود البلوتوث أو الويرلس ..أو ارامات 512ماهو الحل ؟
الحل :
تطور جهازك لاتبدله تشتري وصلة بلوتوث او وصلة ويرلس وتزيد الرامات1024

طيب طوّر سيارتك !!!
مثال :
ماهو الفرق بين اليوكن الاستاندر والدينالي ؟
- الفرق : الدنيالي فيه ملاحة . كاميرا خلفيه . جنط 19كروم مقاعد جلد .تخشيبة على الطبلون .
فرق السعر بين الأثنين : 70،000
- طريقة التطوير عند محلات الأكسسوارت وهذا الي يساويه الوكلاء ..
استبدل الجنوط بيع القديمة واشتر الجديدة بسعر القديمة + 1500 ريال تقريبا .
الشاشة والملاحة بقيمة 1200 ريال مع التركيب متوافرة بكل مكان .+ كاميرا لاتحتاج توصيلات يشبكونها بسيارتك مع لمبة الريوس وتتواصل مع الشاشة عن طريق البلوتوث يعمل تلقائي لشبكة الريوس .
التخشيبة ..700 ريال متوافرة بكل مكان لزينة السيارات ...
كلمة دينالي ب 5 ريال عند محلات الزينة و 110 ريال عند التوكيلات .
المقاعد الجلد مالها داعي بدرجة حرارة 40 بظل و 50بالشمس وتزيد .
وممكن تبدلهم بس غالين ب 7000 ريال مع توصيلات التكييف من المكيف للمقاعد المجهزة .

النتيجة :
سيارة تب بفرق عن الوكيل ب 65000 ريال إذا استثنينا المقاعد . ومع المقاعد7000توفر59000ريال فقط لاغير .
ملحوظة : المكينة والجربكس والدبل واحد , فيه استاندر بدبل وفيه بدون ، والحجم واحد . ومتانة البودي واحد بس الفرق الجوهري بالاير باق .الدينالي فيه 2والاستاندر فيه 1

**alzuhary** · 16-02-2009, 01:03 PM

مشكور أخي ، لكن ويش يضر الشخص إذا بقي على سيارته الحالية ، يعني لو مافيها كاميرا أو ملاحة يعتبر عيب .

لنترك عنا الفشخرة حتى حصاد القطاف من الحملة ، وتركب افضل بلا تعديل .

اشكرك أخي الكريم على هذا الموضوع ، وربنا يبارك فيك وفي جهودك

**يا حظ يرحم امك ركز** · 16-02-2009, 01:41 PM

السيارة عرضها مساعدتك في اموووووووووور التنقل بين مكان واخر
والظاهر السيارة مو غرفة شخصيه !!!

كلام كاتب عدل جدآآآ عدل

**alzuhary** · 16-02-2009, 02:03 PM

اقتباس:

المشاركة الأصلية كتبت بواسطة ياحظ يرحم امك ركز

السيارة عرضها مساعدتك في اموووووووووور التنقل بين مكان واخر
والظاهر السيارة مو غرفة شخصيه !!!

كلام كاتب عدل جدآآآ عدل

شكلك تحتاج لتركيز اكثر

**math2002** · 16-02-2009, 02:10 PM

هذي امور مش مهمه بالدرجه الاولى

لكن فكره جيده لمن يريد تطوير سياراته لكن عليه ان يبحث عن الجيد والموديل الحسن

**جمرة غضا** · 16-02-2009, 03:03 PM

يعطيك العافية
صحيح تعديلات مهمه وتوفر .. بدل مايدفع الكثير على الـــ ltz
يضيف المزايا الناقصه على سيارته والمحتاج لها
يعني عندي الملاحة جد مهم وخاصة لراعين السفر والبران
المهم لا تروحون تاخذونها من الوكالة وش استفدتوا أجل !!!<<ترى فيه من يروح للوكالة

عندكم الغرابي ارخص

**اسطبل داود** · 16-02-2009, 06:48 PM

صدقت.
هذا التطوير مفيد أيضاً لمن يشعرون بالملل من سياراتهم، وإضفاء بعض التحسينات ستجعلهم يشعرون بالتجديد.
أيضاً لا ننسى من يعانون من سيارات كثيرة الأعطال بسبب تقادمها.. يمكنهم أن يدفعوا بضعة آلاف من الريالات لإصلاحها وإعادتها جديدة كما كانت من حيث الأداء.

**ابوعقل** · 16-02-2009, 07:17 PM

كاتب عدل

الله يعطيك العافيه

اقتباس:

المشاركة الأصلية كتبت بواسطة كاتب عدل

كاميرا لاتحتاج توصيلات يشبكونها بسيارتك مع لمبة الريوس وتتواصل مع الشاشة عن طريق البلوتوث يعمل تلقائي لشبكة الريوس

تدل محل معين؟؟؟؟؟؟؟؟؟

**abu_alwaleed** · 17-02-2009, 03:27 AM

أفكار عملية جدا و اقتصادية
لكن الله يكفيك شر دعاء أبو حمرا + الجنرال جوجو هتلتر!!!!
قال دينالي!!!! قاااااااااااااااااااااااااااااااااااال

**سعودي غير** · 17-02-2009, 08:34 AM

عطوني السياره أول واتركو لي التعديلات :d
<<<< على سياره ايجار هاليومين

عموما التعديلات اشوف فيها تغيير روتين لا اكثر وتعتبر السياره بكل الاحوال وسيله وليست غايه