العودة   منتدى مقاطعة > متابعة الشركات و المحلات و الأسواق والمراكز التجارية > شركات و محلات و مكاتب تجارية > مكتب خدمات عامه واستقدام (النجم المسافر) وخداعه..خادمتي حامل....

إضافة رد
 
أدوات الموضوع إبحث في الموضوع انواع عرض الموضوع
قديم 19-11-2014, 05:16 AM   #1
ام عبدالله،،،
مقاطع جديد

 
رقـم العضويــة: 21277
تاريخ التسجيل: Nov 2014
المشـــاركـات: 1

افتراضي مكتب خدمات عامه واستقدام (النجم المسافر) وخداعه..خادمتي حامل....

السلام عليكم
ارجوكم ساعدوني ..
الله ينتقم من المكتب ..الله يجعلها يشوفه في نفسه وماله وولده

بالبداية قريت اعلان المكتب في الجريده ..ومزاياهم سرعه في وصول الخادمه خلال مده اقصاها شهرين ..

هذا اللي خلاني اتجه لهم .. توكلت على الله واستقدمت ..بغض النظر عن تأخر الخادمه عن الوقت المحدد
والاعذار الواهيه ..صبرت ووكلت امري لله
عقب الصبر الحمدلله وصلت الخادمه
ونا اساسا كنت ابي كينيه..بس اقنعني المكتب ان ساحل العاج افضل وقام يمدح فيهم لين حطها براسي ..ونه جايبها هو صاحب المكتب

جتني ماتعرف تحكي ولا تكتب والله العالم انها جايه من عشه ..ماتعرف تستخدم اي شئ
هبلت فيني وطيرت عقلي وتحملت .. ان شاءلله انه عالاجر ماشفته منها
فوق هذا متحمله وصابره .. قلت مخالف تتعلم ..
وكويس ان المكتب اعطانا رقم مترجم يفهمها اللي نبي منها.. وعلى هذا راحت الايام بمكالمات طائله ..
عدى الاسبوع الاول ..وابتدا الاسبوع الثاني ونا مازلت وراها وراها وصابره واتحمل اي شئ الا النفس الشينه ماقدر اتحملها
عقب الاسبوع الثاني صارت نفسيتها شينه مره
وماتسمع الكلام وتتحلطم واللي براسها تسويه .. اكثر ماخفت عليه هو عيالي
اتصلت عالمكتب وقلت انها ماتنفع وني شارطه بالعقد ابيها تحسن المعامله مع الاطفال بس هي ماتبي الاطفال
يمكن لو يموتون قدامها ماتحركت ..تتفرج عليهم
قال المكتب انا بخلي المترجم يكلمها بنبره حاده يأدبها ..
وكلمها المترجم وقالت ابد انا ابيهم وابغى اشتغل عندهم
وبدا الاسبوع الثالث وصارت بس تبكي ..طول الوقت تبكي
سئلتها لو تبي ترجع ..قالت ايه ..بعدين فكرت شوي وقالت لا ..لاتوديني الان
وديني بعد 3 شهور
كلمت المكتب وبلغته باللي صار ..قال ولايهمك انا معك للنهايه حتى لو اضربت ولو عدت فتره ال3 شهور انا بعوظك ..اجل ليش فاتحين المكتب حنا .. لسذاجتي صدقته وقلت طيب ..واستمر سيناريو بكاء الخادمه لين كملت شهر وهي تبكي وانا اتصبر ..وكل ماكلم المكتب يقول امهليني كم يوم عقب ابخلصكم منها ..وعلى ذا الحال
نفسيتي تعبت .. وكرهت نفسي وبيتي منها..كنها على قلبي ..
لمى صار لها شهر و16 يوم يعني 46 يوم ..قامت الخادمه تنوح وكن مايت لها احد
كلمت المترجم ..وقال انها تقول انا حامل
رجعت كلمت المكتب قلت انت جايب لي خادمه غير صالحه للعمل
ان هي تقول حامل
قال روحي افحصيها وتأكدي ..فحصتها وتأكدت
وطلعت بالفعل حامل
رجعت بلغت المكتب انها بالفعل حامل
قال خلاص الافضل انكم تسفرونها وتروحون الشرطه تسوون استخلاص انها استلمت كل حقوقها
قلنا طيب والتعويض ؟ قال مالكم تعويض خلاص ..الله يعوظكم
لو انتم جايبينها خلال 45 يمكن قدرت اعوضكم واطالب مكتبهم هناك بمدينتهم
بس انتم تأخرتو بالفحص
قلت ليش مابلغتنا هالشئ انو نفحصها على طول ..
او كتبت هالشئ بالعقد عشان نسويه لها من ثاني يوم من وصولها
قال هذا شئ بديهي
استفزني بسلوبه يقول روحي اشتكيني بمكتب العمل ..
الله لايوفقه الله يجعلها يشوفه في نفسه وماله وولده ..
المشكله يوم نتصل اول الامر قبل نستقدم منهم سئلنا المكتب هل الخادمه عليها ضمان نط على طول وقال اكيييد 3 شهور ..
واللحين انكر حقوقنا يقول مالكم شئ عندي ..
معقوله في ناس ماتخاف ربهاهالقد ..؟ تقدر تنام وهي ماكله حقوق الناس ولا هم اهل للمكان اللي هم فيه..
راح زوجي مكتب وزارة العمل وقالو مكاتب الخدمات العامه مالنا صلاحيه معها ..روحو وزارة التجاره

وزارة التجاره مدري يستعبطون ولا شغلهم كذا نظامه.. اتصلو على المكتب من جوال زوجي ورد عليهم صاحب المكتب الحرامي اللي مايخاف الله وانكر اسمه
وانكر انه صاحب مكتب وقال غلطان ..وش هذا ياديرتنا
من امن العقوبه اساء الادب عشان كذا الحرامي كان واثق من نفسه وقال روحو اشتكوني
يعلم الله اننا جمعنا فلوسنا ريال ريال عشان نستقدمها لضروف جدا صعبه ..اخرتها ينضحك علينا بهالشكل ..ايام ايام جالسه استناها واعد الايام ..وحتى لمى تأخرت اقول مخالف مصيرها تجي ..اخرتها كذا
داخله على الله ثم عليكم ..تدلوني على مكان ياخذلنا حقنا ..الله ياخذه اخذ عزيز مقتدر هو ومن وقف معه..
الله يجعله يتعالج بكل ريال دخل عليه بالحرام
الله يسلط عليه من لايخاف الله فيه ..
انا مغلوب يارب فانتصر ..حسبنا الله ونعم الوكيل
الله ينتقم منه الله ينتقم منه ..
الله يجعله يتمنى الموت ولا يلاقيه ..

دلوني وين نشتكيه ..الله يفرجلكم ويبعد عنكم عيال الحرام ...؟؟؟؟

التعديل الأخير تم بواسطة ام عبدالله،،، ; 19-11-2014 الساعة 05:59 AM
ام عبدالله،،، غير متواجد حالياً  
رد مع اقتباس
إضافة رد

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:07 PM.