مقالات .. فك ارتباط الريال بالدولار.. هل يحل المشكلة؟ >> عبد العزيز محمد قاسم

**أهدافي تتحقق** · 27-08-2013, 01:12 AM

مو بس ارتباط الريال بالدولار اللي نتمناه

لكننا بحاجة إلى أن يرحمونا من قرارات بعض الوزارات الغبية.. زي قرار زيادة الألفين اللي على العُمال..

وكذلك زياداتهم للرواتب بدون أي رقابة ولا محاسبة على الجهات التجارية بعد إعلان هالزيادات..

فالمواطن صاير زي الكورة بين القرارات الغبية للوزارات.. وبين بعض التجار وبعض الأجانب اللي ما يخافون الله..

تتقاذفه أرجلهم بلا رحمة وبلا تفكير..

وفعلاً كلام الكاتب صحيح من خلال الواقع اللي أشوفه :

وهو إن النساء الأرامل والمطلقات ، وحتى العوائل الكبيرة اللي أحوالهم ما هي جيدة ،

ما تكفيهم أبداً معاشات الضمان الاجتماعي مع هالغلاء المتزايد ، ولا حتى (فتافيت) الجمعيات الخيرية..

فالمفروض إن الزيادة لهم تكون أكبر وأكثر..

والجامعات اللي تأخذ مبالغ وقدرها كل تيرم دراسي من ظهور أبنائها الطلاب.. هذا الموضوع أيضاً بحاجة لنظرة خاصة..

وقرار إلغاء الرسوم الدراسية هو أفضل حل لها.. لأن الدولـة ما هي محتاجة مادياً حتى تأخذ رسوم الدراسة من أبنائها..

و وزارة الصحة ظالمتنا باضطرارها لنا أن نبحث عن العلاج وعن التشخيص الجيد لدى المستوصفات والمستشفيات الخاصة باهضة الثمن..

المفروض إن الحكومة لما تطرح قرارات تمس المواطن بشكل مباشر، إنها تسوي استفتاء موثوق للاطلاع على آراء المواطنين..

أو حتى تشكل لجان لجمع الآراء والأفكار حولـه.. والناس ما هي مقصرة.. كل الناس تعبر عن رأيها من خلال وسائل الاعلام والاتصال..

وما فيه شيء مخفي عن الرؤوس الكبيرة في البلد.. اللي كنا من أول نتعذّر لهم بالبطانة وما البطانة..

وحتى لو كان الكلام هذا صحيح عن البطانة ، فهذا الكلام كان ((بالأمس))..

لكن (( اليوم )) البطانة ماراح تمسك جوالك الخاص أو لابتوبك أو تلفازك ، وتقولك الصحيفة هذي لا تشوفها ،

وإلا البرنامج هذا لا تشوفه ، أو الموقع هذا لا تدخله..

كل شيء بيد المسؤول.. وبإمكانه (( لو أراد الإصلاح حقيقة )) أن يتوصّل لجميع الحلول ويكشف جميع المستخبي..

لكن أين هـو من ذلك كله ؟؟

أنا صحيح إني غاضبة من الأحوال عندنا.. لكني دائماً متفائلة وأقول: الله يعدّل أحوالنا من عنده..

وإلا اللي عندنا يصدق فيهم قول المثل( نخلةٍ عوجا.. خيرها لغير أهلها)..