معليش تحمل وانا اخوك احنا من اليوم نتكلم ونقول فيه اشياء أولى للشيوخ انهم يتكلمون فيها بدل البربره الزايده على الاختلاط ومدري ايش
كلنا ما نبي اختلاط ولا احد يرضى على اهله اختلاط
بس بالله اخلي زوجتي في البيت تموت ولا اوديها للمستشفى عند الدكتور عشان هو رجال ولا ابي اختلاط
ياناس ارتقوا بتفكيركم شوي

واحد جايب لي مقاطع والثاني جايب لي ادله والثالث يقول لعن الله من اراد الاختلاط لشهوة في نفسه..!!؟؟
ياناس ارتقوا شوي بتفكيركم
طالعوا في ماليزيا دوله فيها اختلاط لكن الكل ماشي صح
ولا احد يتجرأ على اي شي
ليش لانه فيه نظام يحكم الكل
لكن هنا في بلد الاسلام الاول
السكران يحطونه في التوقيف الين يصحى ويفكونه
المتحرش تمسكه الهيئه(اذا بلغت البنت طبعا وجابت مواصفاته ورقم اللوحه واسمه وشكله ورقم بطاقة الاحوال حقته)
ذيك الساعه الهيئه تمسكه واذا عنده واسطه يطلع
ترا والله العظيم اذا الشعب السعوديه استمر كذا والله بنروح زي افغانستان ولا اي نوع من التطور

ويوم انك تتكلم عن الاختلاط وتحريم الاختلاط(اللي احنا كلنا ما نبغاه طبعا)
ليش ماتتكلم عن ارتفاع المهور
ليش ماتتكلم عن تسيير الزواج
ليش ماتتكلم عن دعم جمعيات الزواج الجماعي

ولا بس احنا سياسة كلامنا في التضيق والتصعيب
ابدا مانتكلم عن التيسير والدعم ابدا
كان الاولى يوم قاعدين نحارب الاختلاط نيسر الزواج معاه
اما نحارب الاختلاط والزواج يبقى صعب زي ماهو لا مايصير والشباب وش يسوون
كيف يعفون انفسهم والشيطان شاطر والفتن كثرت والبنات هداهم الله صاعوا

فيه اولويات لكل شي
والقاعده الشرعيه تقول (درء المفاسد مقدم على جلب المنافع)
وأنا اقول (درء المفاسد الكبيره مقدم على درء المفاسد الصغيره)
طبعا قلتها لمحاذاة موقفنا هنا
لان العالم والشيوخ يترك المفاسد العظيمه واللي ما يقدر لها ويروح
للإختلاط ، المعاكسات ، عمل الكاشيرات
قد سمعت بفتوى (تحريم شحن الجوال من فيش كهرباء المسجد)..!!؟؟؟

هداكم الله
وهذا ماعندي ان اخطأت فمن نفسي وإن اصبت فتوفيق من الله