بدائل لبعض المواد الغذائيه

**امل والم** · 12-07-2011, 02:29 AM

السلام عليكم ورحمة الله

اليوم حبيت اكتب لكم عن بعض البدائل للمواد الغذائيه من خلال تجربتي الشخصيه اللي ارجو اني أفيدكم فيها
نبدأبسم الله
حليب البودره/ فيه المواسم روعه مره مره سوى عليه كارفور عرض يبيعه ب 35 قبل فتره وكذلك حليب هالي وفارمز قرين(المزرعه الخضراء)دايم العثيم يسوي عليه عرض ب 40 والحين له اسبوعين مسوي عرض على حليب السعوديه ب40
أرز البشاور /طبعاً أفضلها بوابة الهند اللي يجي في كيس 5 ك ب 55 صراحه غالي
انا جربت اللي نفس اسمه بس في خيشه وسوى عليه كارفور عرض مرتين مره ام 10 ك سعره الاصلي ب 76 باعه ب55 ومره ام 5 ك باعها ب 27وبعض اقاربييمدحون العائله بس بصراحه ما بعد جربته
الكريمه /انا منذ 3 سنوات ما استخدم الا كريمه رقم 1 تابعه لكارفور بصراحه حلوه ومتماسكه الكرتون ب 27 بعد ما ارتفعت الاسعار فيه 36 ظرف الظرف يُعمل منه 6 حصص (اتركوا الانواع اللي تباع ب55 وحولها)
المكرونه /مكرونة بنده روعه كأنها قودي بالضبط ومثلها الجود وبريك هذي الأخيره تركيه ودايم العثيم يسوي عليها عرض 3 ب 4,50
وكل اللي ذكرتها ما تعجن ولا تتلاصق مع بعضها
تجي في المرتبه الثانيه حدائق السعوديه جيده ولكن لونها اغمق منهم
الفيمتو/ بما ان شهر رمضان على الابواب انتظروا لا تشترونه الحين أكيد العثيم بيسوي عليه عرض ب 5 وان شاء الله أقل
فيه منتج خاص ببنده اسمه جنتو كويس العام الماضي سووا عليه عرض الحبه ب 2 ريال وفيه بدائل كثيره مثل فريشكو وتونو

الشوربه/ هااالي حقتهم روعه ودايم العثيم يسوي عليها عرض الحبه ب 2.50عاد هالسنه ماادري عنه عسى مايطمع مع اني الى الان ما شفتها عندهم بس ان شاء الله يجيبونها وكذلك شوربه رقم 1 التابعه لكارفور حلوه تجي في اكياس صغيره
اتمنى اكون افدتكم ولكم خالص تقديري واحترامي ودمتم في حفظ الرحمن والشهر عليكم مبارك مقدماً

**نورة** · 19-07-2011, 12:08 PM

شكراً وبارك الله فيك

**امل والم** · 20-07-2011, 09:17 PM

هلا بك حبيبتي شرفني مرورك

**فتى زهران** · 20-07-2011, 09:42 PM

الله يعطيك الف عافيه

لكن المشكله والله شريت أغراض رمضان من يوم السبت

الحمد لله طلعنا بنص عربيه بس بـ 900 ريال

والله شي يقهر يا ناس

على العموم ينفع للأغراض الباقيه يعطيك الف الف الف عافيه

**امل والم** · 21-07-2011, 04:09 PM

الله يعافيك اخوي ..
بس نصيحه لا تشتري الاغراض مره وحده .تابع العروض واشتر منها اوفر لك بكثير
حياك الله ودمت في حفظ الرحمن

**جمرة غضا** · 21-07-2011, 04:59 PM

الشهر مبارك عليكم
والله يعطيك الف العافية ...
موضوع مفيد جدا تشكرين عليه

**positive saudi** · 22-07-2011, 11:07 AM

و أضيف على ذلك الزيوت
خذ الرخيص و انس اسم الماركة أهم شي يكون نفس النبات المستخدم يعني :
يعني زيت زهرة دوارالشمس كا فيه نوع اسمه فيكو يبيعة العثيم 9.95 الآن رفع سعره لـ 12.5 بس أرخص من زيت نور حوالي 20 ريال وهو نفس الزيت وقس على ذلك الأنواع الثانية

**امل والم** · 22-07-2011, 08:14 PM

هلا بك اختي جمرة غضا
شرفت بمرورك
حياك الله

**امل والم** · 22-07-2011, 08:15 PM

اخي الكريم for 2010شكرا على الإضافه
جزاك الله خير

**سعدالحربي** · 22-07-2011, 10:33 PM

بارك الله فيك
عندك ايضا مسحوق الكاكاو سعره ب31 ريال
فيه نوع نفس الحجم اسمه غذائي ب8 ريال في الثلاجه العالميه