حياك اختي ويبارك لك بما اعطاك ورزقك برهم
القروض أغلب البيوت السعودية عليها قرض
ومدام القرض يسحب دايركت من البنك يعني خلاص انسى إن فيه قرض و انسى إن راتبي يسحب منه ربعه كل شهر
أعمل الآن على تكيف نفسي على المبلغ الباقي
أحتاط بمبلغ لو صغير والباقي يوزع لبقية الشهر
الأبناء ماشاء الله 4 لكن صغار أكبرهم
خمس سنوات هذا شي ممتاز جيد ًا في مصلحتك
لو قلتي مراهقين او شباب اقول ربي يعينك صعب تغير وضعهم
لكن صغير جدًا سهل ....غرس حب الترشيد وحسن الصرف سهل
حصاله شكلها حلو عند راسه وأنت كل يوم شجعيه على وضع ريال فيها وآخر الشهر روحي معه لمحل ملابس يشتري فيها لو كاب وشجعيه اذا لبسها او مكتبة
( لاحظي ماقلت محل ابو ريالين او العاب ما امنع اللعب لكن صار عندنا فرط بالالعاب وننسى الالعاب الحركية والذهنية هي اقل تكلفة واكثر نفع له وتوسع مداركه وقدراته ) ..
لاتتوقعين من أول شهر راح يكون مطيع معك لكن بتدريج أسبوع بعدها أسبوعين حتى توصلون للشهر.
السوق ..هايبرات .. بقالات... إن راحوا معكم من البيت حددي لكل واحد مبلغ وبأي حال ماتزدون لهم أبد لو ريال لا تزيدين لهم
والأهم عند التوجيه لا يختلف الاباء في الطريقة يعني الاب يوجه بطريقة والأم بطريقة كذا ماراح تستفدون