السلام عليكم
اتمنى افادتي

امس الاثنين 21/10 /1432هـ الساعه 11 ظهرا شريت من بلشرف الي بطريق الملك فهد
كرتون صغير (أصابع كيك لوزين شوكولاته )
تاريخ انتاجه 25/9/1432هـ وينتهي في 1/11/1432هـ

فتحت وحده منها واكلت قطعه صغيره بس حسيت ان طعمها سيئ جدا بعدين اكتشفت ان عليها عفن

اتصلت مباشره بـ 940 قالو بنرسل لك مندوب انتظرت لاكن للاسف مااتصل علي احد بعدها اتصلت عليهم المغرب وقالي جاري التعامل مع بلاغك واذا مر على بلاغك 24 ساعه اتصل علينا مره ثانيه

المهم اليوم اتصلت عليهم وقال برضه انه جاري التعامل مع البلاغ

تقريبا الساعه 10 الصباح ارسلو رساله انه تم تنفيذ طلبي الخاص بـ مواد غذائية فاسدة مع اني ماقابلت احد ولا اتصل علي احد رجعت واتصلت عليهم وقالي ان الادارة المسئوله عنه هي المعني بهذي الاجابه فأخذت رقم الاداره الي هي على مااعتقد صحة البيئه اتصلت عليهم وقالي خلاص بنتصل عليك

بيني وبينكم اصبت باحباط

رحت لبلشرف وبلغتهم بالموضوع على اساس انهم يشيلون الكميات لايجي احد من الاطفال ويشتري وياكلها وهو مايدري فقالو لي هذي مسئوليه المصنع

اتصلت على حماية المستهلك بوزارة التجاره فقالو هذا من اختصاص البلدية


في الاخير اتصلت على نفس الشركه الي هي احدى مجموعة المراعي وسئلت هل عندهم ادارة للجوده او ادارة قانونية مسئوله عن مثل هالمصايب

فقالو انهم بياخذون مني العينه ويفحصونها ويحددون هل الخطأ من المصنع او من التخزين في نفس الهايبر او النقل

انا صورت المنتج وشهدت تقريبا 5 من زملائي في العمل


فكرت انزل المقطع في اليوتيوب او هنا علشان الناس تحذر

وتكون رادع


سؤالي في مثل هذي الحاله وش اسوي