المشاركة الأصلية كتبت بواسطة الله لايعوق بشر مقاطعهم

يا أخي الفاضل
الحمدلله على النعمه اللي إحنا فيها
بس مانراه في الاسواق انك تنزل بخمس مية ريال وتلف شوي بالسوبر ماركت وتحاسب ولا العلوم صار فيها اختلاف لازم تطلع بطاقة الصراف عشان الخمس ميه ماتكفي مشترياتك على حاجات الواحد يشوفها انه بالفعل ماتستاهل هذا السعر..

صح ان احنا محسودين من جميع الدول على العيشه اللي احنا فيها بس برضووو لازم نعرف اوضاعنا واللي صاير بالبلد وربي الحين انا بنظريتي ان اي واحد راتبه خمسه الآف او سته الآف ماراح يكفيه لآخر الشهر والسبب غلاء الأسعار
يعني فيها ايجارر بيت فيها سياره فيها اغراض للبيت فيها للعيال يبغون ملابس وفيها وفيها ....؟

.. انا قريت عن واحد بالمنتدى هون مشارك كاتب ان ابوه متسلف فلووس وراتب ابوه 12000 الف ريال

اتمنى ياخوي انك ماتحكم على الشعب كله بمقارنه الك
يمكن انت الله مكرم عليك ولاتفرق الزياده اللي صارت
لكن غيرك مسكين حافي منتف من أول الحين حتى الثوب اللي كان مستتر به
طار من عليه ماباقي الا جلد وعظم
والحاله لايعلم بها الا الله



الواحد مايقول الا حسبي الله ونعم الوكيل

حياك الله اخوي وشكرا على تعليقك.ولكن استوقفك عزيزي للحظه واسألك هل قرأت الملف الذي وضعته؟ ربما لا لأنك لو قريته كان عرفت اسباب ارتفاع الاسعار الذي تشكو منه. يا اخي صعب الدولة تتكفل بجميع شعبها الدولة وضعت لك التعليم ببلاش وريحتنا من الضرائب والعلاج ايضا ببلاش ماعليك عزيزي الا انك تكمل تعليمك, والحمدالله ارخص سعر للبنزين في العالم موجود في دولتنا وايضا الملك عبد الله ماقصر ورفع الرواتب 15%. وبالنسبه للأسعار يا اخي فقط اسأل نفسك هذا السؤال. اذا كان بأمكان التجار رفع أسعارهم فلماذا لم يرفعوها في السنين التي فاتت؟؟؟ التضخم شئ خارج عن ارادة الدولة هذا اللي ابي اوصله لكم. وياليت للحظه توقفون تذمر وتحمدون ربكم.

ولا زم تفهمون يا اخواني اننا ولله الحمد في نعمة لا يعلمها الا رافع السماء. لا ضرايب والاسعار معقولة مقارنة بكثير من الدول اسعار البنزين ارخص من الماء التعليم ببلاش وتاخذ راتب عليه وكثير من النعم اللي الله من علينا بها لكن من اللي يحس منكم ويحمد ربه والله ان السعوديين كثيرين تذمر ولو يناظرون حال الشعوب الاخرى اقسم بالله راح يبوسون ايديهم وجه وقفا

اغلب المعاملات الحكوميه عليه رسوم
يعني استبدال كلمه ضريبه بكلمه رسوم
تعليم بلاش جب دوله بالعالم ماعندها تعليم بلاش وتعليمهم افضل ومدارسهم احسن من عندنا
نأخذ فلوس على الدراسه الحين ندفع فلوس علشان ندخل الجامعات الحكوميه عندك علم
اسعار البنزين يااخي الدول الاخرى انهارهم مويه و حنا دوله انهارنا بترول والله يعز الحكومه ماننكر انها خفضت لنا
لكن خل راتبك 6000 وعيش بالزمن هذا لو شهر واحد بايجار وعيال واقساط وتكيّف مع الاسعاراللي صارت النارعلينا
وتعال اكتب لنا شعورك بعدها واكتب شعور عيالك واهل بيتك
مايحس بالنار الا رجل واطيها

المشاركة الأصلية كتبت بواسطة مقاطعتهم&حارقتهم

اغلب المعاملات الحكوميه عليه رسوم
يعني استبدال كلمه ضريبه بكلمه رسوم
تعليم بلاش جب دوله بالعالم ماعندها تعليم بلاش وتعليمهم افضل ومدارسهم احسن من عندنا نأخذ فلوس على الدراسه الحين ندفع فلوس علشان ندخل الجامعات الحكوميه عندك علم
اسعار البنزين يااخي الدول الاخرى انهارهم مويه و حنا دوله انهارنا بترول والله يعز الحكومه ماننكر انها خفضت لنا
لكن خل راتبك 6000 وعيش بالزمن هذا لو شهر واحد بايجار وعيال واقساط وتكيّف مع الاسعاراللي صارت النارعلينا
وتعال اكتب لنا شعورك بعدها واكتب شعور عيالك واهل بيتك
مايحس بالنار الا رجل واطيها

اختي العزيزة يمكن انتي ماتعرفين ايش معنى الضرايب, وانا مالومك دامك اعتبرتي المبالغ الرمزية اللي تدفعها للجوزات ولا الاحوال المدنية ضرايب. يعني هالمبلغ البسيط هذا راح يهد حيل الشعب ويفقرهم. اختى هل تعلمين ان في امريكا الضرايب تكون على كل شي. واعني كل شي يعني حتى علبة الببسي اللي نشتريها من البقالة عليها ضريبه وعلى اي سلعة غذائية او ادوات منزلية او ملابس او سيارات او جولات اي مبلغ يندفع بأي طريقة كانت يكون عليه ضريبه هذا غير ضريبة استخدام الطرق وحتى الجوائز المقدمة من المسابقات التلفزيونية يكون عليها ضريبة 50% يعني نصفها. اللحين هل فهمتي ايش اقصد ان ماعندنا ضرايب؟. ولاحظي اختى انا جالس اقارن حال المملكة بحال امريكا واللي هي ايضا دولة غنيه والله اعلم ايش حال الدول الاخرى الفقيرة مع الضرايب.

اما عن التعليم انا اتفق معك فا اغلب الدول يكون فيها التعليم من الابتدائي الى الثانوي ببلاش ولو اني اشك في الموضوع هذا لكن اذا اعتبرنا فعلا ان كل الدول يكون فيها التعليم من الابتدائي الى الثانوي ببلاش هل تتوقعين ايضا ان الكتب تعطى بشكل مجاني الى الطلاب مثل حال السعودية؟ لا والله ماتوقع.طيب اللحين نجي الى التعليم الجامعي ابيك تعرفين ان التعليم العالي في اغلب دول العالم يكون بفلوس حتى الجامعات الحكوميه تكون بفلوس. اما في السعوديه ودول الخليج يكون التعليم ببلاش ويصرف له رواتب مثل اللي حاصل لنا في السعوديه. في امريكا مثلا يدفع الطالب في السنه الجامعية( فصلين) معدل 25,000 الف دولار. هل احد منكم يقدر يدفع هذا المبلغ؟ انا ابيكم تروحون لأي جامعه حكومية وتسألونهم عن تكلفة الدراسه في الجامعه اللي احنا ندرسه ببلاش وناخذ عليه فلوس.وراح تحسون وقتها بالنعمه اللي عايشين فيها. هذا غير المشاريع المستقبلية اللي الان تنبني مثل المدن الاقتصادية وجامعة الملك عبدالله للعلوم والتقنية, كل هذا ولسه في تذمر.
وكل واحد يقدر ينظم نفسه على حسب الفلوس اللي عنده. اللي راتبه 6000 يرتب حياته على حسب دخله, واللي راتبه 10000 يرتب حياته ومصارفيه على حسب دخله. اما ان واحد راتبه 5000 ويبي يعيش مثل واحد راتبه 10000 هذا والله المشكلة منه ومن سوء التخطيط والافضل يراجع نفسه ويقلل من مصاريفه مو يلوم الدولة ليش ماتنزل الاسعار وكأن الدولة حاطه تجارة العالم في يدها وتقدر تتحكم فيها مثل ماتبي.

اتمنى ان وصلت الفكرة وتغيرت بعض مفاهيمكم الخاطئة.

يعني في إعتقادك إن الناس إذا عطشوا يروحوا يشربوا بنزين (إقتداءاً بقول وزير التجارة .. غيروا عاداتكم و دوروا الأرخص).

لا أحد ينكر أن الدولة تبذل كل ما في وسعها في سبيل راحة المواطن لكننا هنا لانتحدث عن الدولة و ما تقوم به.

نحن نتحدث عن جشع التجار و طمعهم وتجاهل بعض المسئولين لما يحدث إما تكاسلا أو لمصالح شخصية.

لماذا تباع المنتجات السعودية أو المنتجة في السعودية بأسعار أغلى في السعودية مقارنة بدول الجوار ... لماذا تباع البضائع المستوردة في السعودية بأسعار أعلى من الدول المجاورة مع ملاحظة أن الوكيل واحد لكل المنطقة (سعر علبة حليب نيدو بـ 60 ريال عندنا بينما لم تتجاوز 54 ريال في أي دولة من دول الخليج)؟؟

والله ان السعوديين كثيرين تذمر ولو يناظرون حال الشعوب الاخرى اقسم بالله راح يبوسون ايديهم وجه وقفا.

للإجابة على هذه الجملة بالذات راجع هذا الموضوع إن كنت لم تقرأه من قبل (إقرأه بتمعن) و بعدها بوس إيديك وجه و قفا وشعر ودقن كمان:

https://mqataa.co/vb/showthread.php?t=4361

تحياتي للجميع.

المشاركة الأصلية كتبت بواسطة abuhisham

يعني في إعتقادك إن الناس إذا عطشوا يروحوا يشربوا بنزين (إقتداءاً بقول وزير التجارة .. غيروا عاداتكم و دوروا الأرخص).

لا أحد ينكر أن الدولة تبذل كل ما في وسعها في سبيل راحة المواطن لكننا هنا لانتحدث عن الدولة و ما تقوم به.

نحن نتحدث عن جشع التجار و طمعهم وتجاهل بعض المسئولين لما يحدث إما تكاسلا أو لمصالح شخصية.

لماذا تباع المنتجات السعودية أو المنتجة في السعودية بأسعار أغلى في السعودية مقارنة بدول الجوار ... لماذا تباع البضائع المستوردة في السعودية بأسعار أعلى من الدول المجاورة مع ملاحظة أن الوكيل واحد لكل المنطقة (سعر علبة حليب نيدو بـ 60 ريال عندنا بينما لم تتجاوز 54 ريال في أي دولة من دول الخليج)؟؟



للإجابة على هذه الجملة بالذات راجع هذا الموضوع إن كنت لم تقرأه من قبل (إقرأه بتمعن) و بعدها بوس إيديك وجه و قفا وشعر ودقن كمان:

https://mqataa.co/vb/showthread.php?t=4361

تحياتي للجميع.

اخي انا ادعوك انك تتطلع على هذا القرار, حتى يكون عندك فكره عن جهود الدولة في حماية المستهلك
http://www.alyaum.com/issue/article....12436&I=503342

ووزير التجارة قال اذا كنتوا ماتستطيعون انكم تدفعون سعر السلع الغذائية اللي تعودتوا انكم تشترونها مثل الرز وغيره. ابحثوا عن بديل اخر لان في بعض السلع مارتفعت اسعاراها. وهذا كلام معقول يعني واحد راتبه مو كفيه يجلس يحط نفسه في ديون وحاله عشان بس ياكل الرز اللي يحبه؟.

اما عن الرابط اللي وضعته انا اشوف انه شي يفرح دام ان اسعار السلع الغذائية في السعوديه ارخص من غيرها, الا اذا كان عندك رأي ثاني انا مادري صراحه انا متوقع كل شي.

كلامك غير واقعي مره اخوي حنا في نعمة نعم صحيح ونحمد ربنا في كل وقت
لكن حنا نتكلم على غلاء الاسعار اللي بدون سبب
وبعدين تأثيره على شريحه كبيره من الشعب ولو نجيب بس حالة المواطن القطري
ونقارنها بحالة المواطن السعودي لأحسست بالفرق الشاسع اللتي تصب بمصلحة القطري
وهناك دليل آخر ملموس وابيك تسأل نفسك كان سعر البترول ب 8 دولار فقط
والان فوق 90 الدولار وراح بوصل مائة دولار والارتفاع له فترة ايش حصلنا حنا ؟؟

المشاركة الأصلية كتبت بواسطة الــقــاطــع

كلامك غير واقعي مره اخوي حنا في نعمة نعم صحيح ونحمد ربنا في كل وقت
لكن حنا نتكلم على غلاء الاسعار اللي بدون سبب
وبعدين تأثيره على شريحه كبيره من الشعب ولو نجيب بس حالة المواطن القطري
ونقارنها بحالة المواطن السعودي لأحسست بالفرق الشاسع اللتي تصب بمصلحة القطري
وهناك دليل آخر ملموس وابيك تسأل نفسك كان سعر البترول ب 8 دولار فقط
والان فوق 90 الدولار وراح بوصل مائة دولار والارتفاع له فترة ايش حصلنا حنا ؟؟

حياك الله اخوي, الهدف من موضوعي هو توضيح اسباب ارتفاع الاسعار في السعوديه, وليس تأثير ارتفاع الاسعار في السعوديه..وحتى تعرف اسباب الارتفاع قم بالإطلاع التقرير اعلاه. وبعدين مو معقوله تقارن بين دولة مافيها الا 700 الف مواطن ودولة فيها اكثر من 20 مليون مواطن الطلب على السلع يختلف والتنوع في السلع يختلف واشياء اخرى عزيزي.
اما بالنسبه عن ارتفاع اسعار البترول وايش اللي استفدنا منه انا راح اعطيك قائمة بأهم التطورات اللي حصلت نتيجة لإرتفاع سعر البترول.

مشروع مدينة الملك عبدالله الإقتصادية
http://www.kingabdullahcity.com/en/
مدينة المعرفة الإقتصادية
http://www.madinahkec.com/ar/default.html
مدينة جازان الإقتصادية
http://jazanecity.com/
مدينة حائل الإقتصادية
http://www.investinsaudi.com/en/busi...omic-city.html

مدينة الملك عبدالله السياحية
http://kabdullahtc.com/

اضف الى ذلك انخفاض اسعار البنزين وزيادة في الرواتب ومشاريع الطرق والمشاريع اللي افتتحها الملك في الرياض وغيرها..

اتمنى اني رديت على سؤالك ووصلت الفكرة...تحياتي لك

شف كلامك كله مارد انا عليه ارد انك ترجع لكلام الملك عبدالله يوم زار الاحياء الفقيره في الرياض وامر بأنشاء صندوق الفقر قبل 4سنوات تقريبا وكانت الاسعار ارخص بكثير اجل الحين الاسر هذي وشلون عايشه
و ماعتقد انك تفهم اكثر من الملك في جولاته داخل المملكه الاخيره واستنكاره لاوضاع بعض المناطق والفقر اللي فيها
وما اعتقد انك تفهم اكثر من الامير نايف ومطالبته اللي رفعها لملك عبد الله بطلب اعفاء المتقاعدين من رسوم (ضرائب)الدوله رافه بحالهم مع الاسعار

موسسه جدوى اعضاءها من اي طبقه ينتمون
من طبقه الشعب او المخمليه !!!!




المنتدى هذا يحارب جشع التجار وطمعهم وكل واحد سجل فيه غايته محاربتهم ورح نستمر بمحاربتهم
لاتعب حالك بمواضيع تثير فيها الاعضاء بدون فائده ترجى للمنتدى والمقاطعه

المشاركة الأصلية كتبت بواسطة مقاطعتهم&حارقتهم

شف كلامك كله مارد انا عليه ارد انك ترجع لكلام الملك عبدالله يوم زار الاحياء الفقيره في الرياض وامر بأنشاء صندوق الفقر قبل 4سنوات تقريبا وكانت الاسعار ارخص بكثير اجل الحين الاسر هذي وشلون عايشه
و ماعتقد انك تفهم اكثر من الملك في جولاته داخل المملكه الاخيره واستنكاره لاوضاع بعض المناطق والفقر اللي فيها
وما اعتقد انك تفهم اكثر من الامير نايف ومطالبته اللي رفعها لملك عبد الله بطلب اعفاء المتقاعدين من رسوم (ضرائب)الدوله رافه بحالهم مع الاسعار

موسسه جدوى اعضاءها من اي طبقه ينتمون
من طبقه الشعب او المخمليه !!!!




المنتدى هذا يحارب جشع التجار وطمعهم وكل واحد سجل فيه غايته محاربتهم ورح نستمر بمحاربتهم
لاتعب حالك بمواضيع تثير فيها الاعضاء بدون فائده ترجى للمنتدى والمقاطعه

يعني كل هالأشياء اللي موفرتها الدولة موعاجبتك؟..يعني تبين زياده بعد؟ انا ماادري ايش الدولة تقدر تسوي من انها تريح شعبها من هم الضرايب وانها توفر تعليم ببلاش من الابتدائية الى المرحله الجامعيه والعلاج ايضا ببلاش. مع احترامي الى كل الفقراء انا اقولهم الدولة وفرت لنا فرص كثيره وكل ماعلينا اننا نبادر بأنتهاز هذه الفرص, اما ان واحد يتخرج من الثانويه ولا يكمل دراسته وبعدين يشتغل سكرتي ويقعد يتشكى من قلة الدخل وارتفاع الاسعار هذا والله مشكلته هو ليه ماكمل دراسته الجامعيه وهي موفره له ببلاش!!! وعليها راتب بعد يعني كأنه يدرس ويشتغل في نفس الوقت. والفقر شي موجود في كل دول العالم ولا يكاد توجد دولة تخلو من الفقراء هذي سنة الحياة. وانتوا لما تتكلمون عن السعوديه كأنكم تتكلمون عن افقر دولة في العالم يا اخوان تفائلوا بالخير تجدوه كفاكم سلبيه وتذمر وانظروا الى حالكم نظره خارجيه وسوف تجدون اننا بنعمه ولله الحمد ولكن الشاطر اللي ينتهز الفرص ويفكر تفكير مستقبلي.

ياأخي هممت أن ارد عليك لكني فضلت أن لا اتعب نفسي في حشد الأدلة والبراهين لإثبات عكس كلامك ..
وهذا لأني رأيت التناقض وعدم المنطقية في ردودك ..
وهذ يعطيني انطباع ان عندك قناعة متمسك بها وجئت هنا فقط لإثباتها لا للوصول للحقيقة ..
قد لا تكون من الطبقة المخملية مثل ما يظن البعض ..
لكنك قد تكون من النوع الحالم الذي لا يستوعب ما على أرض الواقع من حقائق .






.