نادك يبيع الزنجبيل (2 جرام) بريال (اخر صيحة) الجزء الثاني! صور حصرية للمنتدى لايفوتكم

**طالب جامعي** · 15-01-2009, 06:14 AM

السلام عليكم

كيفكم شباب
حملة خلوما تصدي ولله الحمد منتشرة بشكل رهييييب وكل واحد ماسك كاشة !!
وهذا ما اراه في اوساط الزملاء في جامعة الملك سعووووود!!
المهم
امس طبعا كنت في السيف وي(مرة ثانية) المشهووور بغلائة كما هو معروف (طبعا لاحد يقولي لي ليش تجية وانت تعرف انة غالي!!)
وشفت نادك تستهبل للمرة الثانية في اقل من يوم !!!

[/URL]
زنجبيل بريااااااااااااااااال بس لعيونكم يادلوووخ(بنظر نادك) 2 جرام بس
طبعا وانا طالع شريت 18 علبة نادك لاتنسووووون عرض مرة حلووو (والله لو تحط كيلو زنجبيل ما شريناك يا ناااااااااااادك!!!!!!!!
المهم نادك كعادتها دائما تسبب لي موجة ضحك
نصيحة اللي يبي يضحك يطلع للسيف وي التميمي ويتفرج بس!!! تلقى ماء بـ1.25 وهو بريال !!! وهلما جرا.........

الشي الثاني

[/URL]
المراعي هو وجهة يبيع 20 جرام لبنة بريال بس!!!
اول 180 جرام لبنة بـ 3 ريال (طبعا غالي)
فهو حب انو يعوووض خسايرة وزاد الحجم 20 جرام وزود ريال
مراغي !!! حركاااااااااااتك ما تمشي علينا!!!!
والوقت حاكم بيننا!!!! واخواني برضو معاااااااااااااااااااااااااااي
الشي الثالث!!

ممكن تعطوني رايكم بمجموعة الصور التالية!!!!

[/URL]
منتج معدل وراثيا !!!!

[/URL]
معدل ورثياَ وصناعة اميريكية

[/URL]
هذي صورة اوضح
طبعا كل هذا بالمملكة العربية السعودية مدينة الرياض!!!!
طبعا جميع الصور اعلاة من تصويري الحصري على منتدى مقاطعة ممكن رايكم!!!!!!
واي سؤال انا جاهز

**جمرة غضا** · 15-01-2009, 07:51 AM

اقتباس:

المراعي هو وجهة يبيع 20 جرام لبنة بريال بس!!!
اول 180 جرام لبنة بـ 3 ريال (طبعا غالي)
فهو حب انو يعوووض خسايرة وزاد الحجم 20 جرام وزود ريال
مراغي !!! حركاااااااااااتك ما تمشي علينا!!!!

؟؟؟؟؟؟؟؟؟؟؟؟
بجد احد يشتري لبنتهم كلها حليب مغشوش وترج كلها مويه
مافيه غير لبنة بينار او اولكر التركيات
حليب 100% وطعم اللبنه صح
اوسووها في البيت احسن واحسن ولا تاخذ وقت او جهد
..........................................
اما المعدل وراثيًا فعادي حنا صايرين مزبله المصنعين والمودين

وللأسف الكثير يجهل التعديل الوراثي ...وبعضهم ينساق الى بعض الاقوال القائله ان له حسنات !!!
مافيه مثل الطبيعي

**طالب جامعي** · 15-01-2009, 10:13 AM

اقتباس:

المشاركة الأصلية كتبت بواسطة جمرة غضا

؟؟؟؟؟؟؟؟؟؟؟؟
بجد احد يشتري لبنتهم كلها حليب مغشوش وترج كلها مويه
مافيه غير لبنة بينار او اولكر التركيات
حليب 100% وطعم اللبنه صح
اوسووها في البيت احسن واحسن ولا تاخذ وقت او جهد
.........................................

طيب ممكن تعلمينا كيفية صناعة اللبنة (الحليب ومشتقاتة)
جمرة
ياليت منك عشرة في هالبلد!!!
لاني ماكنت متوقع فية مثلك في هالتفكير!!!!
وانتي شايفة الحريم وتصرفهن!!(عناد وعدم تفكير )
ما شاء الله عليك!!!!!

**مقاطع عنيد** · 15-01-2009, 10:27 AM

تسلم على الموضوع يا طالب جامعي

يبغالنا صبر علشان نحارب الفساد بهاذي البلد وكلها على رأس المستهلك . ويا جمرة بالنسبه لحكايت اللبنه اولكر و وبينار التركيه ايدك عليها لانها بصراحه طعمها يجنن

**جمرة غضا** · 15-01-2009, 12:53 PM

اقتباس:

المشاركة الأصلية كتبت بواسطة طالب جامعي

طيب ممكن تعلمينا كيفية صناعة اللبنة (الحليب ومشتقاتة)
جمرة
ياليت منك عشرة في هالبلد!!!
لاني ماكنت متوقع فية مثلك في هالتفكير!!!!
وانتي شايفة الحريم وتصرفهن!!(عناد وعدم تفكير )
ما شاء الله عليك!!!!!

طريقة وحدة تطلع لك اللبنه واللبن والزبادي
اول شي حليب سواء بودرة او حليب بقر طازج
يسخن على النار وقبل ما يفور (يغلي )يفقل عليه وتخليه لين يدفى (لا يبرد ) وكل لترين حليب حط عليه علبه زبادي وحركه حتى يختلط مره وغطيه وحطه في الفرن واكيد ان الفرن مهوب شغال بس نبي مكان يساعد على الزبادى على تخمير الحليب وتخليه لمده 12 الى 10 ساعات
بعدها يكون عندك زبادي جاهز
اذا بغيت لبن تاخذ منه وتحط عليه شوي مويه ويخلط ويصير لبن
تبي لبنه تاخذ الزبادي المحضرة وتجيب (انا شارية غترة مخصوصه للبنة ) وتصب الزبادي فيها وتربط الغترة بقوة تصير زي الصرة
وتحطها بمشخاله وتحت المشخالة تحط يا بادية او زبدية بس لازم تكون عميقة ماابي الغترة توصل للقاع وتحطها في الثلاجة لمده يومين حتى تنزل الموية كلها من الغترة وتصيرعندك لبنه ..
المويه اللي تنزل تسمى شرش فيها فائدة لكن البعض مايفضلها يرميها ممكن تاخذها وتحل فيها الزبادي عشان ا للبن بدل الموية
........................................
الجبن بعد سهل مايبي له شي
تجيب الحليب الطازج (اذا ماعندكم بقرة فيه مزارع قريبة من الرياض تبيع حليب بقر طازجة توه محلوب او استخدم اي حليب طازج تلقاه في ثلاجات المحلات
خذ كم لتر لانه بعدين يقل حجهم
خذ مثلا 4 لتر وخلهم على النار وقبل ماتغلي بشوي حط عليه شوي ملح ون بغيت حبه سودا
ووقت غليه حط عليه اقل من فنجان شاهي خل وحركه شوي راح تلقى الحليب تغير لونه وصار مصفر وبدا يتكتل خله شوي وقفل عليه النار
جب قدر وفوقه مشخاله وحط على المشخاله غترة وصب الحليب المجبن عليه وضغط عليه عشان تنول الموية وحط فوقه اي شي ثقيل قدر فيه مويه ابريق فيه موية وحطه بالثلاجة يوم كامل
بعدها فك الغترة تلقى الجبن جاهز قطعه وحطه في علب وصب عليه من الموية عشان تحفظه وفوقه شوي زيت زيتون (يحفظه عن الهواء) يقعد حول 12 الى 14 يوم وطعمه مرةممتاز
عاد انتم بالخيار وقت اكله تخلونه سادة او بنعناع وزيت زيتون او بشطه وزيتون

**جمرة غضا** · 15-01-2009, 12:57 PM

نسيت نقطة مهمه
الزبادي يكفي اول مرة تشتري زبادي من السوق... والمرات الثانية تاخذ كمية من الزبادي السابقة عندك وتعمل نفس الطريقة تسخن الحليب واذا دفا شوي حط عليه زبادي من السابق
يعني قاطعوا زباديهم ولبنتهم

**علياءالهمة** · 15-01-2009, 03:27 PM

جزاكم الله خيرا
أول مرة أعرف المراعي مغشوش وأنا ماأثق إلافيه
واناسجلت في المنتدى بسبب أني أبحث عن كل شئ يقاطع
يهودي أمريكي دنماركي هولندي
ماكنت اعرف حتى السعودي كمان!!
ومشكووورة أختي على وصفة اللبنة رااائعة
لكن في صعوبة في اللبن الطازج
بنت المدينة

**جمرة غضا** · 15-01-2009, 03:31 PM

اقتباس:

المشاركة الأصلية كتبت بواسطة علياءالهمة

جزاكم الله خيرا
أول مرة أعرف المراعي مغشوش وأنا ماأثق إلافيه
واناسجلت في المنتدى بسبب أني أبحث عن كل شئ يقاطع
يهودي أمريكي دنماركي هولندي
ماكنت اعرف حتى السعودي كمان!!
ومشكووورة أختي على وصفة اللبنة رااائعة
لكن في صعوبة في اللبن الطازج
بنت المدينة

تقصدين الحليب الطازج اذا للبنه او الزبادي او اللبن ينفع حليب بودرة
اما اذا كان للجبنه ماينفع الا الطازج ممكن حليب ندى في الثلاجة او اي حليب سائل في الثلاجات
وصدقيني راح يطلع لك زبادي ولبن وجبنة ولبنه اطعم من المباع في السوق
وحياك في المنتدى
وعندنا قسم خاص لمقاطعه اعداء الاسلام
على هذا الرابط
https://www.mqataa.co/vb/forumdisplay.php?f=32
اي سؤال حنا بـــ الخدمة
..........................
بالنسبة للالبان السعودية مراعي وغيرها هم صرحوا وقت الغلا ان ارتفاع الاسعار نتيجة ارتفاع بودرة الحليب!!! يعني مغشوش يقولوا طازجة وهي بودرة

**pass2love** · 17-01-2009, 08:39 PM

اجل جرامين زنجبيل بريال هههههههههه

الكيلو 5 ريال وطااااااااااااااااااااازه

يعطيك العافيه اخي الكريم

المنتج المكتوب عليه معدل وراثيا افضل من المنتج المكتوب عليه ليس معدل وراثيا بقصد الغش

**شموووع** · 18-01-2009, 09:18 PM

شكراللجميع و الله الله عليكم بالمقاطعه وليت عندنا كم جمرة غضا (الله يحفظها)0