العودة   منتدى مقاطعة > متابعة الشركات و المحلات و الأسواق والمراكز التجارية > خدمات السيارات > شركات التأمين ومماطلاتها مع العملاء " تجاربكم وملاحظاتكم "

مشاهدة نتائج الإستطلاع: هل سبق أن تعرضت لمماطلة او خداع من قبل شركات التأمين بأنواعها (سيارات .. طبي .. غيرها
نعم 22 59.46%
لا 5 13.51%
لم أتعرض لموقف أحوجني للمطالبة بحمدالله. 10 27.03%
المصوتون: 37. أنت لم تصوت في هذا الإستطلاع

إضافة رد
 
أدوات الموضوع إبحث في الموضوع انواع عرض الموضوع
قديم 21-06-2009, 10:02 AM   #21
dpdd
مقاطع

 
رقـم العضويــة: 297
تاريخ التسجيل: Aug 2007
المشـــاركـات: 87

افتراضي

مجهود مميز واضافه مميزه للمنتدى بارك الله فيكم

___________________________







جحيم الاسعار واستغلال التجار

dpdd غير متواجد حالياً  
رد مع اقتباس
قديم 21-06-2009, 11:50 AM   #22
بدر المسعودي
مقاطع جديد

 
رقـم العضويــة: 10894
تاريخ التسجيل: Feb 2009
المشـــاركـات: 1

افتراضي

بالنسبه لشركات التأمين الخاصه بالسيارات حصل لي سابقاً حادث وكان المخطي يحمل تأمين وتم اعطائي تقرير وخطاب للتأمين الخاص بالمخطىء وكلفت سيارتي بمبلغ 2500ريال ولكن اخبرني موظف التأمين قال لاتصلح السياره الا بعد الموافقة عليها من قبلنا وقلت ليش قال يمكن نأخذ صوره للصدمه ويمكن نعارض على المبلغ المحدد من المرور ولاناخذ بكلامهم يعني معامله رايحه جايه بين المرور والتامين عشان تطفش بس الحمدالله قالوا المبلغ قليل مايحتمل المماطله . واشكركم على اهتمامكم لصالح المواطن
بدر المسعودي غير متواجد حالياً  
رد مع اقتباس
قديم 29-06-2009, 02:48 PM   #23
خلوها تحلي مو تصدي
مقاطع جديد

 
رقـم العضويــة: 10389
تاريخ التسجيل: Jan 2009
المشـــاركـات: 36

افتراضي

انا صاري موقف مع ميثاق وهو اني لما ذهبت للمرور عشان اجدد الرخصه في عنيزه قالي رجل المرور هذا التأمين لا نعترف فيه واظطريت في نفس اليوم اني اسوي تأمين جديد واخلص اموري وطلعت الرخصه الزبده كنت اعمل في الرياض ومن القهر دورت شركه ميثاق لين لقيتها ودخلت عليهم وقصيتلهم السالفه قالي الموظف وبكل بجاحه كيف قريه صغيره ما تعترف في التامين حق ميثاق وفي الرياض يعترفون فيه قلتله انا مالي شغل يعترفون فيه في الرياض ولا عرعر انا مادمت داخل حدود المملكه المفروض الجميع يعترف فيكم الا كان مشاكلكم واجد والناس تشتكي منكم وما تعطون الناس حقهم قالي ادخل للموظف المسئول عن تأمين السيارات قلت ندخل من كثره ويوم دخلت واثر الرجال من اهل عنيزه والله البلشه قلت ياخوي وش تسون انتم تلعبون علينا قالي وبكل برود شف التأمين حق الرخصه زي علبت الببسي اذا فكيتها لا يمكن ترجعها وانا جاي برجع فلوسي وطلعت ما اخذت ولا ريال لكن الله لا يحللهم ولا يبيحهم وليس القصد في الملغ ولكن انهم يلعبون على الناس وناهيكم عن المماطله في ارسال بطاقة التأمين......وتعرفون ليه مرور عنيزه مايعترفون فيه عشان الشركه ما تسدد وتماطل يعني اخذين الدعوه نهابه من جيوبنا
خلوها تحلي مو تصدي غير متواجد حالياً  
رد مع اقتباس
قديم 05-07-2009, 04:00 AM   #24
mmaahh
مقاطع جديد

 
رقـم العضويــة: 12687
تاريخ التسجيل: Jul 2009
المشـــاركـات: 1

افتراضي

بسم الله الرحمن الرحيم
هذه المعاناة التي سأرويها لكم بالتفصيل ارجوا من الاخوة المشرفين والقراء السماح لي بالاطالة لكشف الاعيب وخدع شركات التاجير والتامين على المواطن المسكين
ياللي تدافعون عن شركات التامين ويا موظف شركة التامين الرجاء قراءة هذه المشاركة
البداية:
اخ لي اشترى هوندا سيفيك موديل 2006 من شركة تسمى شركة الامثل بنظام التأجير ومنتظم بالسداد ومن اروع مايكون
يوم وهو جاي من خط ينبع (السريع) الى مكة ويطلعله وانتم بكرامة كلب ابن كلب ويدخل تحت السيارة (حادث دهس يعني )
اخوي وقف على جنب والحمد لله على السلامة الركاب سليمين ولكن السيارة تشر مويات من الرديتر
المهم جا امن الطرق وكتب في تقريره (دهس حيوان سائب) وجات سطحة وحملنا السيارة بـ (200ريال) الى البيت ركزو القصة ما زالت في البداية
فتحنا اوراق السيارة فوجدنا ان شركة الامثل متفقة مع التعاونية للتأمين على تأمين السيارة تأمين (شامل)
من ثاني يوم كلمنا شركة التعاونية على الموضوع فقالوا اذهبوا الى مرور مكة واعملوا تقرير بالحادث وجيبوا كامل الاوراق الى مكتب التعاونية ونحن نقوم بالباقي ( حتى الان كلام سليم)
ذهبنا الى المرور ومعانا تقرير امن الطرق فسألنا مهندس المرور المحترم بكل برود وين السيارة؟
قلناله السيارة عند البيت قال لازم اشوفها قلناله ليش ؟ هذا تقرير امن الطرق عندك قال لازم اشوفها واصر ونزولا على رغبته الكريمة قمنا بتحميل السيارة على سطحة من البيت الى المرور بـ(150 ريال)
ركزوا معي يا شباب توه بدأ الاكشن
المهم بعد المعاينة سوينا تقرير المرور وورقة الاصلاح وما يتبعها من مرمطة في اسياب ادارة المرور وبعد 60 توقيع و 50 ختم اكتملت الاوراق ولله الحمد قلنا هاه وين الحين قالوا السيارة على الوكالة مباشرة والاوراق على مكتب التعاونية للتامين (قلنا جميل جدا)
رحنا على مكتب التعاونية للتأمين ومعنا الاوراق مكتملة ونتفاجأ بالسؤال السخيف اللي يرفع الضغط وين السيارة؟ قلنا راحت الوكالة؟ قال ليش ما جبتوها عندنا؟ قلنا ليش؟ قال عشان نصورها؟ قلنا وحنا ايش عرفنا ؟ المهم وبعد حب الخشوم وافق الموظف انه يتنازل ويروح للوكالة ويلتقط الصورة التذكارية للسيارة ومتى؟ بعد اربعة ايام قلنا ما يخالف
(صلو عالنبي يا شباب والصبر زين)
ذهبنا بعد ذلك للوكالة عشان ندخل السيارة ونعرف باقي الاجراءات واستقبلونا اهل الوكالة بالترحاب وقالوا يحتاج نكشف على السيارة ونشوف كم تكلف ومن ثم نرفع التكاليف للتعاونية لاعتماد التصليح وبعدين نبدا نصلح قلنا حلو
وتقعد السيارة في الوكالة اسبوعين وتطلع تكلفة التصليح 24000 ريال (وهذا كلب اجل كيف لو.........؟) المهم رفعت التكاليف للتعاونية وبعد اسبوعين اخرين جاء الرد برفض اصلاح السيارة لان التكلفة مبالغ فيها طيب والعمل قالو خذ السيارة وقدرها برة عند ورشتين بما لا يزيد عن 10000 ريال وذلك بعد اخذ موافقة من شركة الامثل بالتنازل عن اصلاح السيارة في الوكالة
(شهر كامل عشان يقولوا لنا السيارة ما نقدر نصلحها اجل لو بيصلحونها كم يقعدوا؟؟؟)
المهم جبنا الموافقه من شركة الاعفن عفوا قصدي الامثل وقلنا للوكالة هيا هاتوا السيارة قالوا لا هوا دخول الحمام زي خروجه قلنا ها وش عندكم قالو رسوم تقدير (300 ريال) ونعطيكم عليها فاتورة تاخذوها من التعاونيه بعدين قلنا ما يخالف وجبنا سطحة بـ ( 200 ريال ) عشان تشيل السيارة
المهم راعي السطحة ابو رفق قال ( صديق فين ورقة تقدير) قلنا ماعندنا قال ( انا مايقدر يشيل سيارة لازم ورقة من مرور) قلنا اجل خلي السيارة وبعد ما نجيب الورقة
(والله يا جماعة تعبت اكمل لكم القصة بعدين اعذروني على الاطالة )
يتبع.............................................. .................................................. ................
mmaahh غير متواجد حالياً  
رد مع اقتباس
قديم 23-07-2009, 03:06 AM   #25
Fresh Prince
مقاطع نشيط

 
رقـم العضويــة: 12747
تاريخ التسجيل: Jul 2009
المشـــاركـات: 381

افتراضي

انا لدي قصه مع شركه التعاونيه للتأمين
بسم الله الرحمن الرحيم

السلام عليكم ورحمه الله وبركاته ... وبعد

قصتي طويله مع التأمين وطرفها الثاني شيخ المعارض

اولا الحمدلله على كل شي
انا تعرضت لحادث الله يبعد عنا الشر وعنكم اجمعين
كنت في شارع رئيسي والطرف الثاني قادم من شارع فرعي
نجم لتخطيط الحوادث قال الطرف الثاني عليه الخطأ 100%
الان سيارتي مع الصدمه من الجنب ضرب الكفر اليسار في الرصيف فصار تلف ودمار
من الجهتين من مقصات وجنبيات واذرعه وغيرها

شركه نجم ارسلتني لورشه معينه فيها مختص فني تابع لشركه نجم وقدر الصدمه حوالي 3000 ريال
وكتب لي اسماء القطع التالفه وتسعيرها من الوكاله
رحت سعرت القطع وطلع سعرها 8600 ريال
قدمت اوراقي لنجم مع التسعيره
وطلع المجموع 11752 ريال
وهذا هو التقرير




ارسلوني للتأمين والتأمين طلب مني معاينه السياره وتصويرها
احضرت السياره بسطحه وعلما ان هذه هي المره الثالثه احمل السياره بسطحه
وبعد تصويرها ومعاينتها من قبلهم مع انه يوجد سي دي في صور من شركه نجم
وقالو لي راجعنا بعد كم يوم واتصل على الرقم المجاني لمتابعه المعامله
المهم راجعتهم وتفاجأت انهم قالو لي لازم ترسلها لشيخ المعارض يعين قيمه السياره
علما انها موديل 2008 كيف اوديها شيخ المعارض
وبعدين هو ماراح يشوف القطع التالفه اللي داخل هو بس راح يشوف اللي في الخارج
المهم وبعد مشاورات قررت اني اوديها له مع اني مش مقتنع
وديتها له وعاينها وقلت له هذه تسعيره القطع بغض النظر عن تسعيره الصدمه
قال لي انا مالي شغل بالقطع انا اسوم السياره بس
قلت له خير
المهم بعد ماكتب الاوراق والفواتير وحطها في ظرف سألته وقلت له كم سعرتها
قال لي فقط 4000 ريال
قلت له ليش قال هذه تسعيرتي
يعني طيح ونزل 8000 ريال عن تصليحها الاصلي اللي يكلف 11752 ريال
المهم انا ماقدمت اوراق شيخ المعارض للتأمين على طول رحت وقدمت شكوى ضدهم عند مؤسسه النقد العربي السعودي
والحمدلله اني عن طريق الصدفه اخذت نسخه من الاواق كله
قبل تسليمها للتأمين لتفادي اي خطأ
والحمدلله استفدت منهم في تقديم الشكوى لأن التأمين
رفض يرجع لي الاوراق اللي سلمتهم اياها مع السي دي
المهم بعد ماقدمت الشكوى لمؤسسه النقد العربي السعودي
وقالو لي هل هم عطوك ورقه تفيد بسبب الرفض
قلت لا
فقط قالو لي ودها شيخ المعارض
المهم صار الحين شهرين على السالفه
يوم كنت اشتكي
وقالو لي احنا جالسين نخاطب الشركه التعاونيه للتأمين
ونعطيك خبر بعد 22 يوم واذا ماوصل قرار راح يكون بعد 10 ايام او اكثر
والحين انا لي 3 شهور متعطل بدون سياره
واعمالي واشغالي كلها طارت
ولا حسيب ولا رقيب على هذه المماطله من شركه التأمين

السؤال يقول
هل سوف استلم حقي كامل من التأمين ام استلمه ناقص كما سعرها شيخ المعارض
هل ستقف مؤسسه النقد معي ام ضدي في القرار

وإلى من سأشتكي او إلى متى سوف انتظر

لاحول ولا قوه إلا بالله


التعديل الأخير تم بواسطة Fresh Prince ; 23-07-2009 الساعة 03:16 AM
Fresh Prince غير متواجد حالياً  
رد مع اقتباس
قديم 17-06-2010, 01:08 PM   #26
مرمر
مقاطع نشيط
 
الصورة الرمزية مرمر
 
رقـم العضويــة: 15042
تاريخ التسجيل: May 2010
المشـــاركـات: 248

افتراضي

شركة اياك ( سلامه )

صدمت شهر 8 وجيتهم بكامل اوراقي

قالوا مانستلمها منك الحين تعال بعد العيد وابشر

جيتهم بعد عيد الفطر قالوا تعال بعد عيد الاضحى

وجيتهم لاكن دون جدوى

سالتهم ماالسبب

قالوا ( عندنا زحمه والناس كلها مأمنه )

مماطله 6 شهور

واخرتها رميت السياره عليهم ومشيت لانها نظام تأجير

* نصيحه *

لا احد يتعامل مع شركة تأجير مخرج 10 لان هذا تامينهم

غير مماطله الشركه وتلاعب الموظفين

من واقع تجربه

وشكراً
مرمر غير متواجد حالياً  
رد مع اقتباس
قديم 17-06-2010, 02:27 PM   #27
pass2love
مقاطع فعال
 
الصورة الرمزية pass2love
 
رقـم العضويــة: 7031
تاريخ التسجيل: Dec 2007
المشـــاركـات: 919

افتراضي

بعض الناس يقول نتعامل مع شركات التأمين بعقلانيه وووو

اي شركه تأمين تحس فيه خلل بسيط تهرب من المسؤوليه في دفع المبالغ المترتبه عليها

ونرجع لقصص الاخوان نجد المعامله تستغرق شهور
pass2love غير متواجد حالياً  
رد مع اقتباس
قديم 08-07-2010, 08:36 PM   #28
souper1
مقاطع جديد

 
رقـم العضويــة: 8770
تاريخ التسجيل: Jun 2008
المشـــاركـات: 5

افتراضي

اقتباس:
المشاركة الأصلية كتبت بواسطة مرمر مشاهدة المشاركة
شركة اياك ( سلامه )

صدمت شهر 8 وجيتهم بكامل اوراقي

قالوا مانستلمها منك الحين تعال بعد العيد وابشر

جيتهم بعد عيد الفطر قالوا تعال بعد عيد الاضحى

وجيتهم لاكن دون جدوى

سالتهم ماالسبب

قالوا ( عندنا زحمه والناس كلها مأمنه )

مماطله 6 شهور

واخرتها رميت السياره عليهم ومشيت لانها نظام تأجير

* نصيحه *

لا احد يتعامل مع شركة تأجير مخرج 10 لان هذا تامينهم

غير مماطله الشركه وتلاعب الموظفين

من واقع تجربه

وشكراً

اخوى العزيز

يقولون اذا عرف السبب بطل العجب

وشركة تاجير ملك صالح ملائكة الى هو رئيس مجلس ادارة سلامـــة .

وعلى فكرة والله ثم والله ثم والله ثم والله ان شركــــة تأجير هذى أسواء شركة فى العالم واكبر حراميــة . نصيحة لوجة الله ياخوان لاتهمكم دعاياتهم اقسم بالله انه مايوجد اسواء منهم فى العالم
souper1 غير متواجد حالياً  
رد مع اقتباس
إضافة رد

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:33 AM.