بديل بروست البيك في المدينة المنورة ......

**أبو حسان** · 26-08-2007, 03:09 AM

كلنا نعرف ان البيك النصاب رفع اسعار وجباته على الرغم من ان الزباين كثار عنده , لكن الجشع و ما يسوي.

لذلك حبيت اعلمكم عن بديل مناسب للبيك و هو مطاعم البشير للبروست و هي موجودة في شارع الملك عبدالعزيز و كأنك رايح للحرم بجوار النابسلي , البروست عند البشير ب9 ريال و مع البارد 10 ريال و اكله نظيف و طيب و انا اقول هالكلام عن تجربة.

و الكلام طبعاً لأهل المدينة المنورة.

و شكراً......

**حميدووو** · 26-08-2007, 07:08 AM

مطعم البشير له 3 فروووع

1- عند بيتنا ( في سلطانة بعد مطعم عابد منتو يغمش )
2- شارع الملك عبدالعزيز
3- شارع قباء النازل بالقرب من بنك الرياض

**مــقــاطــع** · 27-08-2007, 06:30 AM

صدقت أنا جربته ممتاز جداً والثوم الى عندهم هذا شي ثاني

**ياسر حلبي** · 27-08-2007, 08:54 AM

يا ابو الشباب ترى بروست البيك مافي زيه وبعدين البروست اللي تتكلم عنه تراه اللي يسونه مو نظيفين زي بروست البيك وانا معاكم بس زي البيك صراحه مافي

مع احترامي لكم...

تحياتي.......

**المراقب العام** · 29-08-2007, 04:59 PM

الله يرفع قدركم ياهل المدينه والله اني احب المدينه واهلها الطيبين

يجب تدخل حكومي عاجل وفوري ... بسبب رفع الاسعار وغلاء المعيشة .. بشكل لا يعقل ..!!

والا قول على المواطن الضعيف يارحمن يارحيم ..

وباطن الارض خير له من ظاهرها ..

تحياتي ...

**المنطق** · 29-08-2007, 06:05 PM

اقول نصيحة ابتعدوا عن البروست والاكلات السريعة

استنساف للصحة والاموال

هي صعبة في هالزمن بس الظروف الآن تساعد على الاتجاه الصحيح بإذن الله

**لولو كاتي** · 02-09-2007, 04:07 AM

احيكم على وطنيتكم ولكن تعالوا نتكلم بمنطق زي البيك وطعم وريحة اكله مافي كفاية لمن اروحلوا اطلب توم زيادة وعيش زيادة ويعطوني وببلاش وتعال اقلكم مالاحظته انه لمن تخش مطعم البيك وانت عطشان تشرب موية بارررررررررررررردة وبرضه ببلاش كلمة حق... تحية للبيك

**ابو المكارم** · 02-09-2007, 11:35 PM

اقول يالولو كاتي وش يقربلك البيك موكلينك عنهم والله شف تصلح مستشار قانوني لهم

وعلى فكرة بيعطونك احلى راتب لو قروا موضوعك

اقلك انسى الكلام الي انا قلته كله لأنهم مابيعطونك وجه ولا بيعطون هذا المنتدى وجه

لأنهم حاقدين عليه وعلى الي سووه تبغى تاكل من البيك البيك فاتح لك ابوابه

والمحاسب ينتظر يالله يا لولو كاتي ومعناها لولوة البسة اتمنى تراجع نفسك يعني ارحملك ولحالك

**صقر الحجاز** · 07-09-2007, 07:57 PM

البيك دجاجه معفن مادري من وين يجيبه
المطاعم كثير
البشير
الواحه
الرهيب
المطعم اللي قدام مستوصف المدينه الاهلي

**khalidra** · 08-09-2007, 03:12 PM

شباب دعم للمطاعم إلى قالت لا لغلاء الأسعار ولا للطمع والجشع ولا للنصب والاستغلال

وسلامي لأهل المدينة