اخواني تعرفون زيوت السيارات ارتفعت ماهو الزيت البديل من هذه الزيوت؟

وبارك الله فيهم

اخي الغالي امير المقاطعة
اذهب واشتر بسعر الجمله بالكرتون ستجد الفرق واضح وستوفر في المبلغ

في اشياء بنصحك فيها :
1- الزيت ليس له مدة محددة يستوجب فيها التغيير ، لكن اللي يحكم عملية التغيير اللزوجة ، لكن إن بغيت راحة الراس خل التغيير كل 5 آلاف .
2- لا تدور على الاسم ، كاسترول مثل شل مثل موبيل ، دور على عيار اللزوجة اللي تحتاجه سيارتك ، بعض السيارات 20/50 وبعضها 15/40 وبعضها 10/30 ، ولا تصدق فلسفة الناس عن إن النوع الفلاني يحرق بسرعة والنوع الفلاني يعمر أكثر ، ترى الارقام ما تعبر عن درجات الحرارة مثل ما اصحاب البناشر مفهمين العالم ، وكل الزيت سعودي ، من قال اصلي وتجاري بالزيت .
3- مثل ما قال طريق المجد خذ بسعر الجملة وما هو لازم بالكرتون إن كان ما عندك مكان تحطها فيه أو تنقصك قيمة الكرتون وما عندك من يشاركك فيه ، وحتى تاخذ بسعر الجملة ابعد تماماً عن محلات البنشر وروح لأي محطة فيها مبيعات زيوت ، تقدر تشتري من عندهم العلب بسعر الجملة ، مثلا انا اشتري موبيل 15/40 العلبة بـ 9 ريال ومكتوب عليها سعر البيع المقترح 14 ريال يعني توفير 5 ريال وحاول يكون الزيت بعلبة بلاستك ماهي حديد حتى لو زاد معك نص علبة تقدر تقفلها زين وتستفيد منها بعملية التغيير التالية .
4- اشتر فلتر الزيت من الوكالة نفسها والله يفرق معك ارخص من البناشر بـ 10 ريال تلقاه برا بحدود 25 ريال وبالوكالة بحدود 15 ريال .
5- روح لأقرب بنشر ، تغيير الزيت والفلتر مع التشييك الكامل بـ 10 ريال بس وعينك قوية .

بارك الله فيكم ونفع بكم


وشاكر لكم

على الجميع المقاطعه بالوقت المحدد ادناه:/

حاول استبدالها بالزيوت الاماراتية الصنع مطابقة للمواصفات وحاصلة على شهادات ايزو العالمية و20/40 دبليو مقاومة للحرار عالية وسعر مناسب 9 ريال

انا اشتريته من محل بطاريات وكفرات اسمه باوزير في ام الحمام قبل مسجد الملك خالد على اليسار ب 230 ريال الكرتون يعني الحبة طلعت ب 9 ريال

المشاركة الأصلية كتبت بواسطة التميمي@

حاول استبدالها بالزيوت الاماراتية الصنع مطابقة للمواصفات وحاصلة على شهادات ايزو العالمية و20/40 دبليو مقاومة للحرار عالية وسعر مناسب 9 ريال

اخي الكريم ( التميمي )
بعد التحية ...
من وين تنباع هذه الزيوت ..
ولك الشكر

نعم للمقاطعة لا لغلاء