الزيت وما ادراك ما الزيت

**غريب** · 24-08-2007, 06:17 PM

السلام عليكم ورحمة الله وبركاته

اخواني الكرام
كنت الاحظ من فترة بعض اصحاب المحطات يقولون غير الزيت وغسل سيارتك مجانا وكنت استغرب وش مكسبهم لكن من تالي اكتشفت السر 00 لكن وش عقبه المهم انهم صارو يدخلون من غيار الزيت الضعف ، امس الخميس مريت شارع علي بن ابي طالب في الرياض فيه محلات كثيرة يبيعون بالجمله ، المهم اني اغير زيت سيارتي الترا 7 ب 14 ريال ، وسألت عن الكرتون بكم تتوقعون ؟؟ اخذته ب 175 ريال فيه 24 علبه ، يعني العلبة الوحدة بسعر 7.3
7.3 * 24= 175
14*24=336
336-175=161
يعني وفرت 161 ريال
يعني اشتري كرتون واغيره بخمسة ريال في المحطة ارخص ، يعني اوفر قريب من النص
شي ثاني اللي هو الموية الخضراء حقت الاديتر نشتريها في المحلات بعشرة ريال وان كاسرته قالك ب 8 وعسى ، لقيته عندهم الكرتون بعشرة ريال والكرتون فيه اربع جوالين يعني الجالون يطلع ب 2.5 ريال ، وسألت احد المحلات عن السيفونات قالي الموجود عندي عماني وتركته

وسلامتكم ،،،

شارع علي بن ابي طالب حول الملز عند صناعية العويضة ، امتداد الشارع مليان محلات ، ولا تشتري من اول محل او الثاني اسأل كذا محل لاني سألت اول محل قالي 195 الين لقيت هذا ب 175
ودمتم ،،،

**mnazer_sa** · 24-08-2007, 06:31 PM

مشكور على المعلومة

**كرستيانو** · 27-08-2007, 03:04 PM

**المتوكل على الله** · 28-08-2007, 10:29 AM

السلام عليكم اما بالنسبه لفلتر السياره (السيفون) فحدث ولا حرج بالنسبه للكامرا لانه يوجد لدي خلفيه عنها بالبناشر 25 ريال أما بالوكالة12.5ريال ||||||||||||||||| اى الدبل لا والادهي يقولك خمسة ريال حق تغير صديق

**غريب** · 29-08-2007, 12:39 AM

وانت الصادق اخوي المتوكل على الله سألت عن السيفون حق الفورد في محل التقوى قالي 16 ريال وانا كنت اخذه من الورشة ب 25 ريال حسبنا الله ونعم الوكيل

**Why not** · 29-08-2007, 01:26 AM

معلومة راااااااااااااااااااااااائعة جدا
شكرا لك

**جباية المستهلك** · 29-08-2007, 02:24 AM

قااااااااااااااااااااطعووووووووووو

**المراقب العام** · 29-08-2007, 05:11 PM

يجب تدخل حكومي عاجل وفوري ... بسبب رفع الاسعار وغلاء المعيشة .. بشكل لا يعقل ..!!

والا قول على المواطن الضعيف يارحمن يارحيم ..

وباطن الارض خير له من ظاهرها ..

تحياتي ...