تكفون لاتبخلون علي/ ماهو أفضل مكيف شباك عالي الجودة اطلب منكم النصيحة - الصفحة 3

**ابو نواف@** · 29-07-2011, 07:02 AM

وين افضل مكان يبيع مكيفات ميتسوبيشي دايا 188 بالرياض ؟

**ابو نواف@** · 08-08-2011, 01:20 AM

شريت خمس مكيفات ميتسوبيشي دايا 18 طلع الواحد ب 1920 ريال من المنيع بحراج بن قاسم تبريدها عالي بس صوتها مزعج وخصوصآ اللي حطيته بغرفة النوم طلع صوته مزعج اكثر من الباقين مدري ليش ؟

**جو ساقان** · 10-08-2011, 11:56 AM

المشراق انت تتكلم عن مكيف اسبلت ولا شباك؟؟ مانيب خابر مكيف شباك بريموت

على كل حال مالله بحادنا نشتري بهالسعر الخرافي وهو مجرد فرق العملة بين الريال والين .. انا عندي مكيف جبسون امريكي تجميع سعودي ضمان خمس سنوات على الكمبروسر .. والحمدلله تبريده طيب . شاريه بسعر 1250 ريال .

يعني بهالسعر اقدر اشتري ثلاث مكيفات بدال مكيف واحد متسوبيشي !!

**المشراق** · 10-08-2011, 02:02 PM

أهلين أخوي جو ساقان يامرحبا بك
نعم اللي أتكلم عنه هو سبيلت ميتسوبيشي
شباك لا لا يوجد عندهم شباك ميتسوبيشي إنتهى زمان منقطع من المصنع موقفينه
أنا أتكلم عن السبليت من النوع القديم سلمك الله أبو ريموت بسلك عندهم لهالحين يباع
أنا روحتي لهم كانت قبل رمضان بأسبوعين ثلاثه تقريبا
عندهم القديم الأصلي أبوريموت بسلك للمكيف يعني مرتبط بسلك مباشرة
وعندهم سلمك الله Mitsubishi mr.slim هذا يجي ياباني ياباني أصلي
هذا لأنه ماحد يجيهم يبي نوع قديم لكنه للأمانه أصلي لك وللزمن ركب وأنسى
ألحين زي ماقلت الناس تبي صيني أو ماليزي رخيص بألف وخمس إلى الألفين مشي حالك ماعاد الناس عندهم فلوس وطخطخة زي أول الناس تبي رخيص وزين
صحيح نعم أتفق معك سعرة غالي جدا ولذالك لعلمك ماعندهم محل يبيع مباشرة
يبيعون بالمستودع حقهم جهة مصنع الإسمنت
لأنه زبائنهم قليل جدا يجونهم يكشون الذبان على قولتهم

لأن سعرهم غالي ومكيفاتهم قديمة
أي إستفسار أنا حاضر وربي يوفقك

**جو ساقان** · 11-08-2011, 05:53 AM

MR SLIM مكيف قوي ويستاهل بكم ارخص نوع منه

**المشراق** · 11-08-2011, 09:44 PM

السلام عليكم
بالنسبة لسؤالك عن mr.slim
هذا سلمك الله ياخوي يجي ياباني ياباني
وفية يجي منه ياباني إنجليزي
اللي أذكرة أنه قالي يجي طن ونص مطور يعني
20.000 وحدة يعني أكثر من طن ونص وأقل من طنين
زي هذا اللي بالصورة
http://www.kalosflorida.com/service_ac_ductless.cfm
وشفت عندهم mr.slim يا طويل العمر طنين ونص يعني 30.000 وحدة

تقريبا قالي حوال الستة وخمس لكن أكيد حول الستة الالاف
وعندهم سلمك الله الدولابي زي اللي بالمساجد
وعندهم باكج Package يعني اللي يجي تمديد لكذا غرفة ويحط فوق السطح
وعندهم نوع يقاله سلينغ اللي يعلق بالسقف نفس النظام القديم ياباني اصلي

متوفر عندهم بأختصار
لكن مشكلتهم إدارة تعبانه جدا
مكان غلط عروض مافيه تخفيضات مافيه
ومكانهم صعب يدله الواحد بجانب مصانع الغلال اللي عند شركة السمنت
أصلا من يوم شفت لوحة محلهم وأنا غاسل يدي
حسيت أنها من أيام الثمانينات مصدية وأكثر الكتابات منمسحة
مكتوب عليها الشركة السعودية للإلكتروينات وعليها علامة الميستوبيشي
لكن كل اللي عندهم أصلي
MITSUBISHI
MADE IN JAPAN
MADE IN UK