ابوجنى الله يحفظ لكم الوالد ،انا ابغاهم يتعودون المسؤولية وهم بعد يبون مصروف شهري
والمفاوضات مايمديك علينا شوي ونعلن مناقصة وفتح مظاريف

جوجو ماشاء الله الله يحفظ لك اولادك انا افكر اسوي مثلك بس ليت اجل لو ماعليك كلافة تجاوبين على اسئلتي اعلاه

المشاركة الأصلية كتبت بواسطة ام العيال

ابوجنى الله يحفظ لكم الوالد اللهم
آميييين ومن يقول

انا ابغاهم يتعودون المسؤولية وهم بعد يبون مصروف شهري
والمفاوضات مايمديك علينا شوي ونعلن مناقصة وفتح مظاريف

بس لايسون مناقصات وبعد فتح المظاريف مايوفون بالشروط:d

المسؤولية بدري عليها خاصة في الأمور المالية, وعيال اليومين دول الله يحفظم عيونهم على مترفات العصر وياكثرها (الله يرحم زمان اول حدنا مع التطور برجون لبلب وشوية العاب في الأعياد)

على العموم سوي معاهم تجربة نصف مصروف شهري كل اسبوعين ,والتجربة خير برهان

ام العيال الله يخلي لك عيالك

وانا اشوف تنظيم ابو هشام طيب الله يخلي له عياله ويحفظ الجميع

وانتي الظاهر الصغار متدلعين شوي عليك عشان كذا يبون مساواه مع الكبار

ف خلي المصروف على المراحل الدراسية ................

اما الشهري ماشجعه وحطي بدل الشهري مكافئه ماليه للي ينجح ويجيب تقدير زين كل شهر


تحياتي لهم بالتوفيق




سلمي على الصغير المشاكس هههههههههههه شكله يبي يسجل في مقاطعه يهاوش الحكومه من هالحين

المشاركة الأصلية كتبت بواسطة ام العيال

السلام عليكم

فيه مفاوضات ومباحثات بيني وبين الاولاد بخصوص المصروف

انا مقتنعة بالفكرة لكن التطبيق محتارة شوي

ممكن مساعدة بالاتي
1- وش يضم المصروف
(الاكل للمدرسة،احتياجات المدرسة ، احتياجات عامة)
احتياجات عامة كلها مستحيل معناها انك تتركين له الحرية الكاملة والاستقلالية
هذه الخطوة يوصلها بالثانوي ,
الدعوى تمهيد بنهاية الابتدائي يشمل مصروف المدرسة ومثلا لو يشتري لعبه او شريط او كتاب.
المتوسط تشملين مصروفه بلبس الرياضة مثلا والرحلات المدرسية واشياء خفيفة .
المرحلة الثانوية هنا يبدا الاستقاليه و تعودينهم على تحمل المسؤولية الكاملة , يمسك المصروف ويصرف على نفسه من لبس وروحات وكتب واغراضه كلها
2- المبلغ المثالي لاتقولون حسب وضعكم لا ، الافضل انه يكون شي ستاندرد اقصد حسب الوضع العام
على حسب وضع الاسرة ومجتمعكم ممكن اعطيك مبلغ يكون صغير او كبير
المهم ان ولدك مايكون اقل من رفقاه ومجتمعه حتى مايكون حسرة بقلبه ولا يكون اكثر منهم,
قل المال يفسد وكثرته تفسد

3- السن اللي ممكن نعطيهم المصروف
اعطيه مصروف يومي سنه اولى وثاني ابتدائي , في البداية الاندماج مع المجتمع الكبير
لانكثر عليه المتغيرات في حياته
مصروف اسبوعي ثالث ورابع ابتدائي, تمهيد لتعريفه ما معنى المصروف ولو اخطى واسرف باسبوع يصححه وضعه الاسبوع الاخر , لان صعب يقعد شهر كامل ومصروفه ماينتهي وصعب اننا نعوضه لو انتهى مصروفه ,,, معناها نهدم لا نبني
مصروف شهري ابتداء من خامس ابتدائي , هنا بداية تمسيكه الخط وتفتيح الذهن
ونبدا نعلمه الاستقلالية بمراحل مثل ماذكرت بالاعلى
4- وهذا مهم هل لازم يدري كل طفل عن مصروف اخوه كم ؟ وهل يجوز التفاوت بين الاخوة في المصروف؟؟
لازم يعرف ان كل عمر له متطلبات وله مصروف , وانه اذا كبر ياخذ مثلهم
لابد ان نتعامل مع اولادنا على المكشوف ,,
يعني اخبي عليهم اداري هذا كله مايصب بمصلحتهم ابد ,


..........................
انا بابحث في منتديات ثانية لكن لا استغني عن مشاركاتكم

بتوفيق لاودكم جميعاً

استفدنا من تجاربكم واقتراحاتكم

جزاكم الله خير جميعا

مقاطع من الجبيل :الله يسلمك ، تدري الصغير جايه هدية في العيد مكتوب عليها الى المشاكس ماشاء الله عليك عرفت الوصف الدقيق
ابوجنى بسوي تجربة زي ماقلت ونشوف
جمرة غضا تسلمن والله استفدت كثير من كلامك وباجرب معهم ،جربت في العيد عطيت الكبير مبلغ وقلت له تشتري انت بنفسك اغراضك وتفصل ثوب وكل شيء تدرين وش سوا ؟ماشرا شماغ جديد قال شماغي من شهر بس مايحتاج؟؟

اخاف اعطيهم مصروف شامل كل شي معد يشترون يقعدون بلبس السنة الي فاتت

مقاطعهم حياك الله ، كلنا نستفيد هنا

المشاركة الأصلية كتبت بواسطة ام العيال

جربت في العيد عطيت الكبير مبلغ وقلت له تشتري انت بنفسك اغراضك وتفصل ثوب وكل شيء تدرين وش سوا ؟ماشرا شماغ جديد قال شماغي من شهر بس مايحتاج؟؟

اخاف اعطيهم مصروف شامل كل شي معد يشترون يقعدون بلبس السنة الي فاتت

أنا أعتقد ان هذا شي طيب على الأقل انه اتخذ قرار
وهذا بحد ذاته انجاز وأيضا بدأ يحس بقيمة الفلوس ويوفر لنفسه

وأنا أفضل انك تنصحينه فقط وتتركين القرار له

متابع الموضوع واذا كبرت غلا ان شاء الله نتعامل معها

المشاركة الأصلية كتبت بواسطة أحمد الخزرج

أنا أعتقد ان هذا شي طيب على الأقل انه اتخذ قرار
وهذا بحد ذاته انجاز وأيضا بدأ يحس بقيمة الفلوس ويوفر لنفسه

وأنا أفضل انك تنصحينه فقط وتتركين القرار له

متابع الموضوع واذا كبرت غلا ان شاء الله نتعامل معها

معك يا اخ احمد لكن اخاف يفشلنا تتطور المسألة ولاعاد يشتري شيء

الله يحفظ غلا ويخليكم لها