من كثر القصص والذكريات السيئه لي مع الخطوط السعوديه يبي لي اعبي سيرفرات المنتدى كلها ولا تخلص..بس بقول لكم كم وحده على الطاير:
1- مره جاي من روما الى الرياض ثم من الرياض الى الدمام "connection flight"يعني ترانزيت فيها تغيير طياره..اولا الطياره اللي في روما ذيلها مصدوم ومطعوج وواضح!! ثانيا نزلوني في الرياض الساعه 9 في الليل وطياره الدمام تطير الساعه 1010 يوم رحت عند كونتر طياره الدمام الا لقيت السرا طويل وفوضى ومهاوش على الطياره وفي الاخير طارت الطياره بدون ما يتحرك السرا مع ان حجزي مؤكد !!ولا لقيت احد مسئول اشتكي له ولا وفروا لي فندق انام فيه لين الرحله اللي بعدها 6 صباحا فاضطريت اجي بلوموزين الى الدمام ويوم رحت يوم ثاني باستلم العفش قالوا لي عفشك في امستردام هولندا راح بالغلط وبيجي بعد اسبوع..عموما بعد اسبوع جاء العفش ولكنه نصه مسروق او ضايع!!


2- مره ركبت طياره صغيره مره شكلها من الحرب العالميه الاولي قرنبع بكل ما تعنيه الكلمه !! من ينبع الى جده ذهاب واياب والمكيف خربان !!ومت حر..
3-ومره بروح امستردام ويوم وصل الدور لي للعشى قالوا لي خلص العشى وبنجيب لك نواشف..!!!نعنبو..في حراج بن قاسم احنا!!
هذا شيئ بسيط...

يا ناس خلاص تمت الخصخصه وشراها الملحم وقريبا بيغيرو اسمها الى خطوط الملحم للخدمات المريحه
امحق مريحه

السلام عليكم

للجميع الشكر على التواصل واثراء الموضوع

واعتذر عن قلة متابعتي لكثرة انشغالى
والله لايشغلنا الا بطاعتة


دمتم بود