مطاعم الرومانسية يقول انتم السعوديين ماعندكم سالفة

**فهد2007** · 15-09-2007, 01:25 PM

بسم الله الرحمن الرحيم

السلام عليكم ورحمة الله وبركاته،

موظف الكاشير في مطاعم الرومانسية في شارع خالد بن الوليد بعد مارفعوا اسعارهم قلت له ياخي حرام عليكم هذه الاسعار انتم ربحانين حتى مع ارتفاع الاسعار، والله لاكتب عنكم في منتدى مقاطعة واشهر فيكم عند الناس عشان يروحون للبديل لكم، فقال لي بالحرف الواحد انتم يالسعوديين : ما تطولون كلام وكلام وكلام وماراح نشوف الا كلام، وشفت اللي يقولون قاطع وغير ذلك تلقاهم يمكن اللي ياكلون داخل منهم. والله لو نحط الدجاج بمئة ريال راح تاخذونها يالسعوديين راح تاخذونها لانكم ماتتفقون على شئ ، غنيكم ماله دخل بفقيركم، واللي ميسور اهم شي عنده سعادته ولايهمه تعاسة الاخرين.

واقول انا: كذبت يامطاعم الرومانسية ان السعوديين متفقين وسوف ترى المقاطعة وماتسببه لك من خسائر والايام القادمة هي الحكم. اللهم وفق المسلمين على الاتفاق على الخير لما تحبه وترضاه.

**شموخ رجل** · 15-09-2007, 02:32 PM

حسبي الله فيهم ونعم الوكيل..
يارب تخسرهم ومن هم على شاكلتهم.. أدعوا معي جميعا بخسارتهم..

**ضد الطمع** · 15-09-2007, 03:06 PM

حسبي الله ونعم الوكيل ..

اصلا من زين طبخهم طبعا انا اتكلم عن فرع طريـق الملك فهد ( العقيق ) بجد ماااااافيــه طعم .. رز ومويـة فقط ..

الحمد لله مقاطعينهم من زمااااااان .. اخذنا منهم كم مره ولا عاد رجعنا لهم ..

15-09-2007, 10:00 PM

فالنهاية هذا كلام كاشير .. لا يودي ولا يجيب

لكن أخوي .. فهد 2007

متى آخر مره إشتريت من مطاعم الرومانسية؟

**فهد2007** · 16-09-2007, 01:27 PM

الاخوان ضد الطمع ، شموخ رجل شكراً لمروركم.

المقاطعة الاسلامية: الكاشير موظف في المطعم وهو الواجهة للمطعم، اخر مرة جيته ليلة رمضان وفيها رفضت اشتري مابعد رفع الاسعار وطلعت من عنده ولن ارجع له لان في بديل افضل امنه وانظف منه وهو بيت الشواية.
الاخ المقاطعة الاسلامية: هل انت يهمك مطعم الرومانسية لهذه الدرجة واذا كنت من اصحاب المطعم ممكن تشرح لنا سبب رفعكم للاسعار، واحسب لنا التكلفة الصحيحة علما با، لو قلنا الدجاج حجم 800 لافضل دجاج الاخوين = 8 ريال والرز مايكلف ريالان والباقي مايزود على ريالان من طمام وبصل وبهارات.

**المقاطعة سلاحك** · 17-09-2007, 03:59 PM

كل عام وانتم بخير والبركة عليكم شهر رمضان المبارك

والله يا أخوان المشكله فينا ولا ينلامون اصحاب المطاعم والسلع في الزيادة لانهم دارين ان السعوديين شعب استهلاكي وحق كلام بس وبيشتري مهما زادت السلعه في قيمتها ..

على طاري هذا الكلام وبالتحديد في مطعم الرومنسية اللي على طريق الملك عبدالعزيز دخلت وطلبت حبه مع الرز المهم طلعت له 20 ريال زي العادة (( على فكره انا قليل ما اروح المطاعم واخر مره دخلت مطعم مثلوثه كانت الحبه بـ 20 ) المهم عطيت ابو يمن العشرين على اساس يعطيني الورقه اللي فيها الرقم قال لي باقي 4 ريال ؟؟ ليه طيب ؟؟ قال الرز زادت قيمته .. قلت له انت بتحط لي كم كيلو مع الحبه .. المهم شديت معه وبغينا نتلاقط الا شوي .. والله جلست اصيح في المطعم ابي احد من اللي حولي يفزع ويساعدني في اننا نأثر على الموجودين ويتركونه .. لكن لا حياة لمن تنادي .. والله في الاخير قلت لابو يمن انا اسف الشرهة ما هو عليك علي انا اللي قاعد اتكلم مع حيوانات اكبر همها بطونها ...
الغلطة فينا حنا يالشعب لازم نقاطع .. واذا ماقاطعنا مافيه شي بيتغير بالعكس الاسعار بتستمر في الزياده ..
ومثل ماقال المثل .. من اللي ومرك قال من اللي نهاك .؟

**طير السعد2006** · 17-09-2007, 05:00 PM

فيه مطاعم الحبة ب22 ريال ومطاعم الحبة ب24 ريال مع ابو 22 ريال افضل

مالسر في ذلك ؟؟

**ابو نواف** · 19-09-2007, 11:27 AM

اقتباس:

المشاركة الأصلية كتبت بواسطة ضد الطمع

حسبي الله ونعم الوكيل ..

اصلا من زين طبخهم طبعا انا اتكلم عن فرع طريـق الملك فهد ( العقيق ) بجد ماااااافيــه طعم .. رز ومويـة فقط ..

الحمد لله مقاطعينهم من زمااااااان .. اخذنا منهم كم مره ولا عاد رجعنا لهم ..

كلامك صحيح
انا كنت آخذ من عندهم
صراحة طبخهم ولا شيء
على الاقل القمة جنبهم افضل بكثير
عموما انا مقاطع منذوووو مبطي

قاطعوووووووووووووووووووووووهم

**من المقاطعين** · 21-09-2007, 02:49 AM

اقتباس:

المشاركة الأصلية كتبت بواسطة فهد2007

بسم الله الرحمن الرحيم

السلام عليكم ورحمة الله وبركاته،

موظف الكاشير في مطاعم الرومانسية في شارع خالد بن الوليد بعد مارفعوا اسعارهم قلت له ياخي حرام عليكم هذه الاسعار انتم ربحانين حتى مع ارتفاع الاسعار، والله لاكتب عنكم في منتدى مقاطعة واشهر فيكم عند الناس عشان يروحون للبديل لكم، فقال لي بالحرف الواحد انتم يالسعوديين : ما تطولون كلام وكلام وكلام وماراح نشوف الا كلام، وشفت اللي يقولون قاطع وغير ذلك تلقاهم يمكن اللي ياكلون داخل منهم. والله لو نحط الدجاج بمئة ريال راح تاخذونها يالسعوديين راح تاخذونها لانكم ماتتفقون على شئ ، غنيكم ماله دخل بفقيركم، واللي ميسور اهم شي عنده سعادته ولايهمه تعاسة الاخرين.

واقول انا: كذبت يامطاعم الرومانسية ان السعوديين متفقين وسوف ترى المقاطعة وماتسببه لك من خسائر والايام القادمة هي الحكم. اللهم وفق المسلمين على الاتفاق على الخير لما تحبه وترضاه.

للاسف كلام موظف الكاشير صحيح
اليوم الساعة الثانية بعد منتصف الليل زحمة شديدة جدا امام مطعم الرومنسية مخرج 15 حي السعادة وعدد كبير منهم للاسف بعوائلهم
هل المقاطعه لم تصلهم !!! وكيف تصلهم ؟

للاسف شي يقهر الواحد المطعم يرفع سعر حبة الدجاج من 20 الى 24 ريال والمحل مليان زباين

والله والله شي يقهر علموني وش ردة الفعل لو كنتم مكاني

**المنفلت** · 25-09-2007, 06:56 PM

ابو يمن اصلً اذا صار بينك وبينه شي يقول انا اصلً في ديرتي