الحذر من الملاحم

**gamer** · 13-08-2010, 09:41 PM

السلام عليكم ورحمة الله

كل عام وانتم بالف صحه وعافيه ومبروك عليكم الشهر الكريم

اخواني حبيت احذركم من الملاحم وبكل مكان من الناس اللي مايخافون الله

هذا قبل رمضان بيوم رحت للملحمه على شان اخذ كم كيلو لحمة حاشي مع العلم كنت ماخذ 3 كيلو قبل ولا كفا وحبيت افرمها عنده

تعرفون الذبيحه ماتكفي نزودها بلحمة حاشي

المهم حصلت الملحمه مزدحمه من الزباين من ضمن الزباين حريم المهم طلبت من صاحب

الملحمه تقريبا كيلوين وقلت له افرمها طلبت منه ياخذ من الحمه المطلوبه الرجال اخذ منها وحطها

على الميزان قلت ياولد المكان ضيق رح للميزان انا جيت الميزان والا ابو يمن مدري وش جاه هو

كان لاف الميزان عليه ويوم شفته مختبص قلت له لف عليه الميزان اخذ كرتون فيه لحم وحطه

على الميزان وجلس يوزن لحمة الحاشي حقتي قلت له ليش ماتنزل الكرتون وتوزن لحمتي لوحدها

جلس يقول مدري وش يقول المهم شلت الكرتون ونزلته ولفيت الميزان عليه فوالله ياخوان اني

ماضلمته حصلتهم رافعين الميزان 300 قرام يعني انت تاخذ اربعه كيلو يطلع لك ثلاثه كيلو و100

قرام قلت له ليش كذا ماتخافون الله وحنا مقبلين على رمضان كم واحد لعبو عليه

وفيه ناس ماخذين 10 ك و15 ك كم ماخذ منهم هذا

تعرفون مابغيت اخربها مع ابو يمن واتشجع عليه انواع السواطير والسكاكين لو قال بيدي كذا احصلها معلقه على معلاقهم مع الحاشي

الملحمه موجوده بقرب ملحمة الهلال اللي بالروضه بكم محل مدري وش اسمها

انا كتبت موضوعي على شان الاخوان ياخذون الحذر من ذولي الحراميه

صراحه الشعب السعودي طيب وعلى النيه

دمتم بود

**مـ قـ ا طـ ع** · 13-08-2010, 11:15 PM

مشكور على التنبيه اخي gamer

**جمرة غضا** · 14-08-2010, 01:00 AM

ويل للمطففين
اخوي شكرا لك ولكن بصراحة المفروض انك اتصلت فورا على البلدية ..

**نجم سهيل11** · 14-08-2010, 02:44 PM

عندنا التلاعب في الملاحم كثير
تطلب 5كيلو لحم وتلقى نص الوزن عظام انا مدري وين يجيب العظام منه
ويوم تقعد مع المدام وتشوف اللحم تلقى عظام مافيها لحم ...
شكله فارمها وتارك العظام للي يجي يطلب لحم وينطلها عليه وتحسب عليه

ما اقول إلا حسبي على الله ونعم والوكيل

**الشيش** · 30-08-2010, 05:57 AM

لا جديييييييييييييييييييييييييييييييييييييييييييييييي ييييييييييييييد

**ما اهميه الاسم** · 30-08-2010, 06:41 AM

بنسسبه لي اذا بغيت لحمه من الملحمه
اجلس قريب منهم ولا اتحرك
حتى لو قالوا لي المكان متسخ وفيه كراسي في الخارج خلك مثل العلك ناشب لهم
وشكرآ

**هامور بس مفلس** · 02-09-2010, 03:12 AM

مشكور على التنبيه

**أبوياسر** · 17-09-2010, 03:33 PM

مع إحترامي لك أخوي إلا إنك غلطان ... مفروض تتصل على 940 وماتطلع إلا لحد مايجون ..

لأن مارح أحد يردعه ورح يستمر في طريقته هذي ..

وعلى العموم مشكور ..