اعزائي
لا اخفيكم ان انشغلت وارهقت وخسرت المال
كل هذا بسبب اني اأخذ مكيف تبريده مثل مكيفات زمان
واليوم للاسف بعد البحث والقيل والقال وكثرت السؤأل
اشتريت مكيف ادميرال 24 الف وحده ب1500 ريال
كمبرسور صغير
كبير مالقيت
ولكن للاسف له الان اكثر من ساعتين شغال
نص ونص ؟
يقولي البائع ان الكمبرسور ميتسوبيشي ضمان 7 سنوات
ويقول ايضا انه ياباني تجميع بحريني
مع العلم ان احد المحلات نصحني بشده بمكيف ليونارد 18 كمبرسور كبير ب1600
ومحل اخر نصحني ب او جنرال 18 ب1770
لكن الشكوى لله

اخي الكريم ادا غرفه ولا يبرد اعرف انه مضروب

يمكن صاله لانها مفتوحه براده للك عليه

افضل اجهزه شباك او جنرال وميتسوبيشي

غرفة 4 * 5
لازم تكون قدامه عشان يبردك تصدق !

لما توقف قدام المكيف كيف بروته؟

نص و نص و إلا بارد صح؟

إذا كان نص و نص يمكن يكون العيب من المكيف في هذه الحالة.

أما إن كان بارد صح فيمكن البناء قديم و مافيه عزل حراري و حرارة الجو هذي الأيام ماترحم.

اشكركم على ردودكم
ياخواني انا ابغاه بارد جدا جدا
مثل الزامل القديم

مكيفات الشباك كمبروسر صغير مايجمّل مع أجواء معظم مناطق المملكة الساخنة .

لكن يجب مراعاة التالي لضمان تبريد أفضل...


- إقفال فتحة سحب الهواء للخارج وتوجد في معظم المكيفات .
- وضع الترموستات على درجة عالية لضمان عدم فصل التبريد لفترات متقاربة .
- اجعل سرعة المروحة لأعلى سرعة خصوصا مع وجود كمبوسر صغير.
- تأكد من عدم وجود فتحات للخارج بجوار جسم المكيف .
- اغلق نوافذ البيت واجعل استخدام شفاطات الهواء في أضيق الحدود .
- إذا كان المكيف موجود في منور ضيق فذلك يقلل من البرودة .
- سقف الغرفة إذا كان من الهنجر أو يليه السطح مباشرة ستقل البرودة .
- داوم على تنظيف الفلتر وتأكد من خلو منطقة الثلاجة من الغبار .

ترا المكيفات الجديده , اول مره تشغلها ماتبرد زين , تاخذ وقت , واسألني كل مكيفاتي اول ما اشغلها احسها مضروبه , تعال يعد اسبوع , وراح تذكر كلامي ... حتى المتسوبيشي اول ماشريته حسيت انه يطلع هوا وانغشيت فيه !

انتظر شوي بس وراح يبرد , إلا راح ( يفرزن ) غرفتك بعد , بس ليتك اخوي اخذت متسوبيشي دايا ولا فوجي ولا جنرال بدل ما تروح للجديد , ترا المكيف ( عشرة عمر ) يعني ما تغامر فيه عشان 300 ريال ...

مبروك المكيف , واقول لك مره ثانيه , انا متأكد انك الصبح بتقوم مزكم من البرد , مو عشانه زين ومتسوبيشي , عشانه كبير على غرفه صغيره , وكل المكيفات ( تبرد ) لكن مشكلة بعضها انه يبرد ببطئ شديد , وياخذ وقت بالساعات عشان يبرد وتكون مش رايق له وودك حاجه تبرد بسرعه عشان تنام العصر ...
غير كذا موجات الحر الي تجي ماتعطي المكيف فرصه انه يشتغل , فتجلس لك الغرفه حاره الى ست ساعات وانت تحاول تتأقلم مع الوضع !

على كل حال مبروك , وراح تنبسط من المكيف صدقني , لأنه كبير مره على غرفتك , بس هذي غلطه لا تكررها , ولا تغامر مع اي مكيف مره ثانيه ، خذ لك المجرب والمعروف ...

وبالنسبه للبياعين , تراهم ياخذون عموله مختلفه على كل مكيف , يعين مكيف يبيعونه ياخذون 20 ريال عموله , ومكيف ثاني ياخذون عليه 50 , ومكيف ثالث كذا وكذاك , يعني كلامهم معك ( بفلوس ) مهوب لوجه الله !

جزاك الله خير ريحتني
لكن باقي عندي غرفتين هل اضع كل غرفه ماركة مختلفه
انا ناوي على ميتسوبيشي في غرفه واو جنرال في غرفه اخرى
طبعا كمبرسور كبير مافيه
لكن هل اخذ 18 او 24 ؟

المشاركة الأصلية كتبت بواسطة الركن

جزاك الله خير ريحتني
لكن باقي عندي غرفتين هل اضع كل غرفه ماركة مختلفه
انا ناوي على ميتسوبيشي في غرفه واو جنرال في غرفه اخرى
طبعا كمبرسور كبير مافيه
لكن هل اخذ 18 او 24 ؟

لمعرفة حجم المكيف الناسب إليك المعادلة السهلة التالية
طول الغرفة × عرض الغرفة = الناتج
الناتج × 800 = حجم المكيف
مثلا غرفة
4 × 6 = 24
24× 800 = 19200 وحدة
وطبعا تشوف أقرب مكيف للمقاس الأكبر ويكون 24 وحدة

طبعا المعادلة هذا هي إللي شغالين عليها المهندسين في السعودية على اعتبار أن الغرفة ارتفاعها في حدود 3 م

وإذا تبغى شوري مكيفاتك خلها كلها 24 لأنها إذا صارت قوية تبرد الغرفة بسرعة وما يحتر الكمبروسر ويحترق عليك برضوه إذا نقلت المكيف لغرفة أكبر يجملك وما تضطر إنك نشتري واحد كبير

المشاركة الأصلية كتبت بواسطة الركن

جزاك الله خير ريحتني
لكن باقي عندي غرفتين هل اضع كل غرفه ماركة مختلفه
انا ناوي على ميتسوبيشي في غرفه واو جنرال في غرفه اخرى
طبعا كمبرسور كبير مافيه
لكن هل اخذ 18 او 24 ؟

واحد او جنرال 24 والثاني متسوبيشي 24

وش سبب احجامك عن الكمبروسر الكبير ؟ انتبه من سواليف البياعين في المحلات , بيقولون لك ان الكمبروسر الصغير تم تطويره وصار يستحمل درجات حراره عاليه الخ الخ

اذا كان الصوت , ترا صوت او جنرال مرتفع مع ان كمبروسره روتاري ( صغير ) ...