توضيح

التضخم ظاهرة عالمية ،، دول لها قوه اقتصادية وصناعية لم تستيطع وقف التضخم
وبخصوص اختلاف الاسعار فهذا شيء طبيعي وموجود في العالم كله

اذا اعجبك السعر اشتري واذا ما عجبك في غيرك يشتري

نصيحه الموضوع اذا اخذ اكبر من حجمه ينقلب ضده يعني اذا فشلت المقاطعه والنداءات سترتفع الاسعار زياده بعد اخذ الثقه والطمأنيه من عدم حصول ردة فعل عكسي

لا إختلاف الأسعار موب شي طبيعي وموب موجود إلا بهذا البلد



الطبيعي إن وزير التجارة يتنحى عن منصبه بعد المهزلة اللي سواها

هذا هو الطبيعي وهذا اللي يحصل في كل العالم




حنا أحرار موب بالقوة نشتري المنتجات والمقاطعة إنتشرت بالحيل على فكرة ..


ليش الطمع ؟

ليش الجشع ؟

والله ياتجارنا حنا موب ضدكم ، بالعكس يا ما وياما نشتري من التاجر السعودي ونفضله على الأجنبي


لكن إطلبوا رزقكم بإعتدال موب بالظلم والجشع ، وإبتزاز أموال المسلمين ..





حنا شعب واحد وطن واحد المفروض يا تاجر ياسعودي تصيرون أحرص الناس على هالبلد



إكسبوا لكن بإعتدال .. بقناعة ..




مايمدي أبو متعب عطانا الزيادة إلا رفعتوا الأسعار ...


طمع طمع طمع


شلون ترضون إنكم تكونون لهالدرجة من الدناءة والنذالة والخسة




ترى فيه الفقير وفيه المقيم وفيه ... وفيه ...


وحنا كلنا متكاتفين لأننا شعب واحد وطن واحد

ياللي ماتعرف هالمعاني

وأنا شخصيا حالتي المادية ممتازة والحمدلله لكني مقاطع

عشان السعودية والسعودي

ولاتحسب هالمنتدى تجمع فقراء حنا كلنا حالتنا ممتازة

لكن مقاطعينكم

مقاطعينكم


مقاطعينكم


تضامنا مع بعض وإحساس بالأخوة ... وإذا أنا قدرت أخوي مايقدر



أفسدتوا البلد ، بمواد مسرطنة ومواد مميتة ... وإهمالكم وجشعكم

حتى اليهودي ما سواها


لكن مايدافع عن الوطن إلا أهله


لا أنت ولاوزير التجارة اللي مدري من وين جاي






بعدين وش قصدك بآخر سطر .. يعني تهدد ..


ماقول غير حسبي الله ونعم الوكيل


الله يسامحك

ماشاء الله عليك

تاجر كبير

معصين ما بنشتري وخل غيري يشتري

اصلا ربحكم يأتي من الشريحه الكبرى من المجتمع السعودي

فما بالك اذا قاطع

وعلى قولك اذا اخذ الموضوع اكبر من حجمه انقلب ضده

فما رايك بالتجار

فقد اعطو الاسعار اكبر من حجمها ولذلك انقلبت ضدهم

اكاد اجزم انك ممن يرد انكسار هذا الشعب وتجويعة لمصلحتك انت ومن معك والله انك دنس على ثوب ابيض

سجلت عشان ارد عليك بس

شف انا ما كنت متحمس للمقاطعه لاني بنعمه ولله الحمد لكن من اليوم وطالع انا من المقاطعين

سمعت والا لا انا مقااااااطع

ياناس استفزني

فيه مثل يقول التاجر فاجر مدري وش رايك في ذا المثل

وهل تعتقد انك من التجار الذين يضلهم الله بضلة يوم القيامة



وبعدين مدري وش ذا النصيحة الي اقرب ماتكون تهديد
التضخم طبيعي و الاسعار في ارتفاع ،،، فلا تشغل بالك

الحمد للهوالشكر

صاحب الموضوع كفاك ارجاف

المشاركة الأصلية كتبت بواسطة مواطن كبير

سجلت عشان ارد عليك بس

شف انا ما كنت متحمس للمقاطعه لاني بنعمه ولله الحمد لكن من اليوم وطالع انا من المقاطعين

سمعت والا لا انا مقااااااطع

ياناس استفزني

فعلا ًً كبير يامواطن




وأخوي حنا كلنا حالتنا ممتازة الحمدلله

لكن الزيادة موب معقولة أبد



مقاطعين

مقاطعين

مقاطعين


تضامن وقوة وأخوة

هذا هو الشعب السعودي


شعب الأخوة ... شعب الخير ...


شعب مايرضى الذل


ولا إهانة وزير التجارة ..

هذي وحدة

والثانية

إستهتاركم بحياتنا


المواد المسرطنة المميتة تملئ المحلات

ينتظرون أحد يموت

وهذا اللي يموت قد يكون إبنك ياتاجر



لن نسكت على هذه الإهانة والإستهتار


والتجار هو الخسرانيين أولا وأخيراًً ..


وحنا الربحانيين


خلاص ودعنا أيام العشوائية بالشراء ..

حنا هالحين حيل منتبهين ... وحريصين ونعرف نختار المنتجات ..


والحمدلله إستفدت كثير من هالمقاطعة وتعلمت معلومات

وإستراتيجيات الشراء .. والتسوق الذكي


بدل ماعطي زيادة المال ولو كان قليل تاجر يجمع ماله ويكنز


الذهب والفضة


أعطي هذا المال القليل لأقرب فقير يصادفني


عسى الله يرحمني أو أشتري قليل من الحلوى أفرح به طفل جاري


وهذا هو التفكير الإيجابي ..


هذه الأزمة علمتني أن أنتبه لمالي

يااخي العالم فتحتة وفهمت مو تضحكون عليهم بكلمتين

اجل التضخم طبيعي؟؟!!!

طيب ليه ماتقول النصب والاحتيال من التجار صار طبيعي؟؟!!!!!

او اقولك ليه ماتقول الطمع بالمواطن صار طبيعي؟؟؟؟؟!!!!

اما تضخم فعلا فيه تضخم لكن التضخم موجود في بطون التجار المتلاعبين كبار الكروش ضعاف

النفوس


مقاطعين مقاطعين ولاتحاول تقلل من أهمية الموضوع ياتاجر كبير!!!!

اخوي مهجدهم بصراحه هذا الموضوع حرك احساس داخلي كان شبه نايم بالعربي صحاه

ومثل ما قلت لازم نوقف مع بعض الغني والفقير ....... القوي والضعيف ...... الكبير والصغير

ضد الاستغلال والجشع

نعم نعم للمقاطعه