الكل يلاحظ ارتفاع الاسعار الغيرمبرر في جميع المنتجات المحلية والمنتجات الاجنبية
ويتحجج بعض التجار الى ارتفاع تكاليف النقل بسبب أنخفاض الدولار مع ان نسبة الانخفاض لاتعادل نسبة ارتفاع الاسعار ولا تلقاها مدبلة أكثر من مرة.
اما المنتجات المحلية مثلا الخضروات جالسة تنتج محلياً ولا فيها تكاليف نقل دولية والعملة المستخدمة الريال واهم المواد المساعدة للانتاج (الديزل- البنزين) أررخص من السابق يعني لو ارتفع سعر الاسمدة الي يجيبها من برا ترى الامور الاخر منخفض سعرها
بس صارة الدعوة موضة
بالاضافة للزيادة الي حصلت من مكرمة الملك في رواتب موظفي دولة 15% صارت فرصة للتجار يرفعون اسعارهم لانهم عارفين الفلوس زادت في يد الناس
وعاد ياليتهم رفعوها بنسبة 5% او 10% او 15% كان قالنا ماشي مع ان موظفي القطاع الخاص بيتضررون من هل شي لكن شفاحت وجشع التجار وصلوها الى أكثر من 20%يعني كان الزيادة ماسوت شي للمواطنين الا ضرتهم
ومدام وزارة التجارة نايمة يامالك من المصايب الي بتاكلها على راسك

******************نقاط******************

• تروح الى اي محل تلقى الاسعار مرتفعة تقوة لية قال ياخي كل شي مرتفع طيب انت وش عليك من الباقين يقولك الاسعار مرتفعة وبس تبي ولا بسلامك ماقلنا لكم موضة

• محدودي الدخل وشلون راح يعيش ويأكل عياله اذا التجار مركزين برفع اسعارهم على المنتجات الرئيسية(الحليب- السكر- الشاي- الأرز-الطحين) ماقول الا الله يفرج عليكم.

• من الساعة 7.30الى 2.30 دوام وزارة التجارة بالله وش وجالسين يسوون فطور وجرايد وبس شكلي بروح اتوظف عندهم
• سؤال الى وزير التجارة متى ناوي تصرح بخصوص ارتفاع الاسعار ومتى راح تتخذ قرار بوقف أرتفاع الاسعار بس بلييييز بدون عقد لجان لدراسة الوضع لان الاعمى يشوف الان وسالفة بتطول بجتمعات ولا راح ناصل الى حل.
• من زود البجاحة حتى المدارس الاهلية رفعت اسعارها يقول كل شي مرتفع لية وهو انتم بتشترون مدرسين من برا المدرسين نفسهم المباني نفسها ورواتبهم ماتغيرت وش عندكم من تكاليف جديدة ماقلنا لكم موضة
• من أمن العقوبة أساء الأدب صورة مع التحية لكل تجار الطمع

ونحن عندنا موضة احدث من موضتهم وهي

المقاطعه


نقاطع اي شي ارتفع سعره بشكل جنوني وناري


والبديل في الانتظار دائماً



تحياتي لك اخوي

ايه هين يلبسونا موضتهم
مقاطعون ولو كنت لوحدي