أكياس الشواء في الفرن Oven Bags

**أهدافي تتحقق** · 04-01-2013, 06:43 PM

بسم الله الرحمن الرحيم

أولاً (المعذرة من المشرفين إذا مكان الموضوع غلط)

و ثانياً أدخل في الموضوع على طول:

أنا أستخدم أكياس الشواء في الفرن لطبخ الرز و الخضار و الأسماك بشكل شبه مستمر..

و لاحظت مع المغلف الجديد إن كيس الشواء أكبر من المقاس السابق..

لكنه عند أدنى احتكاك مع الصينية الموضوع فيها.. على طول ينلسع من الحرارة و ينفتح الكيس

طبعاً في البداية ما شكّيت إن المشكلة من نفس المُنتَج لأني متعودة أشتريه ولا فيه أية مشكلة..

قلت يمكن من طريقة ربطي له.. أو فيه هواء أو ما فيه هواء .. أو لأني ما حطيت فيه شوية دقيق مثل ما مكتوب على الغلاف..

المهم إني ما شكّيت في نفس المنتج إلا بعد ما تكرر الموضوع أكثر من مرة

و لحسن الحظ كان باقي عندي المغلف القديم و لما قارنت بينهم انتبهت إنه مو نفس المنتج..

لكنه نفس غلافه الأمامي طبق الأصل

لحظتها اكتشفت إني انخدعت.. و ما أستبعد أيضاً إن صاحب المحل ما يدري عن شيء..

و صوّرت لكم الاثنين بجنب بعض.. الجيد و الرديء عشان تشوفون مدى الشبه بين الاثنين..

الأصلي مكتوب عليه الصناعة إنجليزية، و المُقلد تقريباً ما كتبوا عليه وين مكان صناعته !!

و كذلك المُقلد فيه 10 أكياس للتغرير بالمُستهلك و الضحك عليه

أما الأصلي ففيه 8 أكياس فقط .. و كِلا المنتجين بنفس السعر

طبعاً كل هذا إضافة إلى النقطة اللي ذكرتها في بداية الموضوع، و هي إن :

الأصلي إذا قارنت مقاسه بالمُقلد حتلاقي إن المقلد أكبببببر مقاساً من الأصلي.. مع إنه مكتوب على الغلاف من برا نفس المقاااااس

ما أدري هذا للإيهام بأن المنتج تم تطويره أو غباء منهم أو عدم اهتمام..

فالغلاف هو نفسه تقريباً.. حتى الخطوط المستخدمة.. و التعريفات و كل أبو شيء نفسه

بس الجودة فيها فرق بين الاثنين..

و بإمكانكم البحث عن المنتجين في السوبرماركات و محلات الأواني المنزلية للتأكد بأنفسكم..

و الله إنه انلحس مخي يوم شفت الصور.. لأني بعد أنا صوّرتها من مُدة و نسيت الموضوع و أيّهم الأصلي و أيهم المقلد