قصتي مع > بيتزا هت <

**جمرة غضى** · 06-12-2010, 01:18 PM

في ليلة باردة وأنا بحالة جوع شديد ....

تجرأت وذهب الى فرع بيتزا هت القريب من
بيتنا بمحافظة الرس (القصيم ) المهم...

قلت ياولد الدنيا فانية خل امتع نفسي شوي
ودخلت مطعم بيتزا هت وقلت بأكل بيتزا لذيذة

الجبن كثير ويتمطط وفيها لحم كثير وكلش... المهم
شفت المنيو وفكرت شوي والمحاسب كل بتزا يقولي
زينة زينة >>>كان المحاسب هو اللي بيتعشا ..المهم

تجرأت وطلبت بيتزا صغيرة على أمل أن تسد ما ألم بي من
الجوع الشديد طلبتها وعطاني فاتورة وقال 10 دقايق شوي وشوي
وتمر ال10 دقايق واستلم الطلبية (بيتزا صغيرة)=19 قالي لا الحين صارت
ب21ريال ..قلت يارجال خربانة خربانة ودفعت الفلوس ومشيت ورحت للبيت وأنا
متحمس بأكل بيتزا على الأصول واتذكر أني قايل للمحاسب زيادة جبن قلت بنفسي
ابسبح بالجبن المهم فتحت كرتون ......... وياليتني مافتحته اصبت بخيبة أمل شديدة ....
البتزا صغيرة جدا جدا والجبن زي السليكون قاسي ومايتمطط ولا طعم لة والبيتزا من تحت مشبعة بالزيت الدبق واللحم قطعتين وشوية خضار وتعالو أول مرة أشوف بيتزا بقطع الثوم ...المهم أكلتها وكل أمل بطعم ولكن لاطعم ولا لون ولا رائحة ....ياليتني ماطلبت .... وعلى فكرة قصتي تنطبق على قصة ثانية بس ببيتزا الكبيرة يوم العرض
الاثنين مدري الاحد ...

نصيحة اللي بيضيع فلوسة ويوجعه بطنه
يروح لبيتزا هوت ....

.................................................. .................................................. ............................