بديل النسكافيه وكوفي ميت nescafe & coffeemate altarnative

**جو ساقان** · 13-05-2011, 01:45 AM

انا انسان مدمن شاهي وقهوة فالموضوع هذا راح اكتب تجاربي مع اشكال القهوة الامريكية وافضل البدائل وفي موضوع ثاني راح اتطرق لانواع الشاهي

بعد الزيادات المتوالية في قهوة النسكافية سريعة التحضير اضطريت اشوف قهوة ثانيه

قهوة النسكافية الصغيره كانت تباع قبل 7 ريال الان 10 ريال وكل الانواع زادت اسعارها وكل يوم اشوف يزيد ريال يمكن وصل 11 الان للعلبة الصغيره

ايضا المبيض كوفي ميت كان 6 واليوم 9

المهم البديل المباشر كوفيك قودي نفس النسكافية بالضبط بالطعم وبسعر النسكافيه القديم
فيه بدائل اخرى ايضا لاني اتوقع الكوفيك راح يلحق اخوه

فيه كروغر المانيه لكن نكهتها مااعجبتي .. سعرها مناسب جرب صغير قبل ماتتورط فالكبير
فيه قهوة نفس كروغر لكن سورية نسيت اسمها لكن منتشره فالسوق وهي نفس كروغر بالضبط

فيه قهاوي اسماءها التجارية غير مشهورة لكنها شبيهه بالنكسافيه مثل مستر كافية جربتها في مقهى واعجبتني لكن ماادري وين تباع وهي مصرية وسعرها معقووول

لكن بشكل عام اي قهوة مصدرها انتاج البرازيل = نفس النسكافية 100 % بالطعم والجودة ولايغرك الاسم التجاري .

اما القهوة اللي مصدرها المانيا فنكهتها تختلف عن البرازيل والاذواق تختلف انا شخصيا مااعجبتني .. لكن بشكل عام اللي مصدرها المانيا نكهتها ايضا واحدة .

اما المبيض فيه نوعين فيه مبيض كروغر ممتاز وفيه هينتز علبة قزاز ايضا جيد واسعارها 10ريال مقاس كبيييررر يكفي 150 كاس .

فاتمنى ان نعلنها مقاطعة لنسكافيه ونحول للبديل الجاهز ويفضل ان لاتعتمد على نوع واحد .راح يرضخ نكسافيه في شهر واحد .

تحياتي لكل مستهلك واعي .

**جمرة غضا** · 14-05-2011, 07:29 AM

اجل غيرك

.. كروغر الالمانية استخدمها عندي انها ممتازة

فيه نوع ممتاز ايضا ((دافيدوف ))يجي منه كم نوع ..
هاللي بالصورة هو اللي كنت استخدمه

اضغط على الصورة لعرض أكبر

الاسم: قهوة.jpg
المشاهدات: 870
الحجم: 48.0 كيلوبايت
الرقم: 4765

لكن الاخوان هنا قالوا انها تابعه لشركة تنتج تبغ !
مير تعافها نفسي ..
حسافه

كانت ريحتها تصك بالراس وتعدله

تشكر جو ساقان

**رب أسرة** · 14-05-2011, 08:00 AM

يوجد انواع بديلة للماركات المشهورة من النسكافيه مثل الموجود لدى ثلاجة النخبة مصري واردني وسعر العلبة 200 جرام بـ 10ريال وايضاً مبيض القهوة.
شكراً

**ahbk_911** · 14-05-2011, 10:13 AM

السلام عليكم ..
اريد انوه على كلام اخي رب اسرة عن النسكافية اللي يباع في ثلاجة العالمية ممتاز جدا من جهة السعر و الطعم

**Sa3uD** · 14-05-2011, 02:13 PM

أشكرك ؛ وأدعو لك بكل خير ...

**stankovic** · 15-05-2011, 05:21 AM

اقتباس:

المشاركة الأصلية كتبت بواسطة جمرة غضا التميمية

اجل غيرك

.. كروغر الالمانية استخدمها عندي انها ممتازة

فيه نوع ممتاز ايضا ((دافيدوف ))يجي منه كم نوع ..
هاللي بالصورة هو اللي كنت استخدمه

ملف مرفق 4765

لكن الاخوان هنا قالوا انها تابعه لشركة تنتج تبغ !
مير تعافها نفسي ..
حسافه

كانت ريحتها تصك بالراس وتعدله

لا يكون ادمنتي عليها ^_^
أخاف يكون فيها نيكوتين ,, مدام السالفه فيها ( صك وتعديل بالرأس )
لا تخافين يا وخيتي مجرد دعاآآآآآآآآبه ...

مشكور يا عزيزي عالبدائل لك ودي ..}

**dodyano** · 15-05-2011, 01:45 PM

سلمت على المجهود

**جو ساقان** · 16-05-2011, 11:47 AM

الله يحييكم جميع ..

**abdullah33** · 14-08-2011, 06:27 PM

السلام عليكم ورحمة الله
يوجد انواع بديلة للماركات المشهورة مثل ما قال أخي رب أسره .. وأنا مجرب قهوة (هنز الذهبية) فالحقيقة تنسيك النسكافيه. وكذلك دافيدوف وبالنسبة أنا أفضل إضافة الحليب المركز ( أبو قوس أوبوني ) بدلا من المبيض لاحتوائه على مواد حافظه.

وتقبلوا تحياتي .

15-08-2011, 01:27 AM

نشر على صفحة مقاطعة بالفيس بوك