أحد له تجربة في بيع أثاث مستعمل........................................

**المملوح** · 16-06-2011, 12:04 AM

أحد له تجربة في بيع أثاث مستعمل ( نظيف ) أو حتى عادي ؟
لأني عرضت أثاث عندي بحالة ممتازة جداً
واتصلت على أرقام حصلتها من الانترنت
وجوني أكثر من شخص _ كلهم من الجنسية السودانية _ وشافوا عندي كنب رائع و نظيف شاريه بـ 2800 ريال ( ألفين و ثمان مائة ريال )
قالوا نشتريه بـ 100 ريال ( مائة ريال ) رفعوا ضغطي _ شكلهم متفقين
.
وش رايكم ؟ دلوني

**المملوح** · 16-06-2011, 12:05 AM

عادي ينقل الموضوع للمناقشة العامة
,
نسيت أقول :
في الرياض

**جمرة غضا** · 16-06-2011, 12:34 AM

وش تتوقع أجل

بيشرونه بسعر بخس ويبعونه بسعر يقارب للجديد ..

نصيحه طلعه صدقة وانا اختك
دور لك واحد ضعيف وعطه اياه ...

اقتباس:

عادي ينقل الموضوع للمناقشة العامة

ابشر ينقل من الاستراحة للعام

**المملوح** · 16-06-2011, 01:01 AM

اقتباس:

المشاركة الأصلية كتبت بواسطة جمرة غضا التميمية

نصيحه طلعه صدقة وانا اختك
دور لك واحد ضعيف وعطه اياه ...

..........................
دوم معينة على الخير بإذن الله
ـــــــــــــــــــــــــــ

ابشر
.....................
بشرك ربي بالخير من عنده

................

**أبو راشد** · 16-06-2011, 02:56 PM

اما اشتريه ب 2800 وابيعه ب100

والله اشب فيه ولا ابيعه

نصيحه اذا سعره نازل مره تبرع فيه

**سعودقمر** · 17-06-2011, 01:46 AM

تبيع بثلاث مية خخخخخخخخخخخخخ

**المملوح** · 17-06-2011, 02:07 PM

أمس رحت لمحلات الأثاث المستعمل في الحراج
المهم و الزبدة ؛ قال لي أحد المحلات : لا تتعب نفسك ، كل المحلات ما راح يشترون أثاثك إلا بحدود 100 ريال ، و أعلى سعر راح يكون بين 200 ريال إلى 300 ريال
قلت له : عندي كنب بحالة ممتازة و جلسة ثانية و مكتبة أمريكية و فرش جداً بحالة ممتازة وبعضه مغسول و مغلف
قال : هذا السوق !!!
.
كتبته حتى يستفيد القاريء

**المملوح** · 17-06-2011, 02:11 PM

أبو راشد
سعود قمر
وش رايكم تشترونه
يله كل واحد يسوم
وأعلى سعر يكون من نصيبه
واللي بيدخل من الأعضاء حياه الله
و أتوقع يوصل السعر 120 ريال

**لاتدف** · 17-06-2011, 02:33 PM

رأيي تتصدق فيه وسبق صارت لي نفس التجربه وعندك جمعية البر اللي في حي الملك فهد عندهم معرض للاثاث المجدد ويتعاملون مع كذا منجرة يعيد لهم تجديد الاثاث وماشاء الله المعرض عليه زحمه
الصراحه حقين الاثاث يستغلون الوضع مرة شريت غرفة ب15 الف وعرضتها للبيع بعد كذا على الاثاث المستعمل واعلى سعر 1400 مع انها اخت الجديدة فقلت اهديها لاحد او اتصدق فيها ولا ابيعها بثمن بخس

**سـSـيد** · 17-06-2011, 03:08 PM

عليك بجمعية البر لهم فرع ثاني بالبديعه

إذا انت حولهم اتصل عليهم

وهم يجونك للبيت ويشيلونه