بسم الله الرحمن الرحيم

بصراحه معاناتي مستمره مع الجعاونيه (التعاونيه ) للتأمين
وللأن لم استلم اي فلس لذلك قررت اني اصلح السياره بحسابي الخاص بعد معاناه 11 شهر ونصف

طبعا اللي تابع موضوع اللي في توقيعي يعرف القصه كامله وبالذات اخر الردود لي

سلمت السياره للورشه وبعد معاناة وظهرت عيوب وقطع لم تكن مسجله من قبل
الحمدلله المشكله عدت على خير وشريت كل حاجه وسلمت السياره للورشه واستلمتها يوم الاثنين 26\4\2010
اول ماشغلت السياره كانت ترتج بشكل غير طبيعي يعني اللي يركب فيها يخسس وزن 50 كيلو من الهزه اللي فيها
وكانت لمبه تشييك المكينه شغاله رجعت له قلت له انا سلمتك السياره شغاله ومافيها هذه الرجه وهذه المشاكل
قال هذه السياره كذا انا ماسويت شي فيها يمكن خربانه عندك كراسي المكينه او شي ثاني
قلت له حرام عليك سلمتك اياها عدله واخر مره شغلتها معك يوم نركب البطاريه
قال لا
المهم انا قلت له الحين بروح الوكاله اشيك عليها وارجع لك
اخذت السياره وبوصيه قريب لي قال نوديها لشخص موثوق من جماعتنا احسن من الورش التعبانه والوكالات
بالفعل شيك عليها ويوم فتح غطاء المكينه كانت المصيبه كالاتي



شاف كيبل مقطوع وملتمس مع كيبل ثاني احضر وازرق
صلحت السياره والحمدلله راحت الرجه ورجعت له ووريته الصوره
قال يمكن مع تركيب المكينه انقطع هذا
قلت له :::
يعني انت ماوثقت فيني يوم قلت لك عطيتك السياره عدله وسلمتني اياها خربانه
ونادى للعامل يلومه على الخطأ
قلت له ياعمي هو ماله ذنب تلومه الاول انك يوم تستلم السياره تعرف ايش فيها مو تقول لي خربانه من الاول وتلوم العمال

ومن يومها لا تأمين زفت دوت كوم ولا نجم كلهم خرابيط عيني عينك

انا بحذر اي شخص يسلم سيارته للورشه يشيك عليها واي نقاط يكتبها له في ورقه للأمانه
وياريت اذا يقدر كل مره يروح يشيك عليها يشوف كيف شغلهم
وسلامتكم

معقوله !
هل بلغتهم ؟

والله يا إن أي أحد يقدر يضحك علينا بكلمتين
وإحنا ناس صداقين والنصابين مستغفلينا على الأخر
المشكله الأكبر أننا نعرف بأنهم يستغفلونا ومع ذلك ساكتين ونسايرهم
وإلا نجم أوغيرها ما هو تاريخها الحقيقي في الصيانه والتشغيل والتصنيع
الحقيقة لا نعلم عنهم سوى أنهم شركة مهمتهم تخطيط الحوادث ورفع تقرير
لا اكثر ولا اقل

وقيسوا على ذلك

المشاركة الأصلية كتبت بواسطة جمرة غضا

معقوله !
هل بلغتهم ؟

بصراحه كل شي يجي منهم
بعد ماحليت المشكله بلغتهم وصورت لهم السياره وكل واحد يلوم الثاني
انا سحبت عليهم ومشيت والله اني مو ناقص مشاكل وعوار راس يكفي اني متبهدل مع التعاونيه (الجعاونيه)للتأمين

المشاركة الأصلية كتبت بواسطة تايني37

والله يا إن أي أحد يقدر يضحك علينا بكلمتين
وإحنا ناس صداقين والنصابين مستغفلينا على الأخر
المشكله الأكبر أننا نعرف بأنهم يستغفلونا ومع ذلك ساكتين ونسايرهم
وإلا نجم أوغيرها ما هو تاريخها الحقيقي في الصيانه والتشغيل والتصنيع
الحقيقة لا نعلم عنهم سوى أنهم شركة مهمتهم تخطيط الحوادث ورفع تقرير
لا اكثر ولا اقل

وقيسوا على ذلك

تاريخ نجم ليس بتاريخ خبره
كله ناس دارسه الشغله بس مادرست التطبيق الحقيقي
طبعا هذا الشي يختلف كثير عن باقي العمال اللي تتعلم وتطبق صح
وحتى في التخطيط شركه نجم لاشئ وتسعيرتها تثبت ذلك

نور كامل+كمر= لم تكن مسجله ظمن الفاتوره والتسعيره
التكلفه 2550 للقطعتين + 2000 ريال تركيب الكمر, كلها دفعتها من جيبي وإلى الان لم استلم ولا ريال واحد

هنيئا لكم يا تأمينات
لايوجد من يقف في وجهكم غير رب العالمين

والله فوضى ولا احد يسمع

في الدول المتقدمة التأمين يعد طريقة جيدة لحفظ الحقوق وتسهيل على المواطن من العناء
ولكن هنا نجد العكس اصبح التامين طريقة جديدة لزيادة معاناة المواطنين
صورة لوزارة التجارة للنظر في الامر

الله يستر

والله يا أخوي كل الورش على هذه الحالة
والشرطة تشتكي لهم يقول لك رح عند شيخ الورش وهكذا وتضيع وقتك على الفاضي للأسف الشديد

اسف للرد المتأخر..

لن امدح في التعاونية.. لكن طالما وضعك سليم ولم يتم انصافك فقط ارفع شكوى عبر الهاتف المجاني 8001249990 .. وستجد من يتعامل معك بحرفية.

اتكلم من واقع خبرة وتجربة.. والله المستعان.