على طاري التلاعب بالاسعار..

**لاتدف** · 11-02-2012, 09:52 AM

يوم الخميس الماضي توجهت للتنهاة وكعادتي معاي القز الصغير السفري استخدمة للطبخ خاصه ان الطلعة خفافية المهم تذكرت اني ناسي اشتري عبوات الغاز

وكانت آخر بقالة اللي جنب منتزة الثمامة لان بقالة دوار حفر العتش في الغالب زحمة
وقفت وأخذت شدة فيها اربع حبات كنت شاري زيها الاسبوع الماضي من الرماية بقيمة 16 ريال
تفجأت يوم جيت عند ابويمن المحاسب في البقالة اياها قال 28 ريال يعني زيادة 80% 12 ريال
قلت له صاحي انت لاتصير غلطان قال لي بكل بلادة هاذي اسعاري تركتها وطلعت،، مسكني شايب شمري وهو يسمعني معصب قالي شنوحك يابعدي وراك ماجبتهن من الرياض ياملا الغنيمة ضحكت بوجهه وطلعت
تشتت المسؤوليات بين الوزارات والجهات الرقابية هي من جعلت ابويمن وغيره خارج النطاق العمراني يتلاعبون بالاسعار وماعليه مادام المواطن هو اللي يبي يدفع