اخواني
ماهوا ارخص مطعم بيتزا وفطائر بالرياض
ويكون وجباته نوعيتها جيده ونظيف
وشكراً

نوعيه جيدة وبصراحة محل يفتح النفس ونظيف
و عندي ان سعره جدا مناسب ورخيص بالمقارنة بيتزا هت اوإن
اسمه بيتزاء راي
شرق الرياض في شارع الاميرماجد بن عبدالعزيز(اللي عليه مدارس النموذجية) مقابل بنك سامبا
عنده عروض حلوة انواع بيتزا كثيرة وجديدة
وبعد خالية من الدهون

شكرا اختي على الإجابة

يعطيك العافية والله يجزاك خير
بس ياليت لو ذكرتي اسعارهم عشان نقارنهم بغيرهم يمكن فيه ارخص

وشكرا جزيلا

ويعافيك
هذي الانواع اللي عندهم
البيتزاء عندهم مقاس واحد
اللي 20 ريال فقط بيتزاء مشكل بيروني دجاج لحم خضار
اغلبها بـ15 ريال مثل بيتزاءدجاج ديلوكس _بيتزاء لحم ديلوكس _بيتزاء نقانق _بيتزاءنقانق بالخضار
فيه 10 ريال مثل
بيتزاء مارغاريتا_مارغاريتا بزعتر_بيتزاء خضار _باللحم المفروم_عش البلبل
قطع خبز بالثوم والجبن 5ريال
بطاطس مشوي 5ريال
وفيه عروض عندهم اخرى

بس ما ادري ان غير سعره الان او لا
ولاحد يقولي اعلان للمحل
فقط للمقارنة مع غيره فيه ارخص منه او لا

في مطعم اسمه حدائق الشام بالعروبة قريب من مستوصف الشبلان اكله بيجنن البيتزا بيحطلها جبنة بشكل رهيب والفطاير حلوة خاصة اللحم بعجين لحمتهم مرة حلوة والمشاوي صراحة انا ما آكل غير من عندهم حتى الطبخ الظهر كأنه أكل بيت وسعرهم عادي رخيص

فيه سلسلة لمطاعم اذكرها في الرياض للبيتزا اسمها على ما اعتقد فطيرة هات
كما فيه مطعم ثاني اسمه بيتزا بان اسعاره ممتازة بس هذه تعتبر مؤسسات ليست بذات القوة
وان شاء الله ندعمهم

ممتاز لما تلقي مطعم نظيف ورخيص

ومازلت مصر ان البيتزا في البيت اسرع بواسطه قدر البيتزا الكهربائي

طبخ البيت دائم يكون أصح . أوفر.
لكن المطعم للتغير فقط

جربوا بيتزا الطائر بعد قاعة ليلتي بالرياض بالسويدي
بيتزا محشية بالجبن من الداخل بسبعة ريال تراها جيمة لنفر الواحد
او فطيرة البنة بالعسل المغلقة ياعليها طعم مع السمسم
جربو وادعولي

حياك يالغالي عندنا في الغرب لكن غير مشهوره برياض يعرفه اهل الغرب