إيقاف العرض ومطالبة بإبعاد الحيوانات المفترسة من الأسواق العثيم

**mero200** · 31-07-2011, 03:55 PM

إيقاف العرض ومطالبة بإبعاد الحيوانات المفترسة من الأسواق

عروض الأسود تسقط جنين حامل وتحدث تدافعاً بين الحضور

عيسى الحربي - سبق - الرياض: أسقطت امرأة حامل جنينها بعدما تسلّل إليها الخوف والهلع من عروض الأسود المفترسة ليلة أمس في أسواق العثيم مول فرع خريص، فيما هربت النساء والأطفال من الموقع، وحدث تدافع وسقوط للأطفال، وتمّ إيقاف العرض.

وكانت إدارة السوق قد أعلنت في وقت سابق عن وصول فرقة للأسود والنمور داخل السوق يومي الخميس والجمعة؛ لتقديم عروض ترفيهية، وبالفعل حضرت الفرقة والمتسوّقون، وبدأ العرض، وعند اقتراب الأسود المتوحّشة من الجمهور تعالت أصوات الخوف والهلع، ليُفاجأ الحضور بسقوط امرأة في المكان، وتم طلب الإسعاف لها إلا أن إجهاض الجنين كان أسرع.

من جانبه طالب أولياء أمور بعدم إقامة عروض الحيوانات المفترسة داخل الأسواق؛ لأنها غير مهيّأة للعروض، ويرافقها اختلاط بين الجنسين وتدافع.

Share

0

**جمرة غضا** · 31-07-2011, 04:09 PM

هذي نهاية المسخرة !! قال ايش مهرجان ؟
جامع اسود ودببه وبعارين وخرفان .. مول للتسوق قالبه لحديقة حيوانات ...
سبق لي ان صورت الاستخاف والمسخره (بعارين وخرفان بوسط المول ) بفرع العثيم مول طريق الدائري
وجا من يدافع
عن الفكرة ويصف مهرجان العثيم بانه نجم المهرجانات !

هنا
لاتفوتكم فعاليات العثيم مول المدهشة ! (فيديو بعارين وخرفان المول ) ‏(

1 2 3 ... الصفحة الأخيرة)

اقتباس:

من جانبه طالب أولياء أمور بعدم إقامة عروض الحيوانات المفترسة داخل الأسواق؛ لأنها غير مهيّأة للعروض، ويرافقها اختلاط بين الجنسين وتدافع.

لا مفترسة ولا اليفة
اول مرة اشوف بعارين وخرفان داخل مجمع تجاري ؟
المول اصبح زريبة وحديقة حيوانات ؟
الموقع غير مخصص للحيوانات قيل لي ان الدب مسجون بقفص صغير جدا !والاسد كذالك ..
والله ستسالون عنهم ..
حسبي الله ونعم الوكيل اتقوا لله بالحيوانات اتقوا الله بالمتسوقين

**عبدالرحمن الجبابرة** · 31-07-2011, 06:43 PM

حسبنا الله ونعم الوكيل

هذا الله من زلابة الجهات الرقابية

والمصيبة إذا كان ماخذ تصريح بإقامة المهرجان

الله يعطيك العافية mero200

**Khaled Ahmed** · 31-07-2011, 08:33 PM

وش ذنب الام التي فقدت جنينها
الله يصبرهم على بلواهم

**milano** · 31-07-2011, 09:37 PM

سبق

**ابراهيم2011** · 02-08-2011, 02:03 AM

ولا حد محاسبة لا تخاف تاجر كبير لا تخاف عليه من السين والجيم

**yousef70** · 02-08-2011, 12:10 PM

يالله لك الحمد
بالله هذا مهرجان
عروض حيونات - مايكفي الأجانب اللي مالين المحلات
مدري من الإنسان اللي بيجيب عائلته علشان يشوفون أسد في السوق

لا وعليها بعد يجيبون لك عروض بهلوانية غبيه من الخارج

يارجل شغلكم كله مطارييييييسسسس

**أسلوب 100** · 02-08-2011, 01:18 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ناس ما يرضيها العجب والا الصيام في رجب

**غروب مكة** · 02-08-2011, 01:30 PM

بصراحة منتداكم له قيمته الكبيرة
بس احيان تزودوها وتتعدوا حدود التعقل والتفكير السليم والانتقاد البناء

المهم تنتقدوا وخلاص؟

اظن زوار العثيم بوقت العروض مو اطفال ولا هم قاصرين والاطفال معهم اهاليهم
يعني العيب مو بالعثيم وادارته ولا الحكومة
العيب بالعقول القاصرة اللي حضرت
حضرت اللي اجهضت
دامها تخاف وحامل وشوله تروح؟؟؟؟؟ بزر مثلا؟ماعندها تفكير
واهالي الاطفال الللي حضروا
والا علشان يقولوا اننا حضرنا شي جديد
والله ما اشوف العثيم غلط بعرضه حقه يروج للمول بالطريقة اللي يشوفها
العيب بالشعب الفاهي الفاغر والا تعودنا كل غلطة ندورلها شماعة مرة التجار ومرة المسؤولين ...الخ الخ

ياليت شوية مصداقية وشوية عقلانية

**جمرة غضا** · 02-08-2011, 01:57 PM

اقتباس:

المشاركة الأصلية كتبت بواسطة غروب مكة

بصراحة منتداكم له قيمته الكبيرة
بس احيان تزودوها وتتعدوا حدود التعقل والتفكير السليم والانتقاد البناء

المهم تنتقدوا وخلاص؟

اظن زوار العثيم بوقت العروض مو اطفال ولا هم قاصرين والاطفال معهم اهاليهم
يعني العيب مو بالعثيم وادارته ولا الحكومة
العيب بالعقول القاصرة اللي حضرت
حضرت اللي اجهضت
دامها تخاف وحامل وشوله تروح؟؟؟؟؟ بزر مثلا؟ماعندها تفكير
واهالي الاطفال الللي حضروا
والا علشان يقولوا اننا حضرنا شي جديد
والله ما اشوف العثيم غلط بعرضه حقه يروج للمول بالطريقة اللي يشوفها
العيب بالشعب الفاهي الفاغر والا تعودنا كل غلطة ندورلها شماعة مرة التجار ومرة المسؤولين ...الخ الخ

ياليت شوية مصداقية وشوية عقلانية

وش مصدقيه ؟ هل الخبر كاذب مثلا ؟
عقلانية ؟؟! نعم هنا الكثير يفتقدون للعقلانية

وش دخل الحكومة عشان تحطها بردك
او بس تبي تطلع مول العثيم نجم المهرجانات

قمت تجمع من كل صوب وحدب !
شف يا الاخو خل العثيم ينظف موله من زريبة الغنم والبعارين ويحطهم بحوش حول المول ويشيل اقفاص الدببه والاسود من المول ويحطها بخيمة سيرك ويجمع الناس لها
مش يحول المول لزريبة وسيرك ويقول مهرجان !
لو تقبلنا ماقدم لنا من غنم وبعارين وفرحنا ورقصنا لها
قل علينا اننا شعب فاهي وفاغر !

لاصحاب المولات لاباس بالاستعانه بصديق لفوا على مولات الدول المجاورة وخلوهم يمدونكم بافكار .. ترى الشعب السعودي مش فاهي فاغر يقبل باي مهرجان !

اقتباس:

حضرت اللي اجهضت
دامها تخاف وحامل وشوله تروح؟؟؟؟؟ بزر مثلا؟ماعندها تفكير

هنا لا تعليق لي فقط
اقول اتق الله ترى مافيه اشد مرارة من فقدان طفل او خسارة حمل ...